1 पतरस 2:24 - बारेली पावरी

²⁴ चू खुद आपना पापो काजे, आपनी डील पोर लीन ख्रुस पोर चोळ गोयू, जेरेसी आमु पापोन कोरता मोरीन धारमिकतान कोरता जीवन जीवसु, तेरे मार खाणेसी तुमु वारला होया.

1 पतरस 2:24 ပူးပေါင်းရင်းမြစ်များ

मत्ती 27:26

इनापोरसी चू बरब्बा काजे छुळ देदु, एने येसु काजे चाबका दिन सोप देदू, कि ख्रुस पोर चोळाव देये.

मत्ती 5:20

काहाकि मी तुमु काजे कोयो, कि कोदि तुमरी धारमिकता, पुजारा एने फरुशीन धारमिकतासी बोडीन नि रोये, ती सोरगोन राजोमा कोबी जाता नी आवळे.

मत्ती 8:17

काहाकि वचन यशयाह भविष्य कोरतान लारे कोयलो होतो पुरो होय गोयो. चू आमरी कोमजुरी काजे ली लेदू एने आमरी बीमारी काजे हाकली लेदू.

मरकुस 15:15

तेत्यार पिलात गोरदी काजे खुश कोरनेन कोरता, बरब्बा काजे तिंदरेन कोरता, छुळ देदू, एने येसु काजे चापका देवाळीन हवाले कोर देदू कि ख्रुस पोर चोळाय जाय.

लुका 4:18

“प्रभून आत्मा मार पोर छे इनान कोरता कि चू गरीब काजे वारली खोबर सोमवाळनेन कोरता मारू अभिषेक कोरलु छे, एने मेसेक इनान कोरता मुकेल्लू छे कि बोंदी वावा काजे छुटकारान एने आंदवा काजे नोजोर मेवाळणेन वारली खोबरोन प्रचार कोरो एने छेंदायला काजे छुळावू,

योहान 1:29

दिसरे दाहळे चू येसु काजे आपने भूनी आवतेलु देखीन कोयू, “देखू, यु परमेश्वरोन गाडरो छे जू जोगोन पाप उचलीन लीजात रोयतलु छे.

योहान 19:1

इनापोरसी पिलात येसु काजे चाबका देवळाव देदू.

प्रेषित 10:35

बाकीन हर जातीन जू तीनाक बिहतेलु एने धर्मान कामे कोरतेलू चू तीनाक गोवतेलु.

प्रेषित 10:39

आमु आखा कामोन गोवा छे; जे चे यहुदियान देस एने यरुशलेम बी कोऱ्यु एने चे तीनाक खांबा पोर टांगीन मार नाख्या.

प्रेषित 13:29

जेतार चे तेरे बारामा लिखायली आखी वाते पुरो कोर देदू, तेत्यार चे तीना काजे ख्रुस पोर गोथू उतारीन मोळवाट्यामा मेक देदा,

प्रेषित 5:30

आमरा डाहलान प्रभू येसु जीवाळलु जीनाक तुमु ख्रुस पोर टांगीन मार देदला होता.

रोमी 6:11

ओसात तुमु बी आपना खुदो काजे पापोन कोरता ते मोर गोयू बाकीन परमेश्वरोन कोरता मसिह येसुमा जीवतला सोमजू.

रोमी 6:13

एने नी आपना डीलो काजे धोरमोन हत्यार होयने कोरता पापोन होवाले कोऱ्या एने आपना खुदो काजे मोरलामा गोथा जीव उठनेन जानीन परमेश्वरोन होवाले कोऱ्या एने आपना डीलो काजे अधोरमोन हत्यार होयनेन कोरता परमेश्वर काजे आप देदा.

रोमी 6:16

काय तुमु नी जानतला कि जेरी आग्या माननेन कोरीन तुमु खूदो काजे नोवकरोन तोसो सोप देजे तेरात गुलाम छे, चाहे पापोन, जेरो ओमोरकाई जीवनोन मोरनो छे, चाहे आग्या माननेसी जेरो धारमिकता छे.

रोमी 6:2

कोबी नि, आपु जेतार पापोन कोरता मोर गोया ती ओवतेन ओवी तीनामा कोसा जीवन जोगजे?

रोमी 6:22

बाकीन हिमी पापोमा गोथा छुटकारू होयीन एने परमेश्वरोन दास बोनीन तुमु काजे फोव जोळे जीनासी चुखलाय जोळतली छे तेरो ओमोरकाईन जीवन छे,

रोमी 6:7

काहाकि जू मोर गोयू, चू पापोसी छुटीन धोरमी ठेहऱ्यु.

रोमी 7:6

बाकीन हिमी जिनान बंधनमा आमु होता तिनान कोरता मोरीन हिमी शास्त्रनियमोन नुसार ओसा छुट गोया कि लिखलान जूनली रितीन अनसारे नि बाकीन आत्मान नोवली रितीसी सेवा कोरतेला छे.

1 कुरीन्थियो 15:3

इनान वोजेसी मे आखान पेहेले तुमु काजे चीत वात पुगाळ देदू, जी मारेंचा पुगली होती, कि पवित्र शास्त्रान वचनोन अनसारे मसिह आमरा पापोन कोरता मोर गोयू.

2 कुरीन्थियो 6:17

इनान कोरता प्रभू कोये, “तिंदरे इचमा मा गोथा निकवू एने ओलोग रोयू; एने भुंडली चीजो काजे मा छिमू, ती मे तुमुक स्वीकार कोरिस;.

गलातियों 3:13

मसिह जू आमरेन कोरीन शापित बोन्यू, आमुक मुले लीन नियम शास्त्रान श्रापमा गोथू छुळाव्यू काहाकि लिखलो छे “जू कुदु ख्रुस पोर चोळावतला चू शापित छे.”

इफिसीयो 5:9

काहाकि विजावान फोव आखा भातीन भोलाई एने धारमिकता एने खोरलो छे.

फिलिप्पि 1:11

एने तीना धारमिकतान फोवोसी यो येसु मसिहन लारे होयतेली छे, पुरा कोरता जावू जीनासी परमेश्वरोन महिमा एने बोढाई होयती रोये.

कुलुस्सि 2:14

एने नियमोन चू लेख जू आपना नावो पोर एने आपसे दुष्मोन होतो मिटाव देदा एने तीनाक ख्रुस पोर खिवा ठुकीन ओगोव गोथू छेटो कोर देदू.

कुलुस्सि 2:20

जेतार कि तुमु मसिह साते जोगो काजे पेहेलेन शिक्षा भूनी गोथा मोर गोया, ओवतेन काहा तिंदरे सारखा जे जोगोमा छे जीवन जोगतला छे? तुमु ओसली विधीन ताबामा काहा रोयतला.

कुलुस्सि 3:3

काहाकि तुमु ते मोर गोयला एने तूमरो जीवन मसिह साते परमेश्वरमा डुकायलो छे.

इब्रानियो 10:10

इना मोर्जीन लारे येसु मसिहन डीलोन एकुत कावा हमेशान कोरता बलिदान चोळाव जाणेसी आपु चुखला कोराय गोयला छे.”

इब्रानियो 10:5

इना वजेसी मसिह जोगोमा आवनेन टेमे कोयतेला कि, “तू बलिदान एने भेट काजे नी मांग्यू बाकीन तू मारेन कोरता एक डील तीयार कोरलु छे.

इब्रानियो 12:13

एने आपना पायोन कोरता सुदी वाट बोनावू, जीनासी कि जू लेंगळू छे भोटकी नी जाय बाकीन वारू आरगु होय जाय.

इब्रानियो 7:26

यो वारलो होतो कि आमरेनचा ओसलु महायाजक छे जू चुखलो, निरदोष, साफ, पापी गोथू ओलोग एने सोरगसी बी उचो कोराय गोयू छे.

इब्रानियो 9:28

तोसुत मसिह बी घोणा सोवटा पापो काजे झेलणेन कोरीन एक कावा बोलीदान होयू, एने जे माणसे तेरी वाट जुवे, तिंदरा छुटकारान कोरता दुसरी कावा बिना पापोन देखाय पोळसे.

याकुब 5:16

तेरेन कोरता तुमु आपनेमा एक दिसरान ओगोव आपना-आपना पापो काजे मान लेवू, एने एक दिसरा कोरता प्रार्थना कोरु, कि वारू होय जासे धरमी जनोन प्रार्थनासी सब काय होय सकतलो छे.

1 योहान 2:29

जोर तुमु जानता होसे कि होया धोरमी छे, ती यो बी जानता होसे कि जू कुदू धोरमोन काम कोरतेलु छे चू हीनासी पोयदा होयलू छे.

1 योहान 3:7

हे पुऱ्या, कुदान भनकावामा नी आवे, आपनो जू धोरममा काम कोरतेला, चू तेरे सारखु धोरमी छे.

प्रकाशित वाक्य 22:2

तिनान गावोन सोळकोण इचमा वोयती होती. नोंदीन इने धोळे एने पोले धोळे जीवनोन झाड होतु; तेरेमा बारा भातीन फोव लागता होता, एने चो होर मोयनामा फोवतो होतो; एने तिना झाडोन पानटासी जाती-जातीन माणसे वारू होयता होता.