1 पतरस 2:21 - बारेली पावरी

²¹ एने तुमु एरेन कोरता बुलावला छे, काहाकि मसिह भी तुमरेन कोरता दुख झेलीन तुमु काजे एक वारलो नमुनु आपीन गोयलु छे, कि तुमु भी तिंदरा पायोन निशानी पोर चालू.

1 पतरस 2:21 ပူးပေါင်းရင်းမြစ်များ

मत्ती 10:38

एने जू आपनु ख्रुस लीन मारे पोछोव नि चाले चू मारा लायक नि होय.”

मत्ती 11:29

मारो जुवळो आपनेपोर हाकली लेवू, एने मारेसी सीकू; काहाकि मे नम्र एने मोनोन गोरीब छे एने तुमु काजे आपना आत्मामा आराम जोळसे.

मत्ती 16:24

तेत्यार येसु तेरा चेला काजे कोयू, “ओगर कुदाक मार पोछोव आवने लागे, ती खुदो काजे नाकार कोरे एने मारू ख्रुस हाकले, एने मारे पोछोव चाले.

लुका 24:26

काय गोरोज नि होती कि मसिह जो दुख उचलीन आपनी महिमामा जाय?”

योहान 13:15

काहाकि मे तुमुक नम्रता देखाळ देदलु कि जोसू मे तुमरे साते कोरलु छे, तुमु बी तोसोच कोऱ्या कोरु.

योहान 16:33

मे जे वाते तुमु काजे इनान कोरता कोयलु छे कि तुमुक मारेमा शांती जोळे जोगोमा तुमुक दुख होयतलो छे, बाकीन हिंमत धरु, मे जोगो काजे जीक लेदलु छे.

प्रेषित 14:22

एने चेलान मोनो काजे पाका कोरता एने भुरसामा टीकिन रोयनु जुवे कोरीन तीनु काजे धीर आपता गोया, “आमु काजे जुदो तोकलीत कोरीन परमेश्वरोन राजमा जाणो छे.”

प्रेषित 17:3

तिंदरू मतलब खुल-खुलीन सोमजाडतू होतु कि येसु काजे दुख उठावनो एने मोरलामा गोथू जीव उठनो जोरुरी होतो; एने “युत येसु जेरी मे तुमु काजे काहनी सोमवाळतू होतु, मसिह छे,”

प्रेषित 9:16

एने मी तीनाक देखाळीस कि मारा नावोन कोरीन तीनाक कोतरो दुख सहन कोरनो पोळसे.

रोमी 8:29

काहाकि जीनु काजे चे पेहेलेसी सोमजी गोयला छे तीनु काजे पेहेलेसी ठेराय गोयलो छे कि तेरा पुऱ्यान रुपमा छे, काहाकि चू भाशोमा पेहेलु ठेराये.

1 कुरीन्थियो 11:1

तुमु मारेन तोसा चाल चालू जोसू मे मसिहन तोसु चाल चालतलु छे.

इफिसीयो 5:2

एने मोंगोमा चालू जोसू मसिह तुमरे पोर मोंग कोरलु, एने आमरेन कोरता खुदो काजे सुख आपने वावो सुगंधोन कोरता परमेश्वरोन ओगोव भेट चोळावीन बलिदान कोर देदू.

फिलिप्पि 2:5

जोसो येसु मसिहन स्वभाव होतु तोसोत तुमरो बी होयो;

1 थिस्सलुनीकियो 3:3

कि कुदु इना तोकलीतोन वोजेसी कोमजुर नी होय जाय काहाकि तुमु खुद जानतला छे कि आमु इंदरेन कोरता ठेरावला छे.

1 थिस्सलुनीकियो 4:2

काहाकि तुमुक मालूम छे कि आमु प्रभू येसुनचा गोथा तुमुक कानली-कानली आग्या पुगाळला.

2 तीमथी 3:12

बाकीन जोत्रा मसिह येसुमा भोक्तीन पुठी जीवन जीवने हिंडे तीनु आखा काजे वेला पाळसे.

इब्रानियो 2:10

काहाकि जिनान कोरता आखो काहीन छे एने तिनान लारे आखो काहीन छे तिनान यो वारू लाग्यो कि जेतार चू घोणा सोवटा पुऱ्या काजे महिमामा पुगाळे ती तिंदरू छुटकारू आपनेवावा काजे दुख हाकलनेन लारे पुरो कोरे.

1 पतरस 1:20

तेरो ग्यान ते जोगोन घोडनेन पेहेलेसी जान लेदलु होतु, पुन हिमी आखरी युगमा तुमरेन कोरता प्रकट होयलू.

1 पतरस 2:24

चू खुद आपना पापो काजे, आपनी डील पोर लीन ख्रुस पोर चोळ गोयू, जेरेसी आमु पापोन कोरता मोरीन धारमिकतान कोरता जीवन जीवसु, तेरे मार खाणेसी तुमु वारला होया.

1 पतरस 3:18

एरेन कोरता मसिह भी, मतलब अधोरमीन कोरता धोरमी, पापोन वजेसी एक कावा दुख झेललु तेत्यार आमु काजे परमेश्वरोनचा पुगाळे, चू डीलोन भाव से ती माराव देदा, बाकीन आत्मान भावमा जीवतु होय जासे.

1 पतरस 3:9

भुंडलान बोदले भुंडलो मा कोरु एने लोळनेण बोदले मा लोळायु, बाकीन इना बोदले आशिष आपु, काहाकि तुमु आशिषोन वरीस होयनेन कोरता बुलावला छे.

1 पतरस 4:1

एरेन कोरता जेतार मसिहन डीलोमा होईन दुख झेल्यू ती तुमु भी तिनी मनसा काजे हत्यार सारखा वापर कोरु, काहाकि जू डीलमा दुख झेललु छे, चू पापमा गोथू छुट गोयू,

1 पतरस 4:13

बाकीन जोसो-जोसो तुमु मसिहन दुखोमा सहभागी होयतला छे, खुशीमा रोयू, जीनासी तेरी महिमा प्रकट होयते सोमय भी तुमु खुशीसी भोराय जावू.

1 योहान 2:6

जो कुदू यो कोयतेलु छे कि मे हिनामा बोनीन रोयतलु, हिनाक जुवे कि आपु बी होसात चाले जोसू होयू चाले.

1 योहान 3:16

आमु मोंग तीना पोरसी जाण्या कि चू आमरेन कोरता तेरु जीव आप देदु एने आमु बी भाशोन कोरता जीव आपनो जुवे.

प्रकाशित वाक्य 12:11

चे गाडरान लुयोन वोजेसी एने आपना गोवायीन वचनोन वोजेसी तिना पोर जयवंत होया, एने चे आपना जीवो काजे मोंगावू नी जाण्या, या तोक कि मोरोन बी सोहोनेन कोर लेदा.