1 पतरस 2:12 - बारेली पावरी

¹² दिसरा जातीमा तुमरो चाल चोलोन वारलो रोये; काहाकि जिना-जिना वातोमा होय तुमु काजे भुंडला कामोन जाणीन बोदनाम कोरतेला छे, चे तुमरा वारला कामो काजे देखीन तिंदरे वोजेह दयान दाहळामा परमेश्वरोन महिमा कोरु.

1 पतरस 2:12 ပူးပေါင်းရင်းမြစ်များ

मत्ती 10:25

चेलान एने गुरुन, एने दासोन एने स्वामीन बोराबोर रोयनो सोवटो छे जेतार चे घोरोन स्वामी काजे भुतडो कोये ती तेरे घोर वावा काजे काहा नि कोये.

मत्ती 5:11

“सोयावा तुमु, जेतार माणसे मारेन कोरता तुमरो छोळ कोरसे, एने तोकलीत देसे, झूट बुल बुलीन तुमरे खिलापमा आखा भातीन भुंडली वाते कोरसे.”

मत्ती 5:16

इना रितीसी तुमरो विजावो, माणसोन सामने चोमके कि चे तुमरा वारला कामो काजे देखीन तुमरु बास जू सोरगोमा छे, महिमा कोरे.

मत्ती 9:8

माणसे यो देखीन नोवलाय गोया एने परमेश्वरोन महिमा कोरणे बाज गोया जू माणसो काजे यु होक आपलु छे.

लुका 1:68

प्रभू इस्राईलोन परमेश्वर सोयावा होये, काहाकि चु आपना माणसो पोर नोजोर कोऱ्यु एने तिंदरू छुटकारू कोरलु छे,

लुका 19:44

एने तुसेक एने तारा पुऱ्या काजे जे तारेमा छे, धुवामा मेवाळ देसे, एने तारे पोर दोगळा पोर दोगळू बी नि छुळे; काहाकि तू तिना टेमो काजे जेतार तारे पोर मोंगोन नोजोर होयली ती नि उख्यू.”

लुका 6:22

“सोयावा छे तुमु जेतार माणसोन पुऱ्यान कोरता माणसे तुमरे साते दुष्मोनी कोरसे एने तुमु काजे निकाव देसे, एने तुमुक ताकलीत देसे, एने तुमरो नाव बुरो सोमजीन काट देसे”

योहान 13:31

तेत्यार चू बारथे जात रोयू ती येसु कोयू, “हिमी माणसोन पुऱ्यान महिमा होय गोयली छे, एने परमेश्वरोन महिमा तीनामा होयली छे”

प्रेषित 15:14

शिमोन देखाळ्यू छे कि परमेश्वर पेहेल दिसरा जाती पोर कोसू दया कोऱ्यु कि तिंदरेमा गोथो तेरे नावोन कोरता एक प्रजा काजे नेवाळलु छे.

प्रेषित 24:13

एने नि ते तिनी वातो काजे जिनान जे मार पोर गुणू लागाळता रोया तारे ओगोव खोरलो साबित कोर सोकतला.

प्रेषित 25:7

तेरेनचा चा पुगणे पोर यरुशलेममा गोथा आवला यहुदि तेरेनचा धोळे उबरोय गोया एने तीना पोर भुंडला गुणू लागाळने बाज गोया जेरो तिंदरे जुव काहनो सबूत नि होतु.

प्रेषित 28:22

बाकीन आमु तारा विचार सोमवनेन मोर्जी राखतला काहाकि आमुक इना पंथोन बारामा यो मालूम छे कि आखे जागे माणसे एरा खिलापमा वाते कोरतेला.

रोमी 12:17

“बुराईन बोदले बुराई मा कोरु; जी वाते आखा माणसोन साते वारली छे तिंदरी चिंता कोऱ्या कोरु.

रोमी 13:13

जोसो दाहळा काजे शोभा आपतलु, तोसोच आपनु बी सुधा चाल चालनो, नी कि खाण्या पिण्या एने मोंदळ्या एने मोटकाईमा नी भुंडला विचारमा एने काम कोरनेन मोर्जीमा, एने नी झोगळामा एने नी रीस धोरणेमा.

रोमी 14:18

जू कुदू इना रितीसी मसिहन सेवा कोरतेलु चू परमेश्वरोक गोवतेलु एने माणसोमा स्वीकारोन लायक ठेरायतलु छे.

रोमी 15:9

एने दिसरा जात्या बी दयान वजेसी परमेश्वरोन स्तुती कोर; जोसो लिखलो छे, “इनान कोरता मे जाती-जातीमा तारू धन्यवाद कोरीस, एने तारा नावोन भजन कोरिस.”

1 कुरीन्थियो 14:25

एने तिंदरा मोनोमा भेद सामने एने जेतार चू उबळू पोळीन परमेश्वर काजे नोमोन कोरसे एने मान लेसे कि छाचलीन परमेश्वर तुमरा इचमा छे.

2 कुरीन्थियो 1:12

काहाकि आमु आमरा दिमाकोन इनी गोवायी पोर घोमंड कोरतेला छे, कि जोगोमा एने खास कोरीन तुमरे इचमा आमरो जीवन परमेश्वरोन लायक ओसलो पवित्र एने खोराइ साते होतो, जो डीलोन ग्यानसी नि बाकीन परमेश्वरोन दया साते होतो.

2 कुरीन्थियो 13:7

आमु आपना परमेश्वरोनचा जी प्रार्थना कोरतेला छे, कि तुमु काहणी बुराई नी कोरे, इनान कोरता नी कि आमुक खोरलो देखाय पोळे, बाकीन इनान कोरता कि तुमु बुराई कोरु, भोले आमु बिन कामोन ठेराये.

2 कुरीन्थियो 8:21

काहाकि जी वाते निसतो प्रभून वाते नि बाकीन माणसो साते भोली छे, आमु तीनुन चिंता कोरतेला.

इफिसीयो 2:3

इनामा आमु बी आखान आखा पेहेले आपना डीलोन मोर्जीमा दाहळा जावाळता होता एने मोनोन मोर्जी पुरी कोरता होता एने दिसरा माणसो सारखो स्वभाव सी रीसोन पुऱ्या होता.

इफिसीयो 4:22

कि तुमु पोछला चाल-चलन अनसारे जुनलो स्वभाव काजे जी भोरमायलो वावी लालचोन अनसारे नाश होय जातलो छे उतार नाखू.

फिलिप्पि 1:27

निसतो ओतरो कोरु कि तुमरो चाल चलन मसिहन वारली खोबरोन लायक रोये कि मे आवीन तुमुक देखो, नीती नी बी आवो, तुमरे बारामा सोमवो कि तुमु एकुत आत्मामा पाका रोयू, एने एक मोन होयीन वारली खोबरोन भुरसान कोरता मेहनतोन कोरता रोयतला.

फिलिप्पि 4:8

इनान कोरता हे भाशो जे-जे वाते खोरला छे, एने जे-जे वाते आदोरोन छे, एने जे-जे वाते सही छे, एने जे-जे वाते चुखला छे एने जे-जे वाते वारू एने जे-जे वाते मोन भावनि, मतलब जा बी वारला गुणे एने बोढाईन वाते छे तीना पोर ध्यान लागाळू.

1 थिस्सलुनीकियो 4:12

काहाकि बारथे वावान तोरोफसी आदोर हासील कोरु, एने तुमु काजे कहानला चीजोन कोमी नि होये.

1 तीमथी 2:2

राजा एने आखा उचा पोद पोरलान कोरता एरेन कोरता कि आमु आराम एने नोरमाय पुठी आखी भोक्ती एने गंभीर से जीवन जीवजे.

1 तीमथी 4:12

कुदू तारी जुवानी काजे कमी नी समजनो जुवे; पुन वचन एने चाल चलन एने मोंग एने भुरसू एने चुखलामा विस्वास्यान कोरता वारलो होय जासे.

1 तीमथी 5:10

एने वारला कामोमा गीनाय रोई होसे, जीन पुऱ्यान राखवावी कोरी होसे; पाहांतऱ्यान चाकरी कोरी होसे, चुखला माणसोन पाय धुवी होसे, दुखी माणसोक मदत कोरी होसे, एने हर एक वारला काममा मन लागाळली होसे.

इब्रानियो 13:18

आमरेन कोरीन प्रार्थना कोरता रोयू काहाकि आमु काजे मालूम छे कि आमरो विवेक चुखो रोयो आमु आखी वातोमा वारली चाल चालनेन मोर्जी कोरता छे.

इब्रानियो 13:5

तुमरा स्वभाव बिना पोयशान लालचोन रोये, एने जो तुमरे जू से, तिनामा खुश रोयजी; काहाकि येसु खुद कोयलु छे, “मे तुसेक कोदि नि छुळो, एने कबी नि नाखो”.

याकुब 3:13

तुमरेमा ग्यानवान एने समोजदार कून छे? जू ओसो छे चू आपनो कामो काजे वारलो चाल-चलनमा तिना नम्रता साते प्रगट कोरे, जू ग्यानमा उत्पन होयतेली छे.

1 पतरस 2:15

काहाकि परमेश्वरोन मोर्जी जी छे कि तुमु वारलो काम कोरनेन लारे जिनाक बुद्धी नि होय, ओसला माणसे अनपडोन वाते बोंद कोर देयू.

1 पतरस 3:16

एने मोन भी चुखलो राखू, एरेन कोरता कि जिना वातोन विषयमा तुमरी बोदनामी होयतेली छे, तिंदरे विषयमा चा, जी मसिहमा तुमरी वारली चाल चालनो अपमान कोरतेला छे, चा लज्जीत होयसे.

1 पतरस 4:11

जू भी आदेश आपे, चू ओसो आपे माणू परमेश्वरो जून वचन आपलु छे, जू सेवा कोरे तिना ताकत से कोरु जो परमेश्वर आपतलु छे, जीनासी आखा वातोमा येसु मसिहन लारे परमेश्वरोन महिमा होयसे, महिमा एने होक कायम तेरोत छे. आमेन.

2 पतरस 3:11

जेतार ये आखा चीजे इनी रितीसी पिगवने वावी छे, ती तुमुक चुखली चाल चलन एने भोक्तीमा कोसला माणसे रोयनो जुवे,