1 पतरस 1:5 - बारेली पावरी

⁵ जिंदरी राखवावी परमेश्वरोन ताकतसी भुरसान लारे तीना छुटकारान कोरता, जू आवनेन टेमोमा प्रकट होयनेवाली छे, कोराय जातली छे.

1 पतरस 1:5 ပူးပေါင်းရင်းမြစ်များ

योहान 12:48

जू मेसेक वीटवलु माणसे एने मारा वातोन भुरसू नि कोरतेलू तीनाक गुणावू ठेरावने वावू ते एक छे मतलब जो वचन मे कोयलु छे, चोत ओगला दाहळामा तीनाक गुणावू ठेरावसे.

योहान 17:15

मे यो विनता नि कोरतू कि तू हिनुक जोगोमा गोथू चूट ले; बाकीन यो कि तू हिनुक तिना बुराईसी सी वाचाडीन राख.

योहान 4:14

बाकीन जू कुदु तिना पाणीमा गोथू पीसे जो मी तीनाक आपीस, ओवतेन चू ओमोरकाई तोक तीसलु नि रोये; बाकीन यो पाणी मे तीनाक आपीस, चू तीनामा एक झोर बोन जासे जो ओमोर जीवनोन कोरता उमळतो रोयसे.”

योहान 5:24

मे तुमु काजे छाचलीन-छाचलीन कोयो, यु मारू बुल सोमवीन मारा मुकलने वावा पोर भुरसू कोरतेलू छे, ओमोर जीवन तेरोत छे; एने तिना पोर दोंडोन आग्या नि होयतेली बाकीन चू मोरनेमा गोथू पार होयीन जीवनमा भोराय गोयलु छे.

रोमी 11:20

वारलो छे, चे ते अविस्वासीन वजेसी काटाय गोया, बाकीन तू भुरसू सी पाकु रोयतलु इनान कोरता अभिमानी मा होये, बाकीन बिक मान.

रोमी 8:18

काहाकि मे सोमजो कि इनी टेमोन दुख एने तोकलीत तिना महिमा वैभव साते जी आमरेपोर प्रगट होयने वावी छे, कायबी नी होय.

1 कुरीन्थियो 1:21

काहाकि जेतार परमेश्वरोन ग्यानोन अनसारे जोगोन ग्यानसी परमेश्वर काजे नी जान्यो, ती परमेश्वर काजे यो वारू लाग्यो कि इना प्रचारोन बिना दिमाकोन लारे भुरसू कोरणे वावा काजे छुटकारू आपे.

2 कुरीन्थियो 1:24

यो नी कि आमु भुरसान बारामा तुमरे पोर प्रभूता जोताळनो जुवतो होतो; बाकीन तूमरी खुशीमा मोदतगार छे काहाकि तुमु विश्वासी स्थिर रोयतला छे.

गलातियों 2:20

मे मसिह पुठी ख्रुस पोर चोळाय गोयू, हिमी मे जीवतलु नी रोयू पुन मसिह मारेमा जीवतला छे; एने मे डीलोम हिमी मे जीवतलु छे, जू परमेश्वर परमेश्वरोन पुऱ्या पोर छे, जू मार पोर मोंग कोऱ्यु एने मारेन कोरीन खुदो काजे आप देदू.

इफिसीयो 2:8

काहाकि भुरसान लारे दयासी तुमरो छुटकारू होयलो छे; एने यो तुमरे भूनी गोथा नी बाकीन परमेश्वरोन दान छे.

इफिसीयो 3:17

एने भुरसान लारे मसिह तुमरे मोनोमा बोसे कि तुमु मोंगोक वातडो धोरीन एने पायु घालीन.

फिलिप्पि 1:6

मेसेक इनी वातोन भुरसू छे कि जू तुमरे पुठी वारला कामो काजे चालु कोरलु छे, चू तीना काजे येसु मसिहन दाहळा तोक पुरा कोरसे.

फिलिप्पि 4:7

तेत्यार परमेश्वरोन शांती जू आखा सोमोजसी पुरो छे तुमरो मोन एने तुमरू विचार काजे मसिह येसुमा सोमवीन राखसे.

2 तीमथी 3:15

एने बचपनसी नियम शास्त्र तारो जानलो छे, जो तुसेक येसु मसिह पर भुरसू कोरनेसी छुटकारू हासील कोरनेन कोरता बुद्धिमान बोनाव सोकतलु छे.

तीतुस 2:13

एने इनी सोयावा आसोन मतलब आपना मोटला परमेश्वर एने छुटकारू आपने वावु येसु मसिहन महिमा प्रगट होयनेन वाट जुवता रोयू.

इब्रानियो 6:12

जीनासी कि तुमु उजगायला मा बोनु बाकीन तेरो अनुकरण कोरुजू भुरसू एने धीरजोन लारे बासोन वायदान पुऱ्या होये.

इब्रानियो 9:28

तोसुत मसिह बी घोणा सोवटा पापो काजे झेलणेन कोरीन एक कावा बोलीदान होयू, एने जे माणसे तेरी वाट जुवे, तिंदरा छुटकारान कोरता दुसरी कावा बिना पापोन देखाय पोळसे.

1 पतरस 1:13

इना कोरनेसी आपनी-आपनी दिमाकसी कोड्यो बांधीन, एने शुद्धीम रोयीण, तिना दयान आखी आस राखू जी येसु मसिहक प्रकट होयनेन कोरता, टेम तुमु काजे जोळनाय छे.

1 पतरस 4:13

बाकीन जोसो-जोसो तुमु मसिहन दुखोमा सहभागी होयतला छे, खुशीमा रोयू, जीनासी तेरी महिमा प्रकट होयते सोमय भी तुमु खुशीसी भोराय जावू.

1 पतरस 5:1

एरेन कोरता मी जो तुमु आखा डाह-डाहा छे, मसिहन दुखोन गोवा छे, एने देखायने वावी महिमामा भागी होयीन तीनुक यो सोमजाडो,

2 पतरस 1:3

काहाकि तिंदरी परमेश्वरोन ताकत आखो यो जीवन एने भक्तीसी संबंध राखतेलु, आमुक तेरी ची उवखोन लारे आप देदू, जू आमुक आपनीच महिमा एने वारला गुणोन अनसारे बुलाव्यू.

1 योहान 3:2

हे मोंगावा, हिमी आपु परमेश्वरोन पुऱ्या छे एने हिमी तोक यो प्रगट नि होयो कि आमु काय-काय होयसु, ओतरो जान लेतला छे कि जेतार चू प्रगट होयसे ती आमु तेरे सामने होयसू, काहाकि तीनाक तोसुच देखसु जोसू चू छे.

यहुदा 1:1

यहुदा भूनी गोथो जो येसु मसिहन दास एने याकुबोन भाश छे, तीनुक बुलावलान नावे जो परमेश्वरोन बासोमा मोंगावा एने येसु मसिहन कोरता वारला छे.

यहुदा 1:24

हिमी जो तु ठूकर खाणेसी वाचाड सोकतलु छे, एने आपना महिमान भरपुरीन सामने मग्न एने निरदोष कोरीन उबु कोर सोकतलु छे,