1 पतरस 1:4 - बारेली पावरी

⁴ काहाकि एक अविनाशी एने निरदोष, एने जिंदरा मनोमा काहना नि होय एने अजर वतन कोरता जी तुमरेन कोरता सोरगोमा राखली छे;

1 पतरस 1:4 ပူးပေါင်းရင်းမြစ်များ

मत्ती 25:34

तेत्यार राजा तेरे जेवळे धोळे वावा काजे कोयसे, “हे मारा बासोन सोयावा माणसे आवू इना राजोन अधिकारी बोन जावू, जो जोगोन पेहेले गोथो तुमरेन कोरता तियार कोरलु छे.”

मरकुस 10:17

जेतार चू चा गोथू निकवीन वाटे जातु होतु, ती एक माणूस तेरेनचा दोवळीन आव्यु, एने तेरे ओगोव मांडा टेकविन तीना काजे पुछु, “हे वारला गुरु, ओमोर जीवनोन ओधीकारी होयनेन कोरता मे काय कोरो?”

प्रेषित 20:32

एने हिमी मे तुमुक परमेश्वर काजे, एने तेरा दयान वचन सोप दोम; जू तुमरी बोढती कोर सोकतलु छे एने आखा चुखलो कोरायला माणसोमा साजी कोरीन वाडी आप सोकतलु छे.

प्रेषित 26:18

कि तू तिंदरा डूवा उगाळे इनान कोरता कि चे आंदारामा गोथा विजावामा भुतडान राजम गोथा परमेश्वरोन राजमा आवे, जीनासी चे पापोन माफी एने तीनु माणसो साते होक ली लेये जू मारे पोर भुरसू कोरनेन लारे चुखला होयला छे.

रोमी 8:17

एने अगर पुऱ्या छे ती वारीस बी, बाकीन परमेश्वरोन वारीस एने येसु मसिह साते वारीस छे कि जेतार आमु तेरे साते दुख उठावे ती तेरे साते महिमा बी जोळे.

1 कुरीन्थियो 9:25

होर एक पेहेलवान आखा रितीन तंबू कोरतेलू छे; होयु एक चिमटायने वावा मुकुट काजे हासील कोरनेन कोरता यो आखो कोरतेलू छे, बाकीन आमु ते तीना मुकुटोन कोरता कोरतेला जो चिमटायतेलो नी.

गलातियों 3:18

काहाकि ओगर जादाद नियमसी जोळतली छे ती एने अभीवचनोन सी नी, बाकीन परमेश्वर अब्राहाम काजे वायदान लारे आप देतलु छे.

इफिसीयो 1:11

तीनामा जीनामा आमु बी तिनान मोर्जी जो आपनी मोर्जीन मोतोसी आखो काय कोरतेलू छे पेहेलेन ठेरावीन जायीन भागीदार बोनजे.

इफिसीयो 1:14

चू तेरा मुले लेवायलान छुटकारान कोरता आमरी भागीदारी बोनावलु छे कि तेरी महिमान बडाय होये.

इफिसीयो 1:18

एने तुमरे मोनोन डूवा विजावो बोने कि तुमु सोमजी लेवू कि बुलावनेन आस काय छे एने चुखला माणसोमा तेरो भागीदार महिमान धोन कोसो छे.

कुलुस्सि 1:12

एने बासोन धन्यवाद कोरो जू आमु काजे एरे लायक बोनायू कि विजावामा चुखला माणसो साते वाटामा सहभागी होये.

कुलुस्सि 1:5

तिनी आस कोरली चीजोन वजेसी जो तुमरेन कोरता सोरगोमा मेकली छे, जेरा बारामा तुमु तीना वारली खोबरोन खोरलो वचन काजे सोमवी लेदला छे.

कुलुस्सि 3:24

काहाकि तुमुक मालूम छे कि तुमु काजे एरे बोदले प्रभूनचा गोथो वाटू जोळसे; तुमु प्रभू येसु मसिहन सेवा कोरतेला छे.

2 तीमथी 4:8

भविष्यमा मारेन कोरता धोरमोन होयो मुकुट मेक मेक्यो छे, जीनाक प्रभू जू धोरमी न्यायी छे मेसेक तीने दाहळे आपसे, एने मेसे ओतरु नि एने हीन आखा काजे बी हिंदरा प्रकट होयनेन काजे मोंगावू मानताला छे.

इब्रानियो 10:34

काहाकि तुमु बंदी इंदरे साते मोंग देखाळ्या एने आपनी मालमत्ता काजे कोबजामा कोर लेनेन यो सोमजीन खुद कोबूल कोऱ्या कि तुमरे जुव ओवी बी ज्यादा खुशी कोर लेनेन यो सोमजीन खुद कोबूल कोऱ्या कि तुमरे जुव एने बी जादा वारली एने टीकनेवावी संपत्ती छे.

इब्रानियो 9:15

एने इना वोजेसी चू नोवला वायदान अगवू छे जीनासी कि तिना मोरनोन लारे जू पेहेले वायदान टेमे पापोसी छुटकारू लेनेन कोरता कोरायला छे, बुलावला माणसे वायदान अनसारे ओमोरोन उत्तराधीकारोन वायदा काजे ली सोकतला.

याकुब 1:11

काहाकि दाहळू उगतात जुदु तोप पोळतेलु छे एने खोडाक सुखाड देतलु छे. एने तेरो फुल गोव जातलो छे एने हेरी शोभा जात रोयतली छे तेरेन तोसो मातभोर भी आपने वाटपोर चालता-चालता धुवामा मेवाय जासे.

1 पतरस 3:9

भुंडलान बोदले भुंडलो मा कोरु एने लोळनेण बोदले मा लोळायु, बाकीन इना बोदले आशिष आपु, काहाकि तुमु आशिषोन वरीस होयनेन कोरता बुलावला छे.

1 पतरस 5:4

जेतार प्रोधान राखनेवावू प्रगट होयसे ती तुमु अमोर महिमान मुकुट जोळसे.

प्रकाशित वाक्य 21:27

बाकीन हेरेमा कुदू विटोव चीजे, नीती भुंडला काम कोरणे वावा, नीती झुटान गाळने वावू काहना रितीसी जाय नि सोके, बाकीन निस्ता चे माणसे जिंदरा नावे गाडरान जीवनोन किताबमा लिखला छे.