1 पतरस 1:23 - बारेली पावरी

²³ काहाकि तुमु नाशवान नि बाकीन अविनाशी बिजडासी, परमेश्वरोन जीवतला एने कायम रहनेवाला वचनोन लारे नवलू जन्मो जोळलो छे.

1 पतरस 1:23 ပူးပေါင်းရင်းမြစ်များ

मत्ती 24:35

सोरग एने धोरती टोव जासे, बाकीन मारी वाते कोबी नी टोवे.

लुका 8:11

“दाखलान मतलब यो छे बीज परमेश्वरोन वचन छे.

योहान 1:13

चे ते नि लुयसी, नि डीलोन मोर्जीसी, नि माणसोन मोर्जीसी, बाकीन परमेश्वरोनचा गोथो पोयदा होयलो छे.

योहान 1:3

आखो काहीन तेरेत लारे बोनलो छे, एने जो काय बोनलो छे तीनामा गोथो कानलोबी चीज तेरे बिगुर नि बोन्यो.

योहान 3:3

येसु तीनु काजे जोवाब आप्यू, “मे तुसेक छाचलीन-छाचलीन कोयो, ओगर कुदू नोवला रितीसी नि जन्म होये ती परमेश्वरोन राज देख नि सोकतलू,.”

योहान 3:5

येसु जोवाब आप्यू, मे तुमुक छाचलीन-छाचलीन कोयो कि जेतार तोक कुदू माणूस पाणी एने आत्मासी नि जन्म होये ती चू परमेश्वरोन राजमा जाय नि सोकतलु.

योहान 6:63

आत्मा ते जीवन छे, डीलोसी काय फायदु नि होय; जी वात मे तुमु काजे कोयलु छे ची आत्मा छे, एने जीवन बी छे.

रोमी 1:23

एने अविनाशी, नी नाश होयने वावा परमेश्वरोन महिमा काजे नाश होयने वावू माणसोन एने चार पायोन जोनावर, चिल्ला एने घीसळायने वावा जंतून रुपकाजे सोमानतामा बोदल देदा.

इब्रानियो 4:12

काहाकि परमेश्वरोन वचन जीवतलो, ताकत एने काहनाबी दुय धारवावा तोलवार गोथो तीखलो छे, चो जीव एने आत्मा, सांधा एने गुरदा काजे आरपार भोराईन एने मोनोन विचार एने भावना काजे पारखतलो छे.

याकुब 1:18

हेरी मोर्जीसी आमुक खोरो वचनोन लारे पोयदा कोऱ्यु काहाकि आमु तेरी बोनावला चीजो पोर से एक भातीन पेहलु फोव छे.

1 पतरस 1:25

बाकीन प्रभून वचन पिढ्यान पिढ्या एक जागे रोयतलू छे एने योत वारली खोबरोन वचन छे जू तुमु काजे कोवायलो होतो.

1 पतरस 1:3

आपने प्रभू येसु मसिहन परमेश्वर एने बासोन धन्यवाद होये, जिना काजे येसु मसिहन मोरलाम गोथू जीव उठनेन लारे, तेरी मोटली दया से आमु काजे जीवतली आसोन कोरता नोवलो जन्मो आप्यू,

1 योहान 3:9

जू कुदु परमेश्वरोनचा गोथू पोयदा होयलू छे चू पाप नी कोरतेलू; काहाकि तेरो बीज तेरेमा बोनीन रोयतलो, एने चू पाप कोरी नी सोकतलु काहाकि परमेश्वरोनचा गोथू पोयदा होयलु छे.

1 योहान 5:18

आपनु जानजे कि जो काय परमेश्वर सी बोनलो छे, चू पाप नि कोरतेलु; बाकीन जो कुदू परमेश्वर सी बोनलो से तीनाक चू वाचाळीन राकतेलु; एने चू भुतडू तीनाक छिम नि सोके.