1 पतरस 1:22 - बारेली पावरी

²² आखरीमा जेतार तुमु वारला विचार एने मोनमा दोगो नि होय मोंगोन निमित्त खोरो माणसोसी आपना मोनो काजे चुखा कोरला छे, ती तन मन लागाळीन एक भाश्योसी लोके मोंग राखू.

1 पतरस 1:22 ပူးပေါင်းရင်းမြစ်များ

योहान 15:17

इनी वातोन आग्या मे तुमुक इनान कोरता आपो कि तुमु एक दिसरा पोर मोंग कोरे.

योहान 15:3

तुमु ते इना वचनोन वोजेसी जो मे तुमु काजे कोयलु छे, चुखो होय.

योहान 17:17

खोरलान लारे हिनुक चुखो कोर तारो वचन खोरलो छे.

योहान 17:19

एने तिंदरेन कोरता मी आपना खुदो काजे चुखो कोरो, काहाकि चे बी खोरलान लारे चुखा कोराये जाय.

प्रेषित 15:9

इना रितीसी विस्वासोन लारे तिंदरा मोन चुखा कोरीन आमरेमा एने तेरेमा काय अंतर नि मेक्यू.

प्रेषित 6:7

एने परमेश्वरोन वचन फेलतो गोयो एने यरुशलेममा चेलान गिनती लोकेत बोढ गोयी; एने पुजारान मोटूत समाज इनी वातो काजे मानणेवावा बोन गोया.

रोमी 1:5

तिनान लारे दया एने प्रेषितोन सेवा जोळी कि तेरा नावोन वोजेसी आखा जातीन माणसे भुरसू कोरीन तेरो माने,

रोमी 2:8

बाकीन जू विवादी छे एने खोरला काजे नि मानतेलु बाकीन अधोरमोन काजे मानतलु तीनु पोर रीस पोळसे,

रोमी 8:13

काहाकि अगर तुमु डीलोन अनसारे दाहळा निकावसु ती मोरसू अगर आत्मासी डीलोन कामो काजे मारसु ती जीवतला रोयसु.

2 कुरीन्थियो 6:6

चुखलासी, ग्यानसी, धीर धोरीने सी, मोंगसी, पवित्र आत्मासी,

गलातियों 3:1

हे बिनादिमाकोण गलातिन माणसे, कून तुमु काजे मोनवी रोयू? तुमरो ते जोसो तुमरा डूवान सामने येसु मसिह ख्रुस पोर देखाळ छे.

गलातियों 5:5

काहाकि आत्मान लारे आपनु भुरसासी, आस कोरली धारमिकतान वाट जुवतला छे.

गलातियों 5:7

तुमु ते वारला रितीसी दोवोळता होता. हिमी तुमु काजे कुन रुक देदू कि खोरला काजे मा माणू.

इफिसीयो 4:3

एने मेवोन बंधनमा आत्मान एकी कोरणेन कोशिश कोरु.

फिलिप्पि 1:9

मे जी प्रार्थना कोरो कि तुमरो मोंग ग्यान एने आखा भातीन ओकोल साते ओवी बी बोढतू जाय.

1 थिस्सलुनीकियो 3:12

एने प्रभू ओसू कोरे कि जोसू आमु तुमरेसी मोंग कोरतेला छे, तोसोच तुमरो मोंग बी एक दिसरामा एने माणसो साते बोढे, एने बोढती कोरतु जाय,

2 थिस्सलुनीकियो 1:3

हे भाशो, तुमरा बारामा आमु काजे होर टेमे परमेश्वरोन धन्यवाद कोरनो जुवे, एने यो सही बी से इनान कोरता कि तुमरू भुरसू जादा बोडतो जातलू, एने तुमरे आखान मोंग एक दिसरामा जादा बोळतू जातलु.

2 थिस्सलुनीकियो 2:13

हे भाशो, एने प्रभून मोंगावा माणसो, जुवे कि आमु तुमरा बारामा सदा परमेश्वरोन धन्यवाद कोरता रोयजे, काहाकि परमेश्वर पेहेले गोथू तुमु काजे नेवाळ लेदलु छे कि आत्मान लारे चुखला बोनीन, एने खोरलान तोसोत भुरसू कोरीन छुटकारू जोळे.

1 तीमथी 1:3

जोसू मे तुसे काजे मकीदुनीयामा जाणेन टेमे समजाडलू होतु, कि इफिसुसमा रोयीण दिसरा माणसोक आग्या आपे कि दिसरा भातीन शिक्षा नी आपे.

1 तीमथी 1:5

आग्यान निचोड यो छे कि वारलो मोन एने वारलो ग्यान एने बिना कपटीन भुरसासी मोंग पोयदा होये.

1 तीमथी 4:12

कुदू तारी जुवानी काजे कमी नी समजनो जुवे; पुन वचन एने चाल चलन एने मोंग एने भुरसू एने चुखलामा विस्वास्यान कोरता वारलो होय जासे.

1 तीमथी 5:2

डाहली बायर काजे आश जानीन; एने जूवानाय बायर काजे आखी चुखलायसी बहोनिश जानीन सोमवाळ दे.

2 तीमथी 1:14

इनी पवित्र आत्मान लारे जो आमरेमा बोसलो छे, इना वारला सेवा राखवावी कोर.

इब्रानियो 11:8

भुरसासी अब्राहाम जेतार बुलवाय गोयू ती आग्या मानीन ओसली जागे जात रोयू जो तीना काजे होकदारसी जोळने वावो होतो तीना काजे नी मालूम होतो कि मे कां जाणे बाज रोयू, ते बी जात रोयू.

इब्रानियो 13:1

भाशो भाशोन मोंग बोनलो रोये.

इब्रानियो 5:9

चू पाकु बोनीन तेरी आग्यान पालन कोरने वावान कोरता ओमोर जीवनोन छुटकारान झोर बोन गोयू.

इब्रानियो 6:10

काहाकि परमेश्वर अधोरमी नी होय कि तुमरा कामो एने तिना मोंग काजे विसरी जाय जे तुमु तिनान नावोन रुपमा इना रितीसी देखाळ्या कि चुखला माणसोन सेवा कोऱ्या एने हिमी बी कोर रोया.

इब्रानियो 9:14

ती मसिहन लुय जू आपना खुदो काजे हमेशान आत्मान लारे परमेश्वरोन सामने निरदोष चोळाव गोयू तुमरा मोनो काजे ओवी बी जादा काहा नी चुखो कोरे तुमु जीवतला परमेश्वरोन सेवा कोरु.

याकुब 1:21

एरेन कोरता आखी भुंडी एने दुष्मोनी भावोन बोढती काजे नांबे कोरीन तिना वचन काजे नम्रतासी ग्रहण कर लेवू जू मोनमा वेराय गोयो एने जू तुमरे जीवन छुटकारू कोर सोकतलु छे.

याकुब 4:8

परमेश्वरोनचा आवू ती चुबी तुमरे साते आवसे, हे पापी माणसो, आपना हाते चुखा कोरु; एने हे दुयो मोनोन माणसे आपना मोन काजे चुखा कोरु.

1 पतरस 1:2

एने परमेश्वर बासन भविष्य ग्यानोन अनसारे, आत्मान चुखला कोरनेन लारे आग्या मानने एने येसु मसिहन लुय काजे शीतळनेन कोरता नेवळाय गोयला छे, तुमु काजे अनुग्रह एने शांती जुदा रितीसी जोळती रोयसे.

1 पतरस 2:17

आखान आदर कोरु, भाशो पुठी मोंग राखू; परमेश्वर काजे बिहू, राजान सन्मान कोरु.

1 पतरस 3:1

हे बायरा, तुमु भी आपना ओदमीन अधीन रोयू, एरेन कोरता कि ओगर इनामा गोथो कुदू ओसू होसे जू वचन काजे नि मानतू होसे,

1 पतरस 3:20

जो तीने टेमे आग्या नि मान्या, जेतार परमेश्वर नुहान दाहळामा धीर धोरीन रोयू एने चू ढोंड्यो बोनावतू होतु, तिनाम बोठीन थुलाक माणसे मतलब आठ जनावरे पाणीन लारे वाच गोया.

1 पतरस 3:8

आखरी, आखा एक मोन एने दयामय एने भाशो पोर मोंग कोरणे वावु, एने दयावान एने नम्र बोनु,

1 पतरस 4:17

काहाकि टेम आव लागली छे, कि परमेश्वरोन घोरोमा गोथो सुरवात छे, आखरी नियावोन सुरवात आमरे गोथो होयसे ती तिंदरू काय पोरीनाम होयसे जे परमेश्वरोन वारली खोबरोक नि मानतेला?

1 पतरस 4:8

आखा गोथो बोढीन, एक दिसरान बारामा मोंगसी वारला कामे राखू, काहाकि मोंग जादा पापो काजे ढाक लेतलो छे.

2 पतरस 1:7

भोक्ती पोर भाईचारान मोंग एने भाईचारान मोंग पोर मोंग बढावता जावू.

1 योहान 3:11

काहाकि जी वारली खोबर तुमु पेहले गोथा सोमव्या, चे यो छे कि आमु एक दिसरा पोर मोंग कोरे;

1 योहान 3:23

तेरी आग्या जी छे कि आमु तेरा पुऱ्या येसु मसिहन नावो पोर भुरसू कोरजे एने जोसो चू आमुक आग्या आपलु छे तिनान लारे तीनामा मोंग राखे

1 योहान 4:12

बाकीन परमेश्वर काजे, कोबी कुदू नि देख्यो अगर आमु आपनेन इचमा मोंग कोरती, ती परमेश्वर आपनेमा रोयतलु एने तेरो मोंग आमरेमा सिद्ध होय गोयलो छे.

1 योहान 4:20

कोबी कुदू कोये, “मे परमेश्वर पोर मोंग कोरतेलू छे,” एने आपना भाशो पोर दुष्मोनी राखतला कि चू झुटू छे, काहाकि चू आपना भाश पुठी जिनाक चू देखलू छे मोंग नि कोरतेलू, ती चू परमेश्वर पोर बी जीनाक चू नि देख्यू नि कोर सोकतलु.

1 योहान 4:7

हे मोंगावा, आमु एक दिसरासी मोंग कोरु; काहाकि मोंग परमेश्वर जुव गोथो छे जो कुदू मोंग कोरतेलु छे, चू परमेश्वर जुव गोथो पोयदा होयलु छे.

प्रकाशित वाक्य 2:4

बाकीन मेसेक तारा खिलापमा यो कोयनो छे कि तू तारे पेहेले सारखो मोंग छुळ देदलु छे.