1 पतरस 1:2 - बारेली पावरी

² एने परमेश्वर बासन भविष्य ग्यानोन अनसारे, आत्मान चुखला कोरनेन लारे आग्या मानने एने येसु मसिहन लुय काजे शीतळनेन कोरता नेवळाय गोयला छे, तुमु काजे अनुग्रह एने शांती जुदा रितीसी जोळती रोयसे.

1 पतरस 1:2 ပူးပေါင်းရင်းမြစ်များ

मत्ती 24:22

ओगर चे दाहळा कोम नी कोरायता ती काहनो जोनावर नि वाचतो बाकीन नेवाळलान वोजेहसी चा दाहळा कोम कराय जासे.

मत्ती 24:24

“काहाकि झुटा मसिह एने झुटा भविष्य कोरता उठीन उभरोय, एने मोटा निशाणी एने नेवलायीन काम देखाळसे, कि ओगर होय सोके ती नेवाळला माणसो काजे बी फोसाळ देसे.”

मत्ती 24:31

चू फेपाऱ्यान मोटात आवाजमा आपना सोरग दूतो काजे मुकलसे, एने चे सोरगोमा इने धोळे गोथा पोल धोळे तोक चारू दिशामा गोथा नेवाळला काजे एखठा कोरसे.

मरकुस 13:20

ओगर प्रभू तीनु दाहळा काजे नि घोटाळतू, ती कुदू प्राणी बी धोरती पोर नि वाचता; बाकीन इनू प्रेषितोन वजेसी जीनु काजे येसु नेवाळलु छे, इनू दाहळा काजे घोटाळयू.

मरकुस 13:22

काहाकि झुटा मसिह एने झुटा भविष्य कोरता उठीन उबरोय से, एने चिन्हा एने चमत्कारी काम देखाळसे कि ओगर होय सोके ती नेवाळला काजे बी फोसाळ देसे.

मरकुस 13:27

तिनी टेमे चु आपना सोरग दूतो काजे मुकलीन, धोरतीन इनी धोळे गोथो सोरगोन पोल धोळे तोक, चारू धोळे गोथा आपना नेवाळला माणसो काजे एखठा कोरसे.

लुका 18:7

इनान कोरता परमेश्वर आपना नेवाळलान काय नि नियाव कोरे, यु रात ने दाहळू तेरी प्रार्थना कोरतू रोयसे? काय चू तिना बारामा वार लागाळ छे?

प्रेषित 15:18

यो चू प्रभू कोये कि प्राचीन काव गोथू इना वातो काजे सामने लावतू गोयलु छे.

प्रेषित 2:23

तिना येसु काजे जू परमेश्वरोन ठेरावलु योजना एने पेहेली ग्यानोन अनसारे धोराय गोयू तुमु अधोरमीन हातोसी ख्रुस पोर चोळावीन मार देदा.

प्रेषित 20:32

एने हिमी मे तुमुक परमेश्वर काजे, एने तेरा दयान वचन सोप दोम; जू तुमरी बोढती कोर सोकतलु छे एने आखा चुखलो कोरायला माणसोमा साजी कोरीन वाडी आप सोकतलु छे.

रोमी 1:5

तिनान लारे दया एने प्रेषितोन सेवा जोळी कि तेरा नावोन वोजेसी आखा जातीन माणसे भुरसू कोरीन तेरो माने,

रोमी 1:7

तीनु आखान नावे जे रोममा परमेश्वरोन मोंगावा छे एने चुखला होयनेन कोरीन बुलावला छे; आखान बास परमेश्वर एने प्रभू येसु मसिहनचा गोथो तुमु काजे दया एने शांती जोळतली.

रोमी 11:2

परमेश्वर आपनी इनी प्रजा काजे नी छुळ्यु, जीनुक चू पेहेलेन जान रोयू, काय तुमु नी जानतला कि पवित्र शास्त्र एलियान बारामा काय कोयतेला, कि इस्राईलोन खिलापमा परमेश्वर काजे विनता कोरतेलु?

रोमी 11:28

वारली खोबरोन भाव सी ते तुमरेन कोरीन चे परमेश्वरोन दुष्मोन छे, बाकीन नेवाळलान बदलामा चे बाप दादान वजेसी मोंगावा छे.

रोमी 15:16

कि मे दिसरा जातीन कोरता येसु मसिहन सेवक होयीन परमेश्वरोन वारली खोबर प्रचारोन सेवा पुजारा सारको कोर, जिनामा दिसरा जातीन चोळाव जाणेन पवित्र आत्मासी चुखो कोरीन स्वीकार कोराय जासे.

रोमी 16:19

तुमरी आग्या पावनेन चर्चा आखा माणसोमा पोसरी गोयली छे, इनान कोरता मे तुमरे बारामा खुशी कोरो, बाकीन मेसेक यो जुवे कि तुमु भोलाईन कोरता बुद्धिमान बाकीन बुराईन कोरता वारू बोनीन रोयू.

रोमी 16:26

बाकीन हिमी देखायीन ओमोरकाई परमेश्वरोन आग्यासी भविष्य कोरणे वावान किताबोन लारे आखा जात्या काजे सोमवाळाय गोयो कि चे विश्वासी आग्या पावने वावा होय जाय,

रोमी 8:13

काहाकि अगर तुमु डीलोन अनसारे दाहळा निकावसु ती मोरसू अगर आत्मासी डीलोन कामो काजे मारसु ती जीवतला रोयसु.

रोमी 8:33

परमेश्वरोन नेवाळला पोर गुणू कून लागाळे? परमेश्वर छे जू तीनुक धोरमी ठेरावने वावू छे.

1 कुरीन्थियो 1:30

बाकीन हेरे जुव गोथोत तुमु मसिह येसुमा छे, जो परमेश्वर जुव गोथो आमरेन कोरता ग्यान ठोऱ्यु एने मतलब धारमिकता, एने चुखला, एने छुटकारू.

1 कुरीन्थियो 6:11

एने तुमरेमा गोथा कोतरा ओसात होता, बाकीन तुमु प्रभू येसु मसिहन नावोसी एने आमरा परमेश्वरोन आत्मासी धुवाय गोया एने चुखो होया एने धोरमी ठेराया.

2 कुरीन्थियो 10:5

इनान कोरता आमु विचारोन एने होर एक मोटली वातोन, जो परमेश्वरोन उवखने खिलापमा उठतली, खोंड लेतला एने होर एक मोर्जी काजे बोंदी बोनावीन मसिहन आग्या मानने वावा बोनाव देतला.

2 कुरीन्थियो 13:14

प्रभू येसु मसिहन दया एने परमेश्वरोन मोंग एने पवित्र आत्मान सहभागीता तुमरे साते रोयती रोये.

कुलुस्सि 3:12

इनान कोरता परमेश्वरोन नेवाळलान सारखा जे चुखला एने मोंगावी छे, मोटली दया, एने भोलाई एने दीनता एने नम्रता एने सहन शीलता ली लेवू.

2 थिस्सलुनीकियो 2:13

हे भाशो, एने प्रभून मोंगावा माणसो, जुवे कि आमु तुमरा बारामा सदा परमेश्वरोन धन्यवाद कोरता रोयजे, काहाकि परमेश्वर पेहेले गोथू तुमु काजे नेवाळ लेदलु छे कि आत्मान लारे चुखला बोनीन, एने खोरलान तोसोत भुरसू कोरीन छुटकारू जोळे.

2 तीमथी 2:10

इनान वोजेसी मे नेवाळला माणसोन कोरता आखो काय सोब देदलु छे, कि चे बी इना छुटकारू काजे मसिह येसुमा छे, ओमोर महिमा पुठी जोळे.

तीतुस 1:1

पौलुसोन भूनी गोथो जू परमेश्वरोन सेवक एने येसु मसिहन प्रेषित छे, परमेश्वरोन नेवाळला माणसोन भुरसू एने तिना खोराइन उखाइतान अनसारे जो भोक्तीन अनसारे छे,

इब्रानियो 10:22

ती आवू आपु खोरला मोनोसी एने पुरा भुरसू साते एने विचारो काजे छेटा कोरणेन मोनोपोर पोर तेळा लीन, एने डीलो काजे चुखला पाणीसी धुवीन परमेश्वर साते आवू.

इब्रानियो 11:28

भुरसासी चू वोलांडोन तीहीवार एने लुय छिळकनेन रिती काजे मान्यु जीनासी चू पेहेलेन नाश कोऱ्यु तीना काजे हात नी लागाळनु जुवे.

इब्रानियो 12:24

एने नोवला वायदान अगवू येसुन एने छिळकनेन तिना लुयोनचा जो हाबिलोन लुयोन नियाव कोरन्यू परमेश्वर एने तीयार कोरला धोरमीन आत्मान ओगोव.

इब्रानियो 5:9

चू पाकु बोनीन तेरी आग्यान पालन कोरने वावान कोरता ओमोर जीवनोन छुटकारान झोर बोन गोयू.

1 पतरस 1:14

आग्या पावने वावा पुऱ्यान ओगोव आपनी अग्यानता टेमोन जुनली लालचोन तोसा मा बोनु.

1 पतरस 1:19

बाकीन निरदोष एने चुखलो गाडरो, मतलब मसिहन किमतीन लुयोन लारे होयलो.

1 पतरस 1:20

तेरो ग्यान ते जोगोन घोडनेन पेहेलेसी जान लेदलु होतु, पुन हिमी आखरी युगमा तुमरेन कोरता प्रकट होयलू.

1 पतरस 1:22

आखरीमा जेतार तुमु वारला विचार एने मोनमा दोगो नि होय मोंगोन निमित्त खोरो माणसोसी आपना मोनो काजे चुखा कोरला छे, ती तन मन लागाळीन एक भाश्योसी लोके मोंग राखू.

1 पतरस 2:9

पुन तुमु एक खास पिढ्या, एने राज-पदधारी पुजारान सोमाज, एने चुखला माणसे एने परमेश्वरोन नेवाळली माणसे होयसे, एरेन कोरता कि जू तुमु काजे आंदारामा गोथू तेरा अदभूत विजावामा बुलावलु छे, तेरा गुणे ओगोव कोरु.

2 पतरस 1:2

परमेश्वरोन जू आमरा प्रभून येसुन उवखोन लारे दया एने शांती तुमरेमा जादा कोरीन बोडती जाय.

2 योहान 1:1

मारा डायला जुव तेरे जुव गोथो नेवाळली बायर एने तेरा पुऱ्यान नाव, जिंदरे पोर मे खोरलो मोंग कोरतेलू छे, एने मे ओतरू नि बाकीन जे आखा बी मोंग कोरतेला जे खोरला काजे जानतला.

2 योहान 1:13

ते बी नेवाळली बहोनिशोन पुऱ्या तुसेक नमस्कार कोरे.

यहुदा 1:2

दया एने शांती एने मोंग तुमुक जादात जोळतो रोये.