1 पतरस 1:19 - बारेली पावरी

¹⁹ बाकीन निरदोष एने चुखलो गाडरो, मतलब मसिहन किमतीन लुयोन लारे होयलो.

1 पतरस 1:19 ပူးပေါင်းရင်းမြစ်များ

मत्ती 20:28

जोसो कि माणसोन पुऱ्यु चू इनान कोरता नि आव्यु कि तेरी सेवा कोरणे नि बाकीन सेवा कोरणे एने घोना सोवटा काजे छुटकारान कोरता आपनु जीव अरपण कोरे.

मत्ती 26:28

काहाकि जो नोवीन वायदू जो लुय छे जो घोणा सोवटा जुगू पापोन माफीन कोरता वोयाळाय जातलो छे,

योहान 1:29

दिसरे दाहळे चू येसु काजे आपने भूनी आवतेलु देखीन कोयू, “देखू, यु परमेश्वरोन गाडरो छे जू जोगोन पाप उचलीन लीजात रोयतलु छे.

योहान 1:36

एने चे येसु पोर यु जातु होतु, भावीन कोया, “देखू यु परमेश्वरोन गाडरो छे.”

प्रेषित 20:28

इनान कोरता आपनी एने आखा टूवान तोपास कोरु जीनामा पवित्र आत्मा तुमुक पुढारी ठरावलु छे, कि तुमु परमेश्वरोन मंडव्यान राखवावी कोरे, जीनाक चू आपना लुयसी मुले लेदला छे.

रोमी 3:25

तीना काजे परमेश्वर तेरो लुयसी एक ओसू पोस्तावू ठेराव्यू, जू भुरसू कोरणेसी ठेरायतलु छे, कि जो पाप पेहेल कोराय गोयलो एने जीना पोर परमेश्वर तेरी सहन शीलतान लारे ध्यान नी लागाळ्यु तेरे बारामा चू तेरी धारमिकता सामने लावे.

इफिसीयो 1:7

आमु ते तिनान लुयोन लारे छुटकारू मतलब पापोन माफी एने परमेश्वरोन दयान धोनोन अनसारे जोळतो कि.

कुलुस्सि 1:14

जीनामा आपनु छुटकारू मतलब पापोन माफी जोळ जातली.

1 पतरस 1:2

एने परमेश्वर बासन भविष्य ग्यानोन अनसारे, आत्मान चुखला कोरनेन लारे आग्या मानने एने येसु मसिहन लुय काजे शीतळनेन कोरता नेवळाय गोयला छे, तुमु काजे अनुग्रह एने शांती जुदा रितीसी जोळती रोयसे.

1 पतरस 3:18

एरेन कोरता मसिह भी, मतलब अधोरमीन कोरता धोरमी, पापोन वजेसी एक कावा दुख झेललु तेत्यार आमु काजे परमेश्वरोनचा पुगाळे, चू डीलोन भाव से ती माराव देदा, बाकीन आत्मान भावमा जीवतु होय जासे.

1 योहान 1:7

बाकीन कोदि जोसो चू विजावामा छे तोसोत आपनु बी विजावामा चालू, ती एक दिसरा पुठी सहभागीता रोयतला छे एने तेरु पुऱ्यु येसुन लुय आमुक आखा पापोमा गोथू चुखो कोरतेलू छे.

1 योहान 2:2

एने होयुत आमरे पापोन पश्चाताप छे, एने बोस आमरो ओतरो नि आखा जोगोन पापोन बी.

प्रकाशित वाक्य 1:5

एने येसु मसिह जुव गोथो जू भुरसान योग्य गोवा एने मोरलामा गोथू जीव उठने वावामा पेहेलुत एने धोरतीन राजान हाकिम छे, तुमुक अनुग्रह एने शांती जोळती रोये. चू आमरे पुठी मोंग कोरतेलू, एने चू आपना लुयोन लारे पापोसी छुळावतलो छे,

प्रकाशित वाक्य 14:1

ती मे नोजोर नाख्यू, एने देखू, चू गाडरु सियोन बोयळा पोर उबरोय रोयू, एने तेरे पुठी एक लाख चौरेचाळीस हजार जोन से जेरे निंडावा पोर तेरो एने तेरा बासोन नाव लिखलो होतो.

प्रकाशित वाक्य 14:5

तिंदरा मुयोसी कोदि झूट नी निकव होतो, चे निरदोष छे.

प्रकाशित वाक्य 5:6

तेत्यार मे तिना सिहासन एने चार जोनावरे एने तीनु पुढाऱ्यान इचमा, जोसो एक खुन कोरलु गाडरो उबरोयलु देख्यू. तेरा सात शिंगडा एने सात डूवा होता; जे परमेश्वरोन सात आत्मा छे जे आखी कोवी पोर मुकली रोया.

प्रकाशित वाक्य 5:9

चे यो नोवलो गीत गावणे बाज गोया, “तू इना किताब काजे लेणे, एने तेरा छापा काजे उगाळनेन लायक छे; काहाकि तू जीव आपीन तारा लुयसी होर एक जाती एने भाषान एने माणसे एने जात्यामा गोथू परमेश्वरोन कोरता माणसो काजे मुले ली लेदलु छे,

प्रकाशित वाक्य 7:14

मे तीना काजे कोयू, “हे स्वामी, तूत जानतलु छे” चू मेसे काजे कोयू “जे चे छे, चे तिना मोटला दुखोमा गोथा निकवीन आवला छे चे आपना-आपना छिंदरा गाडरान लुयमा धुवीन धोव्वा कोरला छे.”