1 पतरस 1:12 - बारेली पावरी

¹² तीनु पोर जो प्रकट होये कि चू आपनी नि पुन तारी सेवान कोरता जी वात कोया कोरतू होतु, जिनान खोबर हिमी तुमु काजे तिंदरे लारे जोळलो जे पवित्र आत्मान लारे जू सोरगोम गोथू मुकेल्ला छे, तुमुक वारली खोबर कोयलु; एने इनी वातोन काजे सोरग दूत भी मोन लागाळीन देखनेन मोर्जी राखताला छे.

1 पतरस 1:12 ပူးပေါင်းရင်းမြစ်များ

मत्ती 11:25

तिनी टेमे येसु कोयू, “हे बासो, सोरग एने धोरतीन प्रभू, मे तारो धन्यवाद कोरो कि तू इनी वातो काजे ग्यानी एने समजदारीसी डुकाळीन मेक्यू, एने पुऱ्या काजे आप देदू.”

मत्ती 11:27

“मारू बास मेसेक आखो काहीन सोप देदलु छे; एने कुदू बासो काजे नी उवखतलु, निस्तु; पुऱ्या काजे; एने चू जीना पोर पुऱ्यु तीनाक देखाळने हिंडे.”

मत्ती 16:17

येसु तीनु काजे जोवाब आप्यू, “हे शिमोन, योनान पुऱ्यु, तू सोयावू छे; काहाकि मास एने लुयसी नी बाकीन मारू बास जू सोरगोमा छे, जी वात मार पोर देखाळलु छे.”

मरकुस 16:15

एने येसु तीनु काजे कोयू, “तुमु आखा जोगोमा जायीन आखा कोवीन माणसो काजे वारली खोबरोन प्रचार कोरू.

लुका 15:10

मे तुमु काजे कोयो कि इना रितीसी एक पसतावू कोरणे वावा पापीन बारामा परमेश्वरोन सोरग दूतोन सामने खुशी होयतेली.

लुका 2:26

एने पवित्र आत्मान लारे तीना पोर देखायतो होतो कि जेतार तोक चू प्रभून मसिह काजे देखी नी लेये, तेत्यार तोक मोत काजे नी देखे.

लुका 9:6

आखरी चे निकवीन गाव-गाव वारली खोबर सोमवावता, एने होर एक माणसो काजे वारू कोरता जायीन फिरता रोया.

योहान 15:26

बाकीन जेतार चू मदतगार आवसे, जोसो मी तुमरे साते बासो जुव गोथो मुकलीस, बाकीन खोरलायीन आत्मा जो बासो जूव गोथो निकवतलो छे, ती चू मारी गोवायी आपसे;.

प्रेषित 10:44

पतरस ये वाते कोयनेत बाज रोयू होतु कि पवित्र आत्मा वचनोक सोमवने वावा आखापोर उतरी आव्यु.

प्रेषित 16:10

तेरो यो सोपनो देखतेच आमु तेत्यारुत मकीदुनीया जाणेन कोऱ्या, यो सोमजीन कि परमेश्वर आमु काजे तीनुक वारली खोबर कोयने कोरीन बुलावलू छे.

प्रेषित 2:33

इना रितीसी परमेश्वरोन जेवळे हातोसी आखान मोटो पोद एने बासोनचा गोथो पवित्र आत्मा लीन जेरो वायदू कोरलो होतो चू उतार देदू चू तुमु देख रोया एने सोमवी रोया.

प्रेषित 4:31

जेतार चे प्रार्थना कोर लेदा, ती तिने जागे जां चे एखठा होता हाल गोया एने चे आखा पवित्र आत्मासी भोराय गोया एने परमेश्वरोन वचन मन लागाळीन सोमवता गोया.

प्रेषित 4:8

तेत्यार पतरस पवित्र आत्मासी पुरो भोरायीन तीनु काजे कोयू तेतार आखा यरुशलेममा प्रधान अधिकारी एने डाह-डाहा.

प्रेषित 8:25

आखरी, चे गोवायी आपीन प्रभून वचन सोमवाळीन यरुशलेममा पोछा जात रोया, एने सामरी घोणा सोवटा गावोमा वारली खोबर सोमवाळता गोया.

रोमी 1:15

आखरी मे तुमु काजे बी जे रोममा रोयतला वारली खोबर सोमवाळने तीयार छे.

रोमी 1:17

काहाकि तीनामा परमेश्वरोन धोरमी विश्वासी सी एने भुरसान कोरता प्रगट होयतेली छे; जोसो लिखलो छे “विश्वासी धोरती पोर जीवतला रोयसे.”

रोमी 10:15

एने अगर मुकले नीती कोसा प्रचार कोरे? जोसो लिखलो छे “तिंदरा पाय कोतरा घाटावा छे जे वारली वातोन वारली खोबर प्रचार सोमवतला छे.”

रोमी 15:19

एने चिन्ह, एने अदभूत कामोन ताकतसी, एने पवित्र आत्मान ताकतसी मारेत लारे कोऱ्यु; न्या तोक कि मे यरुशलेम सी लीन चारू भूनी इस्लुरीकुम तोक मसिहन वारली खोबरोन पुरू-पुरू प्रचार कोऱ्या.

1 कुरीन्थियो 2:10

बाकीन परमेश्वर तीनुक आपना आत्मान लारे आपनेपोर देखाळ्यू, काहाकि आत्मा आखी वाते, नीती परमेश्वरोन गुढ वाते बी जाच कोरतेला छे.

2 कुरीन्थियो 1:22

जू आमरेपोर छापू बी लागाळ देदलो छे एने बोयानमा आत्मा काजे आमरा मोनोमा आप्यू.

2 कुरीन्थियो 6:6

चुखलासी, ग्यानसी, धीर धोरीने सी, मोंगसी, पवित्र आत्मासी,

गलातियों 1:12

काहाकि चू मेसेक माणूस भूनी गोथू नी पुगाळ्यु, एने नी मेसेक सिकाळ्या, बाकीन येसु मसिहन विजावासी जोळलो छे.

गलातियों 1:16

जो मार मोर्जी होई कि मारेमा आपना पुऱ्या काजे प्रगट कोरे कि मे दिसरा जातीमा तेरी वारली खोबर सोमवाळलो, ती नी मे मास एने लुयसी सोला लेदू.

इफिसीयो 3:10

काहाकि हिमी मंडवीन लारे परमेश्वरोन दिसरू रुपोन ध्यान तीना प्रधानोन अधिकारी पोर जू सोरगोन जाणे छे प्रगट कोराय गोयू.

1 थिस्सलुनीकियो 2:9

काहाकि हे भाशो तुमु आमरा कामोन एने मेहनतोन फोम कोरतेला; आमु ते इनान कोरता रात दाहळू काम धोंदू कोरता जायीन तुमरेमा परमेश्वरोन वारली खोबरोन प्रचार कोऱ्या कि तुमरे मायला कुदा पोर भार नी पोळे.

1 तीमथी 3:16

इनुमा शंका नी होय कि भोक्तीन फरक गंभीर छे, मतलब होयो जे डीलोमा प्रगट होयलो, आत्मामा धोरमी ठेरायू, सोरग दूत काजे देखायतू दिसरा जातीमा हेरा प्रचार होयलू, जोगोमा हेरे पोर भुरसू कोरलु होतु, एने महिमामा उपर चुटायलु होतु.

इब्रानियो 11:13

यो आखो भुरसान बारामा मोऱ्या चे वायदू कोरला चीजो काजे नी लेदा, बाकीन तीनु काजे नांबेत गोथो देखीन तिंदरो अभिवादन कोऱ्या, एने मान लेदा कि आमु धोरती पोर पोरदेशी एने पारका छे.

इब्रानियो 2:4

एने तिना रितीसी परमेश्वर बी तेरी मोर्जीन लारे चिन्ह चमत्कार एने भाती भातीन मोटला कामे एने पवित्र आत्मान वरदानोन वाटनेन लारे तेरी गोवायी आप्यू.

इब्रानियो 4:2

काहाकि आमुक तिंदरेन तोसा वारली खोबर सोमवाळ देदा, बाकीन तीना सोमवला वचनोसी तीनु काजे काहीन फायदू नी होयो, काहाकि सोमवने वावा मोनोमा भुरसासी नि बोठ्या.

1 पतरस 1:25

बाकीन प्रभून वचन पिढ्यान पिढ्या एक जागे रोयतलू छे एने योत वारली खोबरोन वचन छे जू तुमु काजे कोवायलो होतो.

1 पतरस 4:6

काहाकि मोरला काजे बी वारली खोबर एरेन कोरता कोयला कि डीलोमा ते माणसोन अनसारे होयसे, बाकीन आत्मामा परमेश्वरोन मोर्जी अनसारे जीवतला रोईसे.

प्रकाशित वाक्य 5:11

जेतार मे देख्यू, ती तिना सिहासन एने चे जोनावरे एने तिना प्राचीनोन चारू धोळे एने जादा सोरगो दूतोन बुल सोमव्या, जेरी गिनती लाखो एने करोडो होती,