1 योहान 5:6 - बारेली पावरी

⁶ यो छे चू जू पाणी एने लुयोन लारे आवलु होतु मोटलोब येसु मसिह चू नि निसतो पाणीन लारे नि तेत्यार पाणी एने लुय दुयोन लारे आवलो होतो. एने यी आत्मा छे जी गोवायी आपे, काहाकि आत्मा खोरली छे.

1 योहान 5:6 ပူးပေါင်းရင်းမြစ်များ

मत्ती 26:28

काहाकि जो नोवीन वायदू जो लुय छे जो घोणा सोवटा जुगू पापोन माफीन कोरता वोयाळाय जातलो छे,

मत्ती 3:16

एने येसु बाप्तिस्मा लीन तेतारुत पाणीमा गोथू उपोर आव्यु, एने, तेरेन कोरीन सोरग खुल गोयो, एने चू परमेश्वरोन आत्मा काजे पेरवा सारखो उतेरलो एने आपने उपोर आवतेलो देख्यू.

मरकुस 14:24

एने येसु तीनु काजे कोयू, यो नोवला वायदू मारो चो लुय छे, जो घोना सोवटान कोरता वोयाळाय जातलो छे.

लुका 22:20

इना रितीसी चू खाणान ओवतेन प्यालू बी आपतू जाईन कोयू, यो प्यालू मारा तीना लुयमा जो तुमरेन कोरीन वोयाळाय जाय नवीन वायदू छे.

योहान 14:17

बाकीन खोरलु आत्मा, जिना काजे संसार स्वीकार नि कोर सकतला काहाकि चे तीनाक नि जानतेला; तुमु तीनाक जानतला, काहाकि तुमरे साते रोयलू, एने चू तुमरेमा रोयसे.

योहान 14:6

येसु तीनु काजे कोयू, “वाट एने खोरलु एने जीवन मेत छे; बिना मारे विगुर कुदू बासोनचा नि पुग सोकतलु.

योहान 15:26

बाकीन जेतार चू मदतगार आवसे, जोसो मी तुमरे साते बासो जुव गोथो मुकलीस, बाकीन खोरलायीन आत्मा जो बासो जूव गोथो निकवतलो छे, ती चू मारी गोवायी आपसे;.

योहान 16:13

बाकीन जेतार चू मतलब खोरलायीन आत्मा आवसे, ती तुमु काजे आखी खोरलायीन वाट देखाळसे, काहाकि चू तेरे जुव गोथू नि कोये बाकीन जो काय सोमोवसे चोत कोयसे, एने आवने वावा वाते तुमुक कोयसे.

योहान 3:5

येसु जोवाब आप्यू, मे तुमुक छाचलीन-छाचलीन कोयो कि जेतार तोक कुदू माणूस पाणी एने आत्मासी नि जन्म होये ती चू परमेश्वरोन राजमा जाय नि सोकतलु.

योहान 4:10

येसु जोवाब आप्यू, “ओगर तू परमेश्वरोन वरदान काजे उवखती, एने यो बी जानती कि चू कून छे, जू तुसेक कोयने बाज रोयु, मेसेक पाणी पाव, ती तू तीना जूव मागती एने चू तुसेक जीवनोन पाणी आपतू.”

योहान 4:14

बाकीन जू कुदु तिना पाणीमा गोथू पीसे जो मी तीनाक आपीस, ओवतेन चू ओमोरकाई तोक तीसलु नि रोये; बाकीन यो पाणी मे तीनाक आपीस, चू तीनामा एक झोर बोन जासे जो ओमोर जीवनोन कोरता उमळतो रोयसे.”

योहान 6:55

काहाकि मारो मास देखणे जाय ती खाणेन चीज छे, एने मारो लुय देखणे जाय ती पिणेन चीज छे.

प्रेषित 8:36

वाटे चालता-चालता चे एक पाणीन जागा पोर पुग गोया तेत्यार ग्यानी कोयू, “देख चा पाणी छे, हिमी मेसेक बाप्तिस्मा लेनेमा काय रुकावट नि होय.”

रोमी 3:25

तीना काजे परमेश्वर तेरो लुयसी एक ओसू पोस्तावू ठेराव्यू, जू भुरसू कोरणेसी ठेरायतलु छे, कि जो पाप पेहेल कोराय गोयलो एने जीना पोर परमेश्वर तेरी सहन शीलतान लारे ध्यान नी लागाळ्यु तेरे बारामा चू तेरी धारमिकता सामने लावे.

इफिसीयो 1:7

आमु ते तिनान लुयोन लारे छुटकारू मतलब पापोन माफी एने परमेश्वरोन दयान धोनोन अनसारे जोळतो कि.

कुलुस्सि 1:4

काहाकि आमु सोमवला कि मसिह येसु पोर तुमरू भुरसू छे एने आखा चुखला भाशोसी मोंग राखतला छे,

1 तीमथी 3:16

इनुमा शंका नी होय कि भोक्तीन फरक गंभीर छे, मतलब होयो जे डीलोमा प्रगट होयलो, आत्मामा धोरमी ठेरायू, सोरग दूत काजे देखायतू दिसरा जातीमा हेरा प्रचार होयलू, जोगोमा हेरे पोर भुरसू कोरलु होतु, एने महिमामा उपर चुटायलु होतु.

तीतुस 3:5

ती चू आमरू छुटकारू कोऱ्यु एने यो धोरमन कामोन वोजेसे नि, जो आमु खुद कोरला, बाकीन दयान अनसारे नोवला जन्मोन उंगेवनो एने पवित्र आत्मान आमु नोवलान बोनावनेण लारे होये.

इब्रानियो 10:29

ती तुमु विचार कोरु कि चू माणूस एने बी कोतरा मुशकीलोन दोंडोन भागीदार होयसे, जू परमेश्वरोन पुऱ्या काजे पाये कोरीन रोंदव्या एने वायदान लुय काजे जिनान लारे चू चुखला ठेराय गोयू, अपवित्र सोमव्या एने दयान आत्मान अपमान कोऱ्या.

इब्रानियो 12:24

एने नोवला वायदान अगवू येसुन एने छिळकनेन तिना लुयोनचा जो हाबिलोन लुयोन नियाव कोरन्यू परमेश्वर एने तीयार कोरला धोरमीन आत्मान ओगोव.

इब्रानियो 13:20

हिमी शांती दाता परमेश्वर, जू गाडरान महान राखवाव आपना प्रभू येसु काजे ओमोरकाईन वायदान कोरता लुयोन लारे मोरलामा गोथू जीवतु कोर देदु.

इब्रानियो 9:14

ती मसिहन लुय जू आपना खुदो काजे हमेशान आत्मान लारे परमेश्वरोन सामने निरदोष चोळाव गोयू तुमरा मोनो काजे ओवी बी जादा काहा नी चुखो कोरे तुमु जीवतला परमेश्वरोन सेवा कोरु.

इब्रानियो 9:7

बाकीन दिसरामा निस्तु महायाजक जातु होतु एने चू बी सालोमा एकुत कावा एने लुय लेये विगुर नी जातु होतु, जीनाक चू आपना माणसोन आग्यान मा कोरायला पापोन कोरता भेट चोळावतू होतु.

1 पतरस 1:2

एने परमेश्वर बासन भविष्य ग्यानोन अनसारे, आत्मान चुखला कोरनेन लारे आग्या मानने एने येसु मसिहन लुय काजे शीतळनेन कोरता नेवळाय गोयला छे, तुमु काजे अनुग्रह एने शांती जुदा रितीसी जोळती रोयसे.

1 पतरस 3:21

तीना पाणीन दाखलू भी, मतलब बाप्तिस्मा, येसु मसिह मोरीन जीव उठनेन लारे, हिमी तुमु काजे वाचाडलु छे; इनासी डीलोन मोयोव काजे धुवने कोरनेन मतलब नि होय, बाकीन वारला मोनोसी परमेश्वरोन ताबामा होई जाणेन मतलब छे.

1 योहान 1:7

बाकीन कोदि जोसो चू विजावामा छे तोसोत आपनु बी विजावामा चालू, ती एक दिसरा पुठी सहभागीता रोयतला छे एने तेरु पुऱ्यु येसुन लुय आमुक आखा पापोमा गोथू चुखो कोरतेलू छे.

1 योहान 4:10

मोंग इनामा नि कि आमु परमेश्वर पोर मोंग कोऱ्या, बाकीन इनाम छे कि चू आमरेपोर मोंग कोऱ्यु एने आमरा पापोन पश्चातापन कोरता हेरा पुऱ्या काजे मूकल्यु.

प्रकाशित वाक्य 1:5

एने येसु मसिह जुव गोथो जू भुरसान योग्य गोवा एने मोरलामा गोथू जीव उठने वावामा पेहेलुत एने धोरतीन राजान हाकिम छे, तुमुक अनुग्रह एने शांती जोळती रोये. चू आमरे पुठी मोंग कोरतेलू, एने चू आपना लुयोन लारे पापोसी छुळावतलो छे,

प्रकाशित वाक्य 5:9

चे यो नोवलो गीत गावणे बाज गोया, “तू इना किताब काजे लेणे, एने तेरा छापा काजे उगाळनेन लायक छे; काहाकि तू जीव आपीन तारा लुयसी होर एक जाती एने भाषान एने माणसे एने जात्यामा गोथू परमेश्वरोन कोरता माणसो काजे मुले ली लेदलु छे,

प्रकाशित वाक्य 7:14

मे तीना काजे कोयू, “हे स्वामी, तूत जानतलु छे” चू मेसे काजे कोयू “जे चे छे, चे तिना मोटला दुखोमा गोथा निकवीन आवला छे चे आपना-आपना छिंदरा गाडरान लुयमा धुवीन धोव्वा कोरला छे.”