1 योहान 5:20 - बारेली पावरी

²⁰ एने यो बी जाणेजे, परमेश्वरोन पुऱ्यु आव रोयू एने चू आमुक सोमज आपलु छे, हिमी तिनी खोराइ काजे जानजे, एने आमु तीना माइली जी खोराइ छे, मतलब परमेश्वरोन पुऱ्यु येसु मसिहमा रोयतला. खोरलू परमेश्वर ओमोरकाईन जीवाय यित छे.

1 योहान 5:20 ပူးပေါင်းရင်းမြစ်များ

मत्ती 13:11

येसु जोवाब आप्यू, “तुमु काजे सोरगोन राजोमा भेदोन सोमोज आपाय गोयलो छे, बाकीन तीनु काजे नी.

लुका 21:15

काहाकि मे तुमु काजे ओसू बुल एने ग्यान आपीस कि तुमरा आखा दुष्मोन तुमरू सामनु नीती रूकावट नि कोर सोके.

लुका 24:45

तेत्यार चू पवित्र शास्त्र सोमोजनेन कोरता तिंदरी समज उगाळ देदू.

योहान 1:18

परमेश्वर काजे कुदुबी कबी नि देख्यो, एखलुत पुऱ्यु जू बासोन खुवामा छे चू तीनाक सामने लाव्यू.

योहान 10:30

मे एने बास एकुत छे,”

योहान 14:20

तिने दाहळे तुमु सोमजी जासू कि मी मारा बासोमा छे, एने तुमु मारेमा, एने मे तुमरेमा.

योहान 14:23

येसु तीनाक जोवाब आप्यू, “ओगर कुदु मार पोर मोंग कोरसे ती चू मारा वचन काजे माणसे, एने मारू बास तीना पोर मोंग कोरसे, एने आमु तेरेनचा रोयसू.”

योहान 14:6

येसु तीनु काजे कोयू, “वाट एने खोरलु एने जीवन मेत छे; बिना मारे विगुर कुदू बासोनचा नि पुग सोकतलु.

योहान 14:9

येसु तिना काजे कोयू, “हे फिलीप, मे ओतरा दाहळासी तुमरे साते छे, एने काय तू मेसेक नि उवेखतू? जू मेसेक देखलू छे चू बासो काजे देखलू छे. तू काहा कोये कि बासो काजे मेसेक देखाळ?

योहान 15:4

तुमु मारेमा जुळायीन रोयू, एने मे तुमरेमा जोसी डावी आंगुरोन वेलामा जुळायीन नि रोये ती आपना खुदोसी नि फोव सोकतली, तोसोच तुमु बी कोबी मारेमा जुळायीन नि रोये ती नि फोव सोकतला.

योहान 17:14

मे तारो वचन तीनुक पुगाळ देदलु छे; एने जोग तिंदरे पोर दुष्मोनी कोऱ्यु, काहाकि जोसो मे जोगोन नि होय, तोसाच चे बी जोगोन नि होय.

योहान 17:25

हे धोरमी बासो, जोग मेसेक नि जान्यू, बाकीन मे तुसेक जान्यू; एने जेबी जान्या कि तूच मेसेक मुकेललु चे.

योहान 17:3

एने ओमोर जीवन यो छे कि चे तुसेक एक धोळ्या खोरला परमेश्वर काजे येसु मसिह काजे, जीनाक तू मुकेललु छे, जाणे.

योहान 20:28

यो सोमवीन थोमा जोवाब आप्यू, “हे मारा प्रभू, हे मारा परमेश्वर.”

योहान 8:42

येसु तीनु काजे कोयू, “कोदि परमेश्वर तुमरू बास रोयतु, ती तुमु मार पोर मोंग कोरता; काहाकि परमेश्वर भूनी गोथू आव रोयू मे मार मारे नि आव्यु, बाकीन चू मेसेक मूकल्यु.

प्रेषित 20:28

इनान कोरता आपनी एने आखा टूवान तोपास कोरु जीनामा पवित्र आत्मा तुमुक पुढारी ठरावलु छे, कि तुमु परमेश्वरोन मंडव्यान राखवावी कोरे, जीनाक चू आपना लुयसी मुले लेदला छे.

रोमी 9:5

डाह-डाहा बी तिंदरा छे एने मसिह बी डीलोन रूपसी तीनुमा गोथू होयू जू आखान उपोर परम परमेश्वर पिढ्यान पिढ्या सोयावा होये. आमेन.

1 कुरीन्थियो 1:30

बाकीन हेरे जुव गोथोत तुमु मसिह येसुमा छे, जो परमेश्वर जुव गोथो आमरेन कोरता ग्यान ठोऱ्यु एने मतलब धारमिकता, एने चुखला, एने छुटकारू.

2 कुरीन्थियो 4:6

इनान कोरता कि परमेश्वरुत छे, जू कोऱ्यु, “आंदारलामा गोथो विजावो चोमके, एने चू मोनोमा चोमक्यू कि परमेश्वरोन महिमान उवखनोन दिवू येसु मसिहन मुयो पोर विजावो होये.”

2 कुरीन्थियो 5:17

इनान कोरता अगर कुदू मसिहमा छे ती चा नोवला पोयदाईश छे, जूनला वाते जाता रोया देखू आखा वाते नोवला होय गोया.

इफिसीयो 3:18

आखा चुखला माणसो साते वारला रितीसी सोमजनेन ताकत ली लेवू तेरी चोळवाय एने नांबो एने उचो कोतरो छे एने उंडो कोतरो छे.

फिलिप्पि 3:9

एने तीनामा जोळो नी कि आपना धारमिकता साते जी शास्त्रनियमोसी छे बाकीन तिना धारमिकता साते जू मसिह पोर भुरसू कोरनेन वोजेसी एने परमेश्वरोन भूनी गोथो भुरसू कोरनेसी जोळतली छे.

1 तीमथी 3:16

इनुमा शंका नी होय कि भोक्तीन फरक गंभीर छे, मतलब होयो जे डीलोमा प्रगट होयलो, आत्मामा धोरमी ठेरायू, सोरग दूत काजे देखायतू दिसरा जातीमा हेरा प्रचार होयलू, जोगोमा हेरे पोर भुरसू कोरलु होतु, एने महिमामा उपर चुटायलु होतु.

तीतुस 2:13

एने इनी सोयावा आसोन मतलब आपना मोटला परमेश्वर एने छुटकारू आपने वावु येसु मसिहन महिमा प्रगट होयनेन वाट जुवता रोयू.

इब्रानियो 1:8

बाकीन पुऱ्यान बारामा चू कोये “हे परमेश्वर, तारो सिहासन कायमोन छे एने तारा राज दंडन नियाव राज दोंड छे.”

1 योहान 2:23

जू कुदू पुऱ्यान इनकार कोरतेलू छे तेरे पास बास बी नि होय.

1 योहान 2:24

जो काय तू पेहेलेन सोमवला छे चो होयू तारेमा बोनलु रोये ती तू बी पुऱ्यामा एने बासोमा बोनलु रोयीस.

1 योहान 2:6

जो कुदू यो कोयतेलु छे कि मे हिनामा बोनीन रोयतलु, हिनाक जुवे कि आपु बी होसात चाले जोसू होयू चाले.

1 योहान 4:14

आमु देखी बी लेदा एने गोवायी आपजे कि बास पुऱ्या काजे जोगोन छुटकारू आपन्यु कोरीन मुकली रोयू.

1 योहान 4:16

जो मोंग परमेश्वर आमरेपोर कोरतेलु, तीनाक आमु उवखी लेदा एने आमुक तेरु भुरसू छे. परमेश्वर मोंग छे, एने चू मोंगोमा बोनीन रोयतलु, चू परमेश्वरमा बोनीन रोयतलु, एने परमेश्वर तिंदरेमा बोनीन रोयतलु.

1 योहान 4:2

परमेश्वरोन आत्मा तुमु इना रितीसी उवखी सोकतला; जी आत्मा मान लेतली छे, कि येसु मसिह डीलोमा होईन आवलो छे, चू परमेश्वर भूनी गोथू छे.

1 योहान 5:1

जिंदरु यु भुरसू छे कि येसु मसिह छे, चू परमेश्वरोनचा गोथू बोनलु छे; एने जू कुदू बोनावने वावासी मोंग कोरतेलू, चू तेरो पोर बी मोंग कोरतेलू, जू तिना जुव गोथू बोनलू छे.

1 योहान 5:15

जू कुदू आपना भाशो पुठी दुष्मोनी कोरतेलू, चू हत्यारु छे एने तुमु जानतेला छे कि कानलात हत्यारमा ओमोर जीवन नी रोयतलु.

1 योहान 5:18

आपनु जानजे कि जो काय परमेश्वर सी बोनलो छे, चू पाप नि कोरतेलु; बाकीन जो कुदू परमेश्वर सी बोनलो से तीनाक चू वाचाळीन राकतेलु; एने चू भुतडू तीनाक छिम नि सोके.

1 योहान 5:5

जोगो पोर जय हासील कोरणे वावु कून छे? बाकीन चू तेरु भुरसू छे कि, येसु परमेश्वरोन पुऱ्यु छे.

प्रकाशित वाक्य 15:3

चे परमेश्वरोन दास मुसान गीत, एने गाडरान गीत गावीन-गावीन कोयता होता, “हे आखी ताकत वावा प्रभू परमेश्वर, हे युगान युग राजा, तारी चाल ठीक एने खोरली छे.”

प्रकाशित वाक्य 19:11

पोछु मे सोरगोन राज उगाडलु देख्यू, एने देख्यू कि एक धोव्वु घुल्लु छे; एने तिना पोर एने तेरे पोर बोस रोयलू छे, जू भुरसान लायक एने खोरलू कोवायतलु छे एने चू धोरमोन पुठी नियाव एने लोळायी कोरतेलू छे.

प्रकाशित वाक्य 3:14

लौदीकियान मंडव्यान दूतो काजे यो लिख, “जो आमेन एने भुरसान लायक एने खोरलो गोवा छे, एने परमेश्वरोन कोवीन खास वोजा छे, चू यो कोये कि

प्रकाशित वाक्य 3:7

फिलादिलफियान मंडव्यान दूतो काजे यो लिख, “जे चुखला एने खोरला छे, एने जे दाऊदन कुच्या राखतलु छे, जेरा उगळला काजे कुदु बोंद नी कोर सोके एने बोंद कोरला काजे कुदू उगाळी नी सोकतो चू यो कोये कि,

प्रकाशित वाक्य 6:10

चे मोटला बुलोसी आयळीन कोया, “हे स्वामी, हे चुखला एने खोरला, तू कोत्यार तोक न्याय नी कोरे? एने धोरतीन रोयने वावासी आमरा लुयोन बोदलु कोत्यार तोक नि लेये?”