1 योहान 5:13 - बारेली पावरी

¹³ मे तुमुक, जू परमेश्वरोन पुऱ्यान नाव पोर भुरसू कोरतेला, एरेन कोरता लिखलो छे कि तुमु जान जावू ओमोर जीवाय तुमरी छे.

1 योहान 5:13 ပူးပေါင်းရင်းမြစ်များ

योहान 1:12

बाकीन जोत्रा तीनाक स्वीकार कोऱ्या, चू तीनुक परमेश्वरोन पुऱ्या बोननेन होक आप्यू, मतलब तीनुक जे तेरा नावो पोर भुरसू कोरतेला छे.

योहान 2:23

जेतार चू यरुशलेममा वोलांडोनोन तीहीवारोन टेमे होतो, ती जुदा सोवटा जोना इना चमत्कार काजे यो चू देखाळतू होतु देखीन तेरे नावो पोर भुरसू कोऱ्या.

योहान 20:31

बाकीन जे इनान कोरता लिखाय गोयला छे कि तुमु भुरसू कोरे कि येसु परमेश्वरोन पुऱ्यु मसिह छे, एने भुरसू कोरीन हेरे नावोसी जीवन लेये.

योहान 21:24

होयू चू चेलू छे यु इनी वातोन गोवायी आपतलु छे एने यु इनी वातो काजे लिखलू छे, एने आमु जानतला छे कि हेरी गोवायी खोरली छे.

योहान 3:18

जू कुदू तेरे पोर भुरसू कोरे तेरे पोर दोंडोन आग्या नि होये, बाकीन जो तेरे पोर भुरसू नि कोरे चू गुणावू ठेराय गोयलु छे एरेन कोरता कि चू परमेश्वरोन पुऱ्यान नाव पोर भुरसू नि कोऱ्या.

योहान 5:24

मे तुमु काजे छाचलीन-छाचलीन कोयो, यु मारू बुल सोमवीन मारा मुकलने वावा पोर भुरसू कोरतेलू छे, ओमोर जीवन तेरोत छे; एने तिना पोर दोंडोन आग्या नि होयतेली बाकीन चू मोरनेमा गोथू पार होयीन जीवनमा भोराय गोयलु छे.

प्रेषित 3:16

तेरेन नावोमा मतलब तिना विस्वासोन लारे जू येसुन नावो पोर छे, इना माणसो काजे जीना काजे तुमु उवखी रोया एने देखीरोया, ताकत जोळली छे तीना विस्वासमा जी तेरे लारे छे इनान आखान सामने पुरो आरगाई आपली छे.

प्रेषित 4:12

काहनास दिसरान लारे छुटकारू नी होय काहाकि सोरगोन तोवे एने माणसोमा दिसरो नाव नी आपायलो छे जिनान लारे आमुक छुटकारू जोळे.

2 कुरीन्थियो 5:1

काहाकि आमु काजे मालूम छे कि जेतार आपनो धोरती पोर मोंडप सारखो घोर पाळाय जासे ती आपनुक परमेश्वर तोरोफसी सोरगोमा एक ओसो घोर जोळसे जो हाते कोरीन बोनावलो घोर नी होय बाकीन ओमोरकाईन छे.

गलातियों 4:6

एने तुमु जा पुऱ्या छे एरेन कोरता परमेश्वर आपना पुऱ्यान आत्मा काजे, जो छे हे अब्बा, हे बास कोयीन आयेळतेलु; आमरा मोनमा मूकल्यु.

1 पतरस 5:12

मी सिलवानुसोन लारे, जेरेसी मी भुरसान योग्य भाश मानतलु छे, वारू रितीसी लिखीन तुमु काजे सोमजाडलु छे एने यी गोवायी आपलु छे कि परमेश्वरोन खोरलु दया छे इनामा वातडा बोनीन रोयु.

1 योहान 1:4

एने जे वाते आमु एरेन कोरता लिख रोया कि आमरी खुशी पुरी होय जाय.

1 योहान 2:1

हे मारा पुऱ्या मे यी वात तुमुक इनान कोरता लिखलो छे कि तुमु पाप नि कोरु; एने जर कुदु पाप कोरे, ती बासो पुठी आमरू एक मदतगार छे, मतलब धोरमी येसु मसिह;.

1 योहान 2:21

मे तुसेक इनान कोरता नि लिख्यू कि तू खरलो नि जानतलु, पुन इनान कोरता कि हिनाक जानतलु छे, एने इनान कोरता कहानलो झूट, खोरला भूनी गोथो नि.

1 योहान 2:25

एने जिंदरी होयू आमरे कोरता वायदू कोऱ्यु, होयो ओमोर जीवनोन छे.

1 योहान 2:26

मे यी वात तुमुक हिंदरा बारामा लिखलू छे, यो तुमुक भनकावतलो छे;

1 योहान 3:23

तेरी आग्या जी छे कि आमु तेरा पुऱ्या येसु मसिहन नावो पोर भुरसू कोरजे एने जोसो चू आमुक आग्या आपलु छे तिनान लारे तीनामा मोंग राखे

1 योहान 4:9

जो मोंग परमेश्वर आमरेपोर कोरलु छे, जो इनामा प्रकट होयो कि परमेश्वर तेरा एकुत पुऱ्या काजे जोगोमा मुकल्या, कि आमु तेरे लारे जीवन हासील कोरजे.

1 योहान 5:10

जे परमेश्वरोन पुऱ्या पोर भुरसू कोरे चु आपनेमा गोवायी राखतला, जे परमेश्वर पोर भुरसू नि कोऱ्या तीनुक चू झुटू ठेरावलू छे काहाकि चे तिनी गोवायी पोर भुरसू नि कोऱ्या जो परमेश्वर तेरा पुऱ्यान बारामा गोवायी आपलु से.

1 योहान 5:11

एने ची गोवायी जी छे, कि परमेश्वर आपनुक ओमोरकाईन जीवन आप रोयू, एने यो जीवन तेरा पुऱ्यामा छे.

1 योहान 5:20

एने यो बी जाणेजे, परमेश्वरोन पुऱ्यु आव रोयू एने चू आमुक सोमज आपलु छे, हिमी तिनी खोराइ काजे जानजे, एने आमु तीना माइली जी खोराइ छे, मतलब परमेश्वरोन पुऱ्यु येसु मसिहमा रोयतला. खोरलू परमेश्वर ओमोरकाईन जीवाय यित छे.