1 योहान 5:12 - बारेली पावरी

¹² जिंदरे जु येसु छे तिंदरे जु जीवन छे, एने जिंदरे जु परमेश्वरोन पुऱ्यु नि होय तिंदरे जु जीवन बी नि होय.

1 योहान 5:12 ပူးပေါင်းရင်းမြစ်များ

मरकुस 16:16

जू भुरसू कोरे एने बाप्तिस्मा लेये तेरूत छुटकारू होयसे, बाकीन जू भुरसू नी कोऱ्या चा गुणावा ठेराय जासे.

योहान 1:12

बाकीन जोत्रा तीनाक स्वीकार कोऱ्या, चू तीनुक परमेश्वरोन पुऱ्या बोननेन होक आप्यू, मतलब तीनुक जे तेरा नावो पोर भुरसू कोरतेला छे.

योहान 3:15

काहाकि जू कुदू इनापोर भुरसू कोरे तीनाक ओमोर जीवन जोळसे.

योहान 3:36

जू पुऱ्या पोर भुरसू कोरतेलु ओमोर जीवन तेरो छे; बाकीन जू पुऱ्यान नि सोमवतेलु, चू जीवन काजे नि देखे, बाकीन परमेश्वरोन रीस तीना पोर रोयतली.”

योहान 5:24

मे तुमु काजे छाचलीन-छाचलीन कोयो, यु मारू बुल सोमवीन मारा मुकलने वावा पोर भुरसू कोरतेलू छे, ओमोर जीवन तेरोत छे; एने तिना पोर दोंडोन आग्या नि होयतेली बाकीन चू मोरनेमा गोथू पार होयीन जीवनमा भोराय गोयलु छे.

1 कुरीन्थियो 1:30

बाकीन हेरे जुव गोथोत तुमु मसिह येसुमा छे, जो परमेश्वर जुव गोथो आमरेन कोरता ग्यान ठोऱ्यु एने मतलब धारमिकता, एने चुखला, एने छुटकारू.

गलातियों 2:20

मे मसिह पुठी ख्रुस पोर चोळाय गोयू, हिमी मे जीवतलु नी रोयू पुन मसिह मारेमा जीवतला छे; एने मे डीलोम हिमी मे जीवतलु छे, जू परमेश्वर परमेश्वरोन पुऱ्या पोर छे, जू मार पोर मोंग कोऱ्यु एने मारेन कोरीन खुदो काजे आप देदू.

इब्रानियो 3:14

अगर आमु आपना पेहेला भुरसा पोर आखरी तोक मजबुतीमा पाका रोये ती आमु मसिहन भागीदार बोन गोयला छे.

2 योहान 1:9

जो कुदू मसिहन भोननेमा ओगोव बोळ जातला छे, एने तिंदरेमा नि रोयतला, तिंदरे जुव परमेश्वर नि होय; जू कुदू हिंदरी प्रचारमा पाका रोयतला, तिंदरेजू बास बी छे एने पुऱ्यु बी.