1 योहान 5:11 - बारेली पावरी

¹¹ एने ची गोवायी जी छे, कि परमेश्वर आपनुक ओमोरकाईन जीवन आप रोयू, एने यो जीवन तेरा पुऱ्यामा छे.

1 योहान 5:11 ပူးပေါင်းရင်းမြစ်များ

मत्ती 25:46

एने जे ओमोरकाई दोंड भुगसे, बाकीन धोरमी ओमोर जीवनोमा जासे.’”

योहान 1:19

योहानोन गोवायी जी छे, कि जेतार यहुदि अगवा यरुशलेम गोथा पुजारू एने लेवीणूक यो पुछनेन कोरता मूकल्यु, “तू कून छे?”

योहान 1:4

तेरेमा जीवन होतो एने चो जीवन माणसोन विजावो होतो.

योहान 10:28

एने मे तीनु काजे ओमोर जीवन आपलो छे चे कोबी नाश नि होये, एने कुदु तीनुक मारा हातोमा गोथो हापकीन नि लीजाय.

योहान 12:50

एने मेसेक मालूम छे कि तेरी आग्या ओमोर जीवन छे इनान कोरता मे जो काहीन बुलतलु, चो जोसू बास मेसेक कोयलु छे तोसोच बुलतलु.

योहान 14:6

येसु तीनु काजे कोयू, “वाट एने खोरलु एने जीवन मेत छे; बिना मारे विगुर कुदू बासोनचा नि पुग सोकतलु.

योहान 19:35

यो चे देख्या, चे गोवायी आपला छे, एने तिंदरी गोवायी खोरली छे; एने चू जाणे कि चू खोरलू छे कि तुमु बी भुरसू कोरु.

योहान 3:36

जू पुऱ्या पोर भुरसू कोरतेलु ओमोर जीवन तेरो छे; बाकीन जू पुऱ्यान नि सोमवतेलु, चू जीवन काजे नि देखे, बाकीन परमेश्वरोन रीस तीना पोर रोयतली.”

योहान 4:36

काटने वावान दाहाळकी जोळतली एने ओमोर जीवनोन कोरता फोव काटतेलु, काहाकि वेरणे एने काटने वावू दुयू मेवीन खुशी कोरे.

योहान 4:4

एने तीनाक सामरिया गोथो जानो जोरुरी होतो.

योहान 5:21

जोसू बास मोरला काजे उठाडतेलु एने जीवाळतलु छे, तोसुच पुऱ्यु बी जे गोवतेला तीनुक जीवाळतलु छे.

योहान 5:26

काहाकि जिना रितीसी बास आपना खुदोमा जीवन राखतलू छे, तीना रितीसी चू पुऱ्या काजे बी यु होक आपलु छे कि आपना खुदोमा जीवन राखे;

योहान 6:40

काहाकि मारा बासोन मोर्जी जीत छे कि जो कुदू पुऱ्या काजे देखीन एने तीना पोर भुरसू कोरे; तीनाक ओमोर जीवन जोळे; एने मे तीनाक आखरी दाहळे पोछु जीव उठाळीस.”

योहान 6:47

मी तुमु काजे छाचलीन-छाचलीन कोयो कि जू कुदू भुरसू कोरतेलू छे, ओमोर जीवन तेरोत छे.

योहान 6:68

शिमोन पतरस तीना काजे जोवाब आप्यू, “हे प्रभू, आमु कुनीनचा जाजे? ओमोर जीवनोन वाते ते तारे पास छे;.

रोमी 5:21

कि जोसो पाप मोत काजे फैलावतू जायीन राज कोऱ्यु, तोसोत आमरू प्रभू येसु मसिहन लारे दया बी, ओमोर जीवनोन कोरीन धोरमी ठेरावती जायीन राज कोरे.

रोमी 6:23

काहाकि पापोन दाहाळकी ते मोत छे बाकीन परमेश्वरोन वरदान आपना प्रभू येसु मसिहमा ओमोर जीवन छे.

1 तीमथी 1:16

पुन मार पोर इनान कोरता दया होई कि मारेन तोसलू आखान मोटू पापीमा येसु मसिह तेरी पुरी सोहोन कोरणे वावू देखाळे, कि जे माणसे हिनापोर ओमोर जीवनोन कोरता भुरसू कोरसे हिंदरेन कोरता मे एक नमुना बोनो.

तीतुस 1:2

तीना ओमोरकाईन जीवनोन आस पर जेरी वायदू परमेश्वर, जी झूट नि बुल सोकतलु सनातनसी कोरलु छे,

1 योहान 2:25

एने जिंदरी होयू आमरे कोरता वायदू कोऱ्यु, होयो ओमोर जीवनोन छे.

1 योहान 4:10

मोंग इनामा नि कि आमु परमेश्वर पोर मोंग कोऱ्या, बाकीन इनाम छे कि चू आमरेपोर मोंग कोऱ्यु एने आमरा पापोन पश्चातापन कोरता हेरा पुऱ्या काजे मूकल्यु.

1 योहान 4:9

जो मोंग परमेश्वर आमरेपोर कोरलु छे, जो इनामा प्रकट होयो कि परमेश्वर तेरा एकुत पुऱ्या काजे जोगोमा मुकल्या, कि आमु तेरे लारे जीवन हासील कोरजे.

1 योहान 5:10

जे परमेश्वरोन पुऱ्या पोर भुरसू कोरे चु आपनेमा गोवायी राखतला, जे परमेश्वर पोर भुरसू नि कोऱ्या तीनुक चू झुटू ठेरावलू छे काहाकि चे तिनी गोवायी पोर भुरसू नि कोऱ्या जो परमेश्वर तेरा पुऱ्यान बारामा गोवायी आपलु से.

1 योहान 5:20

एने यो बी जाणेजे, परमेश्वरोन पुऱ्यु आव रोयू एने चू आमुक सोमज आपलु छे, हिमी तिनी खोराइ काजे जानजे, एने आमु तीना माइली जी खोराइ छे, मतलब परमेश्वरोन पुऱ्यु येसु मसिहमा रोयतला. खोरलू परमेश्वर ओमोरकाईन जीवाय यित छे.

1 योहान 5:7

एने जू गोवायी देतलू छे, चू आत्मा छे; काहाकि आत्मा खोरली छे.

3 योहान 1:12

दिमेत्रियुस बारामा आखात, नि तेत्यार खोरलो चोत गोवायी आप्यू; एने आमु बी गोवायी आपतला छे, एने तू जानतलु छे कि आमरी गोवायी खोरली छे.

यहुदा 1:21

आपना खुदो काजे परमेश्वरोन मोंगसी बोनावीन राखू; एने ओमोर जीवनोन कोरता आमरा प्रभू येसुन मसिह दयान वाट जुवता रोयू.

प्रकाशित वाक्य 1:2

जू परमेश्वरोन वचन एने येसु मसिहन गोवायी, मतलब जो काय चू देखलू होतु तेरी गोवायी आप्यू.

प्रकाशित वाक्य 22:1

एने चू मेसेक बिल्लौर सारखो झोलोगतलो, जीवनोन पाणीन नोदी देखाळ्यू, जो परमेश्वर एने गाडरान सिहासनसी निकवीन.