1 योहान 5:10 - बारेली पावरी

¹⁰ जे परमेश्वरोन पुऱ्या पोर भुरसू कोरे चु आपनेमा गोवायी राखतला, जे परमेश्वर पोर भुरसू नि कोऱ्या तीनुक चू झुटू ठेरावलू छे काहाकि चे तिनी गोवायी पोर भुरसू नि कोऱ्या जो परमेश्वर तेरा पुऱ्यान बारामा गोवायी आपलु से.

1 योहान 5:10 ပူးပေါင်းရင်းမြစ်များ

योहान 3:16

काहाकि परमेश्वर जोगो पोर ओसू मोंग कोऱ्यु कि तेरु मोंगावू पुऱ्यु आप देदु, काहाकि जू कुदू तीना पोर भुरसू कोरे चू नाश नी होये, बाकीन तीनाक ओमोर जीवन जोळे.

योहान 3:18

जू कुदू तेरे पोर भुरसू कोरे तेरे पोर दोंडोन आग्या नि होये, बाकीन जो तेरे पोर भुरसू नि कोरे चू गुणावू ठेराय गोयलु छे एरेन कोरता कि चू परमेश्वरोन पुऱ्यान नाव पोर भुरसू नि कोऱ्या.

योहान 3:33

जू तेरी गोवायी मान लेदू चू इनी वातोपर छापू लागाळ देदू कि परमेश्वर खोरलू छे.

योहान 5:38

एने तेरा वचन काजे मोनोमा मजबूत नि राखतला, काहाकि जीनाक चू मूकल्यु तेरो तुमु भुरसू नि कोरतेला.

प्रेषित 8:37

फिलीप कोयू, “ओगर तू पुरा मोनोसी भुरसू कोरलु ती ली सोकतलु,” चू जोवाब आप्यू, “मे भुरसू कोरतेलू कि येसु मसिह परमेश्वरोन पुऱ्यु,.”

रोमी 8:16

आत्मा खुद आपनी आत्मा साते गोवायी आपतली छे कि आमु परमेश्वरोन पुऱ्या छे.

गलातियों 4:1

मे यो कोयो कि वारीस जेतार तोक पुऱ्युत छे, ओगर आखा चीजोन मालिक छे, ते बी तेरेमा एने दासमा काय फरक नि होय.

गलातियों 4:6

एने तुमु जा पुऱ्या छे एरेन कोरता परमेश्वर आपना पुऱ्यान आत्मा काजे, जो छे हे अब्बा, हे बास कोयीन आयेळतेलु; आमरा मोनमा मूकल्यु.

कुलुस्सि 3:3

काहाकि तुमु ते मोर गोयला एने तूमरो जीवन मसिह साते परमेश्वरमा डुकायलो छे.

इब्रानियो 3:12

हे भाशो हुशारीमा रोयू कि तुमरेमा असलो भुंडलो एने अविस्वासीन मोन नि जुवे जो तुमु काजे जीवतला परमेश्वर सी नांबे लीन जात रोये.

2 पतरस 1:19

आमरे साते जो भविष्य कोरने वावान वचन छे, चू इनी घटनासी पको ठोहऱ्यो, तुमु यो वारलो कोरतेला जू या सोमजीन तिंदरे पोर ध्यान कोरतेला कि चू एक दिवू छे, जू आंदाराला जोगोमा तीने टेमे तोकून विजावो कोरतू रोयतलु जेतार तोकून कि पाय नि फाट जाय फाटे एने सोंदारेन चांदणी तुमरा डीलोम नि चोमके.

1 योहान 1:10

कोदि आमु कोयजे कि आमु पाप नि कोऱ्या ती तीनाक झुटू ठेरावतेला, एने तेरो वचन आमरेमा नि होय.

1 योहान 5:1

जिंदरु यु भुरसू छे कि येसु मसिह छे, चू परमेश्वरोनचा गोथू बोनलु छे; एने जू कुदू बोनावने वावासी मोंग कोरतेलू, चू तेरो पोर बी मोंग कोरतेलू, जू तिना जुव गोथू बोनलू छे.

प्रकाशित वाक्य 12:17

तेत्यार अजगर बायरो पोर रीसवाय गोयू एने तेरी बाकी पुऱ्या पुठी जू परमेश्वरोन आग्या काजे मानतला एने येसुन गोवायी आपनेपोर स्थिर रोये,

प्रकाशित वाक्य 2:17

जेरा कानटा होसे चू सोमवी लेये कि आत्मा मंडव्या काजे काय कोये. जो जय हासील कोरे, तीनु काजे मे डूकाळला मोनोमा गोथो आपीस, एने तीनाक एक धोव्वु दोगळू बी आपीस; एने तिना दोगळा पोर एक नाव लिखलो रोयसे, जीनाक एरू लेणे वावा सिवाय कुदू नी जाणे.

प्रकाशित वाक्य 2:28

एने मे हिनुक सोंदारेन चांदणी आपीस.