1 योहान 4:6 - बारेली पावरी

⁶ आमु परमेश्वरोन छे, यु परमेश्वर काजे उवेखतलू चू आमरी सोमवतलु छे; जू परमेश्वर काजे नि उवखे चू आमरेसी नी सोमजतलु इना रितीसी खोरली आत्मा एने भ्रमणोन आत्मा काजे उवखी लेतला छे.

1 योहान 4:6 ပူးပေါင်းရင်းမြစ်များ

लुका 10:22

मारू बास मेसेक आखो काहीन आप देदलु छे; एने कुदु नि जानतलो कि पुऱ्यु कुन छे निस्तू बास, एने बास कुन छे ज्योबी कुदू नी जानतला निसतो पुऱ्यान तोरोफसी चू जीना पोर पुऱ्यु तीनाक प्रकट कोरतेलू.

योहान 10:16

मारा ओवी बी गाडरा छे, जे इना गाडरान वाडामा नि होय मेसेक तीनुक बी लावणो जोरुरी छे चे मारा बुल सोमोवसे, तेत्यार एकुत टुवू एने एकुत गुवाव्यू रोयसे.

योहान 10:27

मारा गाडरा मारू बुल सोमवतला छे; मी तीनु काजे उवखतलु एने चे मारा पोछोव-पोछोव आवतेला छे;

योहान 10:3

तिनान कोरता झोपलान राखवाव झोपलु उगाळ देदलु छे, एने गाडरा तेरी वात सोमवतला छे, एने चू आपना आखा गाडरा काजे नाव लीन बुलावतलु छे, एने बारथे लीन जातलू छे.

योहान 13:20

“मे तुमु काजे छाचलीन-छाचलीन कोयो कि जू मेसेक मुकेलने वावाक काजे स्वीकार कोरसे, चू मेसेक स्वीकार कोरसे; एने जू मेसेक स्वीकार कोरतेलु, चू मेसेक मुकलने वावाक स्वीकार कोरतेलू.”

योहान 14:17

बाकीन खोरलु आत्मा, जिना काजे संसार स्वीकार नि कोर सकतला काहाकि चे तीनाक नि जानतेला; तुमु तीनाक जानतला, काहाकि तुमरे साते रोयलू, एने चू तुमरेमा रोयसे.

योहान 15:26

बाकीन जेतार चू मदतगार आवसे, जोसो मी तुमरे साते बासो जुव गोथो मुकलीस, बाकीन खोरलायीन आत्मा जो बासो जूव गोथो निकवतलो छे, ती चू मारी गोवायी आपसे;.

योहान 16:13

बाकीन जेतार चू मतलब खोरलायीन आत्मा आवसे, ती तुमु काजे आखी खोरलायीन वाट देखाळसे, काहाकि चू तेरे जुव गोथू नि कोये बाकीन जो काय सोमोवसे चोत कोयसे, एने आवने वावा वाते तुमुक कोयसे.

योहान 18:37

पिलात तीना काजे कोयू, “तू काय राजा छे?” येसु जोवाब आप्यू, “तू कोये कि मी राजा छे मे इनान कोरता पोयदा होयू एने इनान कोरता जोगोमा आव रोयू कि खोरलायीन गोवायी आपो जो कुदू खोरलायीन छे, चू मारू बुल सोमवतलु छे.”

योहान 20:21

येसु पोछु हिनु काजे कोयू, “तुमुक शांती जोळे; जोसू बास मेसेक मुकेललु छे, तोसुच मे बी तुमु काजे मुकलो.”

योहान 8:19

चे तीना काजे कोया, “तार बास कां छे?” येसु जोवाब आप्यू, “नि तुमु मेसेक उवखतला, नि मारा बासो काजे, ओगर मेसेक उवखता ती मारा बासो काजे बी उवखता.”

योहान 8:23

येसु तीनु काजे कोयू, “तुमु नेचलान छे, मे उपोर गोथू छे; तुमु जोगोन छे, मी जोगोन नि होय.

रोमी 1:1

पौलुसोनचा गोथो जू येसु मसिहन दास छे, एने प्रेषित होयनेन कोरता बुलावलु छे, एने परमेश्वरोन तिना वारली खोबरोन कोरीन ओलोग कोराय गोयलु छे,

रोमी 11:8

जोसो लिखलो छे परमेश्वर तीनुक आज तोक भारी निंदन आत्मा नाख रोयु एने ओसा डूवा आप्यू जे देखे नी एने ओसा कानटा आप्यू जे नी सोमवे.

1 कुरीन्थियो 14:37

ओगर कुदू माणूस आपना खुदो काजे भविष्य कोरता नि ते आत्मिक जन सोमजे, ती यो जान लेवू कि जे वाते मे तुमुक लिखो, चे परमेश्वरोन आग्या छे.

2 कुरीन्थियो 10:7

तुमु इनी वातो काजे देखू, डूवा ओगोव छे ओगर कुदा काजे आपने खुदो पोर यु भुरसू होये कि मे मसिहन छे, ती चू यो बी जान लेनो कि जोसू चू मसिहन छे तोसाच आमु बी छे.

2 थिस्सलुनीकियो 1:8

एने जे परमेश्वरोक नि उवेखतला एने आमरा प्रभू येसुन वारली खोबर नि मानतला तिंदरो हिसाब लेसे.

1 तीमथी 4:1

पुन आत्मा साफ रितीसी कोये कि आवने वावी टेममा कोतरा माणसोन फोसाळने वावी आत्मा, एने भुंडली आत्मान शिक्षा पोर मन लागाळीन भुरसासी भटक जासे.

2 पतरस 3:2

कि तुमु इनी वातो काजे जू चुखला भविष्य कोरता पेहेलेत कोयला छे, एने प्रभू एने छुटकारू आपन्या तिनी आग्या काजे फोम कोरुजू तुमरे प्रेषितोन लारे आप देदलु होतु.

1 योहान 4:1

हे मोंगावा, एक आत्मान तेरेन तोसो मा कोरु, नि ती आत्मा काजे पारखू कि चे परमेश्वर जुव गोथा छे कि नि; काहाकि झुटा भविष्य कोरणे वावा जोगोमा निकवीन आव लागला छे.

1 योहान 4:4

हे पुऱ्या, तुमु परमेश्वरोन छे, एने तुमु तीना पोर जीत गोयला छे; काहाकि जो तुमरेमा छे चू तेरेमा जो जोगोमा छे मोटलु छे.

1 योहान 4:8

जू मोंग नि कोरतेलु, चू परमेश्वर काजे नि उवेखतलु काहाकि परमेश्वर मोंग छे.

1 योहान 5:19

आमु जानतला कि आमु परमेश्वरोनचा गोथा से एने आखो जोग भुतडान वशमा छे.

यहुदा 1:17

बाकीन हे मोंगावा, तुमु हिनी वातोन फोम राखू जू आमरू प्रभू येसु मसिहन प्रेषितोन पेहेले कोय देदला छे.