1 योहान 3:8 - बारेली पावरी

⁸ जू कुदू पाप कोरतेलु छे चू भुतडा जुव गोथो छे काहाकि भुतडू सुरुसी पाप कोरतू आवलु छे, परमेश्वरोन पुऱ्यु इनान कोरता प्रगट होयू कि भुतडान कामोन नाश कोरु.

1 योहान 3:8 ပူးပေါင်းရင်းမြစ်များ

मत्ती 12:28

बाकीन ओगर मे परमेश्वरोन साहायतासी भुंडली आत्मा काजे निकावतलु, ती परमेश्वरोन राज तुमरेनचा आव लागलो छे.

मत्ती 13:38

खेत जोग छे, वारलो बीज राज्योन पुऱ्या, एने जंगली बीज भुतडान छे.

मत्ती 4:3

ती पारखने वावू तेरे साते आवीन तीना काजे कोयू, “ओगर तू परमेश्वरोन पुऱ्यु होय, ती कोय दे, कि यु दोगळू रुटा बोन जाय.”

मरकुस 1:24

चू आयळीन कोयू, हे येसु नासरेथकर, आमुक तारेसी काय काम? “काय तू आमुक नाश कोरने आवलु छे? मे तुसेक जानतलु, तू कुन छे परमेश्वरोन चुखलु जन.”

लुका 10:18

येसु तीनु काजे कोयू, मे भुतडा काजे विजवीन तोसु सोरगोमा गोथू पोळतेलु देख रोयू होतु.

योहान 12:31

हिमी इना जोगोन नियाव होयसे, हिमी इना जोगोन सरदार; निकवाय जासे.

योहान 16:11

नियावोन बारामा इनान कोरता कि जोगोन सरदार गुणावू ठेराय गोयलु छे.

योहान 8:44

तुमु तुमरा बास भुतडासी छे एने तुमरा बासोन मोर्जी काजे पुरी कोरणे चाहतला. चू ते सुरवाती गोथूच हत्यारु एने खोरला पोर सुदू नि रोयू, काहाकि खोरलो तीनामा होतो नि जेतार चू झूट बुलतलु, ती तेरा स्वभावमा गोथूच बुलतलू; काहाकि चू झुटू छे एने झुटोन बास छे.

रोमी 16:20

शांतीन परमेश्वर भुतडा काजे तुमरा पायोसी मामार छेंद देसे आमरा प्रभू येसु मसिहन दया तुमरे पोर होयती रोये.

इफिसीयो 2:2

जीनामा तुमु पेहेले इना संसारन रिती पोर एने वादवा मायला मालकोन राज मतलब तिना आत्मान अनसारे चालता होता, जे हीमी बी आग्या नि मानने वावामा काम कोरतेलू छे.

कुलुस्सि 2:15

एने चू प्रधान एने अधिकारी काजे उपोर गोथो उतारीन तेरो आखा सामने तमाशा बोनाव्यू एने ख्रुसन लारे तीना पोर जय-जयकारोन ओवाज सोमवायी.

1 तीमथी 3:16

इनुमा शंका नी होय कि भोक्तीन फरक गंभीर छे, मतलब होयो जे डीलोमा प्रगट होयलो, आत्मामा धोरमी ठेरायू, सोरग दूत काजे देखायतू दिसरा जातीमा हेरा प्रचार होयलू, जोगोमा हेरे पोर भुरसू कोरलु होतु, एने महिमामा उपर चुटायलु होतु.

इब्रानियो 2:14

आखरी; जिना रितीसी पुऱ्या मास एने लुयोन सहभागीता छे, ती चू खुद बी तीना रितीसी सहभागी होय गोयू, कि मोरोनोन लारे तीनाक मोरने पोर ताकत जोळी मतलब भुतडा काजे रिकामो कोर देये.

इब्रानियो 9:26

एने जोग बोनलो तिनी टेमे गोथो तिना घोळी-घोळी दुख वेठतू पोळतो बाकीन हिमी संसारोन आखरी चू एक कावा सामने आव्यु कि आपनात बलिदानोन लारे पाप काजे मिटाळ देदु.

2 पतरस 2:4

काहाकि जेतार परमेश्वर तिना सोरग दूत काजे जे पाप कोरला नि होय छुळयु, बाकीन नोरोकोमा आंदारला कुंडामा नाख देदु, काहाकि नियावन दाहळे तोक बांदायला रोयसे.

1 योहान 1:2

यो जीवन प्रगट होयो, एने आमु तीनाक देख्या एने तेरी गोवायी आपतला, एने तुमुक तिना ओमोर जीवनोन वारली खोबर आपतला जू बासो साते होतो एने आमरेपोर प्रगट होयू.

1 योहान 3:10

इनामा परमेश्वरोन पुऱ्या एने भुतडान पुऱ्या उवखाय जातला छे; जो कुदू धर्मान काम नी कोरलु चू परमेश्वरसी नी होय, एने नि चू जू आपना भाशो पोर मोंग नी कोरतेलु.

1 योहान 3:5

तुमु जानतला छे कि चू इनान कोरता प्रगट होयू कि पापो काजे हारवी देय; एने तेरा स्वभाव पाप नि होय.

1 योहान 5:19

आमु जानतला कि आमु परमेश्वरोनचा गोथा से एने आखो जोग भुतडान वशमा छे.

यहुदा 1:6

ओवतेन जे सोरग दूते आपना पोदो काजे जागेत नी राख्या नी तेत्यार आपना नेचला रोयने काजे छुळ देदा, चे इनुक बी तिना भाशोन दाहळान नियावोन कोरता आंदारलामा, जू ओमोरकाईन कावोन कोरता छे, बांदलो राखलु छे.

प्रकाशित वाक्य 20:10

तीनुक भूलवावने वावु भुतडू आखठो एने गंधकोण तिना झीलमा, जिनामा चू जोनावर एने झुटू भविष्य कोरणे वावू बी होसे, घालाय जासे; एने चे रात दाहळू कायम पिढामा तोडपता रोयसे.

प्रकाशित वाक्य 20:15

एने जेरो कुदान नाव जीवनोन किताबमा लिखायलो नि जोळ्यो, चू आगठान झीलमा घालाय गोयू.