1 योहान 3:22 - बारेली पावरी

²² एने जू काय आमु मांगतेला चो आमुक जोळतलो काहाकि आमु तेरा आग्या काजे पावतेला छे एने जो तीनाक गोवतेलो चोत कोरतला छे.

1 योहान 3:22 ပူးပေါင်းရင်းမြစ်များ

मत्ती 17:5

पतरस बुलतु होतु कि एक धोव्वो वादवो तिंदरे पोर छावाय गोयो, एने तिना वादवा गोथू यु बुल निकव्यू “यु मारू मोंगावू पुऱ्यु छे, जीनासी मे खुश छे तेरी सोमवू.”

मत्ती 21:22

एने जो काहीन तुमु प्रार्थनामा विस्वाससी मांगे चो आखो तुमु काजे जोळसे.’”

मरकुस 11:24

इनान कोरता मे तुमु काजे कोयो कि जो काहीन तुमु प्रार्थना कोरीन मांगसू, ती भुरसू कोर लेयू कि तुमु काजे जोळ गोयो, एने तुमरेन कोरता होय जासे.

योहान 14:13

जो काय तुमु मारे नावोसी मांगे, चोत मे कोरिस कि पुऱ्यान लारे बासोन महिमा होये.

योहान 15:10

कोदि तुमु मारी आग्या काजे मानसु, ती मारा मोंगोमा जुळायीन रोयसू; जोसु कि मे मारा बासोन आग्या काजे मानतलु छे, एने तेरा मोंगमा जुळायीन रोयलु छे.

योहान 15:7

ओगर तुमु मारेमा जूळायीन रोये एने मारो वचन तुमरेमा बोनीन रोये, ती जो जुवे मांगु एने चो तुमरेन कोरता होय जासे.

योहान 6:29

येसु तीनुक जोवाब आप्यू, “परमेश्वरोन काम योत छे कि तुमु तीना पोर, जीनाक चू मुकलु छे, भुरसू कोरु,”

योहान 8:29

मेसेक मुकलने वावू मारे पुठी छे; चे मेसेक एखलु नि छुळयु काहाकि मी हमेशा चोत काम कोरतेलु जीनासी चू खुश रोयतलु.”

योहान 9:31

आमु जानतला चे कि परमेश्वर पापीन नि सोमवतलु बाकीन कोदि कुदू परमेश्वरोन भोक्त छे एने तेरी मोर्जी पोर चालतलु छे, ती चु हेरी सोमवतलु छे.

प्रेषित 17:30

इनान कोरता परमेश्वर आग्यान टेमोमा ध्यान नि लागाळतलु बाकीन हिमी आखा जागा पोर आखा माणसो काजे मोन फिरावनेन आग्या आपलु छे जीनामा चू तिना माणसोन लारे जोगोन नियाव कोरिस जीनान कोरता तिंदरू ठेरावलु छे एने तीना काजे मोरलामा गोथू जीवाळीन जी वात आखापोर मालूम कोर देदलु छे.

प्रेषित 20:21

नी तेत्यार यहुदिया एने युनानीन गोवायीन आपतू रोयो कि परमेश्वर भूनी मोन फिरावू एने आमरा प्रभू येसु मसिह पोर भुरसू कोरनो जुवे.

फिलिप्पि 4:18

मारे जुव सब काय छे बाकीन घोन सोवटा बी छे; जे चीजे तुमु इपफ्रुदीतुसन हाते मुकेलला होता तीनुक लीन मे खुश होय गोयलु छे, चो ते सुखोन गोंद लेनेन लायक बलिदान छे, जो परमेश्वर काजे वारलो लागे.

कुलुस्सि 1:10

काहाकि तुमरी चाल चलन प्रभून लायक जुवे, एने चे आखा चीजोसी खुश होये, एने तुमरेमा आखा चीजोन वारला कामोन फोव लावे, एने तुमु परमेश्वरोन उवखानमा बोढता जावू.

इब्रानियो 13:21

तुमरा आखा वारला गुणोसी पुरो कोरे, जीनासी तुमु तेरी मोर्जी पुरी कोरु, एने जो काहीन तेरी नोजोरमा मोंगावू छे चू येसु मसिहन लारे आमरे महाय पुरा कोरे, तेरीत महिमा कायम होयती रोये. आमेन.

याकुब 1:5

कोदि तुमरे माहीन कुदा काजे बुद्धीन कोमी होसे ती परमेश्वर जू मांगु, जू बिना हीच-किचाये आप देसे.

याकुब 4:3

तुमु मांगतला छे पुन तुमुक जोळतेलो नि, तेरेन कोरता कि भुंडी मोर्जी से मांगतला छे, काहाकि आपने भोग विलास मा उळाव देजे.

याकुब 5:16

तेरेन कोरता तुमु आपनेमा एक दिसरान ओगोव आपना-आपना पापो काजे मान लेवू, एने एक दिसरा कोरता प्रार्थना कोरु, कि वारू होय जासे धरमी जनोन प्रार्थनासी सब काय होय सकतलो छे.

1 योहान 2:3

जर कोदि आमु हेरी आग्या काजे मानसु, ती इनुक आमु जान लेसू कि आमु हिनाक जान गोयलु छे.

1 योहान 5:14

आमु उवेखतला कि आमु मोरनेमा गोथा निकवीन जीवनोमा पुग रोया; काहाकि आमु भाशोसी मोंग कोरतेला छे जू मोंग नी कोरतेलू चू मारनेन दशामा रोयतलु.