1 योहान 3:16 - बारेली पावरी

¹⁶ आमु मोंग तीना पोरसी जाण्या कि चू आमरेन कोरता तेरु जीव आप देदु एने आमु बी भाशोन कोरता जीव आपनो जुवे.

1 योहान 3:16 ပူးပေါင်းရင်းမြစ်များ

मत्ती 20:28

जोसो कि माणसोन पुऱ्यु चू इनान कोरता नि आव्यु कि तेरी सेवा कोरणे नि बाकीन सेवा कोरणे एने घोना सोवटा काजे छुटकारान कोरता आपनु जीव अरपण कोरे.

योहान 10:11

वारलु गुवाव्यू मे छे; वारलु गुवाव्यू गाडरान कोरता आपनु जीव आप देतलू छे.

योहान 10:15

जोसू बास मेसेक जानतलु छे एने मे बी बास काजे जाणलु-छे एने मे गाडरान कोरता मारू जीव आपतलु छे.

योहान 13:34

मे तुमु काजे एक नोवली आग्या आपो कि एक दिसरा पोर मोंग कोरु; जोसू मे तुमरे पोर कोरतेलू, तोसोच तुमु बी एक दिसरा पोर मोंग कोरु.

योहान 3:16

काहाकि परमेश्वर जोगो पोर ओसू मोंग कोऱ्यु कि तेरु मोंगावू पुऱ्यु आप देदु, काहाकि जू कुदू तीना पोर भुरसू कोरे चू नाश नी होये, बाकीन तीनाक ओमोर जीवन जोळे.

प्रेषित 20:28

इनान कोरता आपनी एने आखा टूवान तोपास कोरु जीनामा पवित्र आत्मा तुमुक पुढारी ठरावलु छे, कि तुमु परमेश्वरोन मंडव्यान राखवावी कोरे, जीनाक चू आपना लुयसी मुले लेदला छे.

रोमी 16:4

चे मारा जीवन कोरता आपनोत जीवन अडचन मा घाल देदला होता; एने निस्तु मेत नि, बाकीन दिसरी जाती वावा आखा मंडव्या बी तिंदरो धन्यवाद कोरतेला छे.

रोमी 5:8

बाकीन परमेश्वर आमरेपोर आपना मोंगोन भोलाई इना रितीसी प्रगट कोरतेलू कि जेतार आमु पापीत होता तेत्यार मसिह आमरेन कोरीन मोऱ्यु.

2 कुरीन्थियो 4:12

इना रितीसी मोरोन ते मोरने वावा डीलोमा बी ओसोर मेकतलो छे एने जीवन तुमरे पोर.

इफिसीयो 5:2

एने मोंगोमा चालू जोसू मसिह तुमरे पोर मोंग कोरलु, एने आमरेन कोरता खुदो काजे सुख आपने वावो सुगंधोन कोरता परमेश्वरोन ओगोव भेट चोळावीन बलिदान कोर देदू.

इफिसीयो 5:25

हे माणसो आपनी-आपनी लाडी पोर मोंग कोरु जोसू मसिह बी मंडवी पोर मोंग कोरीन खुदो काजे तेरोन कोरता आप देदू

फिलिप्पि 2:17

अगर मेसे काजे तुमरो भुरसान बलिदान एने सेवा साते मारो लुय बी वोयाळनो पोळे ते बी मे खुशीमा छे एने तुमरे आखान साते खुशी कोरो.

फिलिप्पि 2:30

काहाकि चू मसिहन कामोन कोरता तेरा जीवो काजे तोकलीत झेलीन मोरनोन साते आव लागलु होतु काहाकि जी कोमी तुमरेनचा गोथी मारी सेवामा होयली तिनीक पुरो कोरे.

1 थिस्सलुनीकियो 2:8

एने तोसाच आमु तुमरी लालच कोरता जायीन, निस्ता परमेश्वरोन ओतरा नि बाकीन वारली खोबर पोर बी आपनु-आपनु जीव तुमुक आपनेन कोरता तीयार होता, इनान कोरता कि तुमु आमरा गोवता होय गोयलु होता.

तीतुस 2:13

एने इनी सोयावा आसोन मतलब आपना मोटला परमेश्वर एने छुटकारू आपने वावु येसु मसिहन महिमा प्रगट होयनेन वाट जुवता रोयू.

1 पतरस 1:18

काहाकि तुमु जानतला छे कि तुमरा वायबार चाल चोलन जी बाप दादो से चाल रोयी, तीनासी तुमरु छुटकारू चांदी सोनो ओगर नाशवान वस्तून चुरी नि होये.

1 पतरस 2:24

चू खुद आपना पापो काजे, आपनी डील पोर लीन ख्रुस पोर चोळ गोयू, जेरेसी आमु पापोन कोरता मोरीन धारमिकतान कोरता जीवन जीवसु, तेरे मार खाणेसी तुमु वारला होया.

1 पतरस 3:18

एरेन कोरता मसिह भी, मतलब अधोरमीन कोरता धोरमी, पापोन वजेसी एक कावा दुख झेललु तेत्यार आमु काजे परमेश्वरोनचा पुगाळे, चू डीलोन भाव से ती माराव देदा, बाकीन आत्मान भावमा जीवतु होय जासे.

1 योहान 2:6

जो कुदू यो कोयतेलु छे कि मे हिनामा बोनीन रोयतलु, हिनाक जुवे कि आपु बी होसात चाले जोसू होयू चाले.

1 योहान 2:9

जो कुदू यो कोयतलो कि मे विजावामा छे एने आपना भाश पूठी बुराई राखतलु छे, होयू हांजू तोक आंदारामा छे.

प्रकाशित वाक्य 1:5

एने येसु मसिह जुव गोथो जू भुरसान योग्य गोवा एने मोरलामा गोथू जीव उठने वावामा पेहेलुत एने धोरतीन राजान हाकिम छे, तुमुक अनुग्रह एने शांती जोळती रोये. चू आमरे पुठी मोंग कोरतेलू, एने चू आपना लुयोन लारे पापोसी छुळावतलो छे,

प्रकाशित वाक्य 5:9

चे यो नोवलो गीत गावणे बाज गोया, “तू इना किताब काजे लेणे, एने तेरा छापा काजे उगाळनेन लायक छे; काहाकि तू जीव आपीन तारा लुयसी होर एक जाती एने भाषान एने माणसे एने जात्यामा गोथू परमेश्वरोन कोरता माणसो काजे मुले ली लेदलु छे,