1 योहान 3:14 - बारेली पावरी

¹⁴ आमु उवेखतला कि आमु मोरनेमा गोथा निकवीन जीवनोमा पुग रोया; काहाकि आमु भाशोसी मोंग कोरतेला छे जू मोंग नी कोरतेलू चू मोरनेन दशामा रोयतलु.

1 योहान 3:14 ပူးပေါင်းရင်းမြစ်များ

मत्ती 25:40

तेत्यार राजा तीनुक जोवाब आपसे, “मे तुमु काजे छाचलीन कोय कि, तुमु जे मारा नानामा नाना भाशोमा गोथा काहना एका साते कोऱ्या चो मारे साते कोऱ्या.”

लुका 15:24

काहाकि मारू यु पुऱ्यु मोर गोयलु होतु, पोछु जीव गोयलु छे, खुवाय गोयलु होतु, हिमी जोळ गोयलु छे एने चे खुशी कोरणे बाज गोया.

लुका 15:32

बाकीन हीमी खुशी कोरणे एने मुजा कोरनु जुवे काहाकि यु तारू भाश मोर गोयलु होतु, पोछु जीवतु होय गोयू; खुवाय गोयलु होतु, हिमी जोळ गोयलु छे.

लुका 7:5

काहा चू आमरी जाती पोर मोंग कोरतेलु छे, एने चू आमरा प्रार्थना घोर काजे बोनावलू छे.

योहान 13:35

ओगर आपोसमा मोंग कोरसू, ती इनासी आखा सोमजी जासू कि तुमु मारा चेला छे.

योहान 15:12

“मारी आग्या जी छे, कि जोसू मे तुमरे पोर मोंग कोऱ्यु, तोसोच तुमु बी एक दिसरा पोर मोंग कोरु.”

योहान 15:17

इनी वातोन आग्या मे तुमुक इनान कोरता आपो कि तुमु एक दिसरा पोर मोंग कोरे.

योहान 5:24

मे तुमु काजे छाचलीन-छाचलीन कोयो, यु मारू बुल सोमवीन मारा मुकलने वावा पोर भुरसू कोरतेलू छे, ओमोर जीवन तेरोत छे; एने तिना पोर दोंडोन आग्या नि होयतेली बाकीन चू मोरनेमा गोथू पार होयीन जीवनमा भोराय गोयलु छे.

2 कुरीन्थियो 5:1

काहाकि आमु काजे मालूम छे कि जेतार आपनो धोरती पोर मोंडप सारखो घोर पाळाय जासे ती आपनुक परमेश्वर तोरोफसी सोरगोमा एक ओसो घोर जोळसे जो हाते कोरीन बोनावलो घोर नी होय बाकीन ओमोरकाईन छे.

गलातियों 5:22

बाकीन आत्मान फोव, मोंग, खुशी, शांती, धीर, दया, भोलाई, भुरसू.

इफिसीयो 1:15

इना रितीसी, मे बी तीना भुरसान जो तुमु माणसोमा प्रभू येसु पोर छे एने आखा चुखला माणसोन कोरता मोंगोन वारली खोबर सोमवीन.

इफिसीयो 2:1

चू तुमु काजे बी जीवाळ्यु, जे आपना गुणा एने पापोन कोरता मोरला होता.

इफिसीयो 2:5

जेतार आपनु गुणान वजेसी मोरला होता ती आपनुक मसिह साते जीवाळ्यु (मोंगसी तुमरो छुटकारू होयलो छे).

कुलुस्सि 1:4

काहाकि आमु सोमवला कि मसिह येसु पोर तुमरू भुरसू छे एने आखा चुखला भाशोसी मोंग राखतला छे,

1 थिस्सलुनीकियो 4:9

बाकीन भाय-भोलायीन मोंगोन बारामा जो, गोरोजोन नि कि मे तुमरे साते काय लिखो, काहाकि आपनेमा मोंग कोरनेन तुमु खुद परमेश्वरोनचा गोथा भोनला छे;

इब्रानियो 13:1

भाशो भाशोन मोंग बोनलो रोये.

1 पतरस 1:22

आखरीमा जेतार तुमु वारला विचार एने मोनमा दोगो नि होय मोंगोन निमित्त खोरो माणसोसी आपना मोनो काजे चुखा कोरला छे, ती तन मन लागाळीन एक भाश्योसी लोके मोंग राखू.

1 पतरस 3:8

आखरी, आखा एक मोन एने दयामय एने भाशो पोर मोंग कोरणे वावु, एने दयावान एने नम्र बोनु,

2 पतरस 1:7

भोक्ती पोर भाईचारान मोंग एने भाईचारान मोंग पोर मोंग बढावता जावू.

1 योहान 2:3

जर कोदि आमु हेरी आग्या काजे मानसु, ती इनुक आमु जान लेसू कि आमु हिनाक जान गोयलु छे.

1 योहान 3:23

तेरी आग्या जी छे कि आमु तेरा पुऱ्या येसु मसिहन नावो पोर भुरसू कोरजे एने जोसो चू आमुक आग्या आपलु छे तिनान लारे तीनामा मोंग राखे

1 योहान 4:12

बाकीन परमेश्वर काजे, कोबी कुदू नि देख्यो अगर आमु आपनेन इचमा मोंग कोरती, ती परमेश्वर आपनेमा रोयतलु एने तेरो मोंग आमरेमा सिद्ध होय गोयलो छे.

1 योहान 5:13

मे तुमुक, जू परमेश्वरोन पुऱ्यान नाव पोर भुरसू कोरतेला, एरेन कोरता लिखलो छे कि तुमु जान जावू ओमोर जीवाय तुमरी छे.

1 योहान 5:2

जेतार आमु परमेश्वर पोर मोंग कोरतेला छे एने तेरी आग्या काजे पावतेला छे, ती तीना जुव गोथो आमु जानतला छे कि आमु परमेश्वरोन पुऱ्या पोर मोंग कोरतेला.