1 योहान 2:8 - बारेली पावरी

⁸ ते बी मे तुमुक नोवीन आग्या लिखो, एने यो तीनामा एने तारेमा खोरली ठेरायली छे; काहाकि आंदारलो मिटायतू जातलु छे, एने खोरलान विजावो हिमी चोमोकने लागलो छे.

1 योहान 2:8 ပူးပေါင်းရင်းမြစ်များ

मत्ती 4:16

जे माणसे आंदारलामा बोसला होता, चे घोनो मोटो विजावो देख्या; एने जे मोरोनोन भाग एने साहवामा बोठला होता, तिंदरे पोर विजावो चोमक्यो.”

लुका 1:79

कि आंदारान एने मोतोन सहावामा बोसने वावा काजे विजावो आपे, एने आमरा पायो काजे शांतीन वाटे सुदा चालाळे,

योहान 1:9

खोरलो विजावो जो हर एक माणसोक विजावो आपतेलो छे, जोगोमा आवने वावु होतु.

योहान 12:35

येसु तीनु काजे कोयू, “विजावो हिमी थुलिक वार तोक तुमरेमा छे जेतार तोक विजावो तुमरे पुठी छे तेत्यार तोक चालता रोयू, ओसो नि होये कि आंदारो तुमुक आवीन घेर लेये; यु आंदाराम चालतलु चू नि जानतलु कि कांखुर जाणे बाज रोयू.

योहान 12:46

मी जोगोमा विजावो बोनीन आव रोयू, काहाकि जू कुदु मार पोर भुरसू कोरे चू आंदारामा नि रोये.

योहान 13:34

मे तुमु काजे एक नोवली आग्या आपो कि एक दिसरा पोर मोंग कोरु; जोसू मे तुमरे पोर कोरतेलू, तोसोच तुमु बी एक दिसरा पोर मोंग कोरु.

योहान 8:12

येसु ओवी माणसो काजे कोयू “जोगोन विजावो मे छे; जू मार पोछोव आवसे चू आंदाराम नि चाले, बाकीन जीवनोन विजावो जोळसे.”

प्रेषित 17:30

इनान कोरता परमेश्वर आग्यान टेमोमा ध्यान नि लागाळतलु बाकीन हिमी आखा जागा पोर आखा माणसो काजे मोन फिरावनेन आग्या आपलु छे जीनामा चू तिना माणसोन लारे जोगोन नियाव कोरिस जीनान कोरता तिंदरू ठेरावलु छे एने तीना काजे मोरलामा गोथू जीवाळीन जी वात आखापोर मालूम कोर देदलु छे.

प्रेषित 26:18

कि तू तिंदरा डूवा उगाळे इनान कोरता कि चे आंदारामा गोथा विजावामा भुतडान राजम गोथा परमेश्वरोन राजमा आवे, जीनासी चे पापोन माफी एने तीनु माणसो साते होक ली लेये जू मारे पोर भुरसू कोरनेन लारे चुखला होयला छे.

रोमी 13:12

रात लोकेत होय गोयली छे, एने दाहळू निकवनेत वावू छे; इनान कोरता आपनु आंदारलान कामो काजे छुळीन विजावान हत्यार बांध लेवू.

2 कुरीन्थियो 8:9

तुमुक आपना प्रभू येसु मसिहन दया मालूम छे कि चू धोनवान होयीन बी तुमरेन कोरता गोरीब बोन गोयू, काहाकि तेरे गोरीब होयनेसी तुमु धोनवान बोन जावू.

इफिसीयो 5:8

काहाकि तुमु ते पेहेले आंदारलामा होता बाकीन हिमी प्रभूमा विजावो छे आखरी विजावान पुऱ्या सारखा चालू.

2 तीमथी 1:10

बाकीन हिमी छुटकारू कोरता मसिह येसुन प्रगट होयनेन बारामा विजावो जू मोतोन नाश कोरन्यू जीवन एने ओमोर काजे इना वारली खोबरोन बारामा विजावो कोर देदु.

1 पतरस 1:21

तेरे लारे तुमु तिना परमेश्वर पोर भुरसू कोरतेला छे, जीनाक मोरलामा गोथो जीवाळ्यो एने महिमा आप्यू कि तुमरु भुरसू एने आस परमेश्वर पोर होयसे.

1 योहान 3:23

तेरी आग्या जी छे कि आमु तेरा पुऱ्या येसु मसिहन नावो पोर भुरसू कोरजे एने जोसो चू आमुक आग्या आपलु छे तिनान लारे तीनामा मोंग राखे

1 योहान 4:11

हे मोंगावा, जेतार परमेश्वर आमरेपोर मोंग कोऱ्यु ती आमु काजे बी आपना एक दिसरान इचमा मोंग कोरणे जुवे.

1 योहान 4:21

तिना जुव गोथी आमुक जी आग्या जोडी, ती जो कुदू परमेश्वर पोर मोंग कोरतेलू चू आपना भाशो पोर बी मोंग कोरे.