1 योहान 2:3 - बारेली पावरी

³ जर कोदि आमु हेरी आग्या काजे मानसु, ती इनुक आमु जान लेसू कि आमु हिनाक जान गोयलु छे.

1 योहान 2:3 ပူးပေါင်းရင်းမြစ်များ

लुका 6:46

“जेतार तुमु मारो कोयनो नि माने ती काहा मेसेक, हे प्रभू, हे प्रभू, कोयतेला?

योहान 14:15

ओगर तुमु मारे पोर मोंग कोरे ती, मारा आग्या काजे मानजू.

योहान 15:10

कोदि तुमु मारी आग्या काजे मानसु, ती मारा मोंगोमा जुळायीन रोयसू; जोसु कि मे मारा बासोन आग्या काजे मानतलु छे, एने तेरा मोंगमा जुळायीन रोयलु छे.

योहान 15:14

जी आग्या मे तुमुक आपलु छे, ओगर तीनाक माने ती तुमु मारा दुस्तीदार छे.

योहान 17:3

एने ओमोर जीवन यो छे कि चे तुसेक एक धोळ्या खोरला परमेश्वर काजे येसु मसिह काजे, जीनाक तू मुकेललु छे, जाणे.

2 कुरीन्थियो 4:6

इनान कोरता कि परमेश्वरुत छे, जू कोऱ्यु, “आंदारलामा गोथो विजावो चोमके, एने चू मोनोमा चोमक्यू कि परमेश्वरोन महिमान उवखनोन दिवू येसु मसिहन मुयो पोर विजावो होये.”

इब्रानियो 5:9

चू पाकु बोनीन तेरी आग्यान पालन कोरने वावान कोरता ओमोर जीवनोन छुटकारान झोर बोन गोयू.

1 योहान 2:13

हे बास मी तुसे काजे इनान कोरीन लिखो कि जू पेहेलेन छे तू हिनाक जाणतो होय, ए जुवान्या मे तुमुक इनान कोरता लिखतोलु तुमु हीना भुतडा पर जीत हासील कोरला, ए पुऱ्या मी तुमु काजे इनान कोरता लिखलू छे कि बासो काजे जान गोयला छे.

1 योहान 3:14

आमु उवेखतला कि आमु मोरनेमा गोथा निकवीन जीवनोमा पुग रोया; काहाकि आमु भाशोसी मोंग कोरतेला छे जू मोंग नी कोरतेलू चू मोरनेन दशामा रोयतलु.

1 योहान 3:19

इनासी आमु जानसु कि आमु खोरलान छे, एने जिना वातोमा आमरे मोन आमुक गुणू आपसे तेरा बारामा, तेरे ओगोव आपना मोनो काजे हिंमत आप सोकसू;

1 योहान 3:6

जू कुदू तिंदरेमा बोनीन रोयतलु, चू पाप नी कोरतेलू, जू कुदू पाप कोरतेलू छे, चू ते नि ते तीनाक देखलु छे, एने तीनाक उवखतलु छे.

1 योहान 4:13

इनासी आमु उवेखतला कि आमु तेरेमा बोनला रोयतला, एने चू आमरेमा; काहाकि चू आपना आत्मामा गोथो आमुक आपलु छे.

1 योहान 4:7

हे मोंगावा, आमु एक दिसरासी मोंग कोरु; काहाकि मोंग परमेश्वर जुव गोथो छे जो कुदू मोंग कोरतेलु छे, चू परमेश्वर जुव गोथो पोयदा होयलु छे.

1 योहान 5:19

आमु जानतला कि आमु परमेश्वरोनचा गोथा से एने आखो जोग भुतडान वशमा छे.

1 योहान 5:2

जेतार आमु परमेश्वर पोर मोंग कोरतेला छे एने तेरी आग्या काजे पावतेला छे, ती तीना जुव गोथो आमु जानतला छे कि आमु परमेश्वरोन पुऱ्या पोर मोंग कोरतेला.

1 योहान 5:3

काहाकि परमेश्वर पोर मोंग कोरणे यो छे कि आमु तेरा आग्या काजे माने; एने तेरी आग्या कोठीन नि होय.

प्रकाशित वाक्य 12:17

तेत्यार अजगर बायरो पोर रीसवाय गोयू एने तेरी बाकी पुऱ्या पुठी जू परमेश्वरोन आग्या काजे मानतला एने येसुन गोवायी आपनेपोर स्थिर रोये,

प्रकाशित वाक्य 14:12

चुखला माणसोन धीर इनाम छे, जो परमेश्वरोन आग्याणु काजे मानतला एने येसु पोर भुरसू कोरतेला छे.

प्रकाशित वाक्य 22:14

“सोयावा चे छे, जे आपना छिंदरा धुवलेतला छे, काहाकि तीनुक जीवनोन झाडोनचा आवनेन होक जोळसे, एने फाटकोण गोथा आवीन गावमा भोरायसे.”