1 योहान 2:19 - बारेली पावरी

¹⁹ होया निकोवला ते आमरेमा गोथो छे, पुन आमरे मायला नि होता काहाकि जोर होया आमरे मायला होता, ती आमरे साते रोयता; पुन इनान कोरता निकवी गोया कि यो प्रकट होयो कि होया आखा आमरे मायला नि होय.

1 योहान 2:19 ပူးပေါင်းရင်းမြစ်များ

मत्ती 24:24

“काहाकि झुटा मसिह एने झुटा भविष्य कोरता उठीन उभरोय, एने मोटा निशाणी एने नेवलायीन काम देखाळसे, कि ओगर होय सोके ती नेवाळला माणसो काजे बी फोसाळ देसे.”

मरकुस 13:22

काहाकि झुटा मसिह एने झुटा भविष्य कोरता उठीन उबरोय से, एने चिन्हा एने चमत्कारी काम देखाळसे कि ओगर होय सोके ती नेवाळला काजे बी फोसाळ देसे.

लुका 8:13

चाफऱ्या पोरला चे छे कि जेतार सोमवतला, ती खुशीमा वचन काजे स्वीकार ते कोरतेला बाकीन मुवे नि धोरणेसी चे थुलिक वार तोक भुरसू कोरतेला एने पारखोन टेमे घाबराय जातला.

योहान 15:2

जी डाव मारेमा छे ची नी फोवतली, तिनीक चू काट नाखसे; एने जी फोवतली छे, तिनीक चू छाटतलु छे काहाकि ओवी फोवे.

योहान 4:14

बाकीन जू कुदु तिना पाणीमा गोथू पीसे जो मी तीनाक आपीस, ओवतेन चू ओमोरकाई तोक तीसलु नि रोये; बाकीन यो पाणी मे तीनाक आपीस, चू तीनामा एक झोर बोन जासे जो ओमोर जीवनोन कोरता उमळतो रोयसे.”

प्रेषित 15:24

जेतार आमु सोमव्या कि आमरे मायला काहनास आमरे आदेश बिगुर आमरी वातोसी तुमु काजे बिगाळ देदा, एने तुमरा मोनो काजे कोमजुर कोर देदला छे.

प्रेषित 20:30

तुमरेत इचमा मे बी ओसला-ओसला माणसे उठसे, जू चेला काजे आपने पोछोव हापकी लेणेन एने वाकडी-तिकडी वाते कोयसे.

रोमी 9:6

बाकीन यो नि कि परमेश्वरोन वचन टोव गोयो इनान कोरता कि जे इस्राईलोन पिढी छे चे आखा इस्राईली नी होय;.

1 कुरीन्थियो 11:19

काहाकि भेदभाव बी तुमरेमा जरूर होसे; इनान कोरता कि जे माणसे तुमरेमा खोरला छे चे देखनो जुवे.

2 तीमथी 2:10

इनान वोजेसी मे नेवाळला माणसोन कोरता आखो काय सोब देदलु छे, कि चे बी इना छुटकारू काजे मसिह येसुमा छे, ओमोर महिमा पुठी जोळे.

2 तीमथी 2:19

ते बी परमेश्वरोन पाकु पायु बोनतलु रोयतलु एने तीना पोर छापू लागलु रोयतलु “प्रभू आपनु काजे उवखतलु एने जो कुदू प्रभून नाव लेतलु चू अधोरमोन सी वाचीन रोये.”

2 तीमथी 3:9

पुन होया इंदरे गोथा ओगोव नि जाय सकतला, काहाकि जोसो इंदरी अग्यानता सोब माणसो पोर प्रगट होय गोयली होती होसी हिंदरी बी होय जासे.

इब्रानियो 10:39

बाकीन आमु छेटा होयने वावा नि होय कि आमु नाश होय जाय, बाकीन भुरसू कोरणे वावा छे कि जीव काजे वाचाळे.

2 योहान 1:7

काहाकि कहानला ओसा भनकावने वावा जोगोमा निकावी रोया, जे यो नि मानतला कि येसु मसिह डीलोमा होईन आयु; भनकावने वावु एने येसु मसिहक रुकने वावा जेच छे.

यहुदा 1:1

यहुदा भूनी गोथो जो येसु मसिहन दास एने याकुबोन भाश छे, तीनुक बुलावलान नावे जो परमेश्वरोन बासोमा मोंगावा एने येसु मसिहन कोरता वारला छे.

यहुदा 1:19

ये चे छे जे फुट पाळतला छे; जे डीलोवावा माणसे छे, जीनामा आत्मा नी होय.