1 योहान 2:17 - बारेली पावरी

¹⁷ जोग एने हिंदरी भुंडली मोर्जी दुयू नाश होय जातला छे पुन जू परमेश्वरोन मोर्जी पोर चालतलु छे, चू हमेशा बोनी रोयसे.

1 योहान 2:17 ပူးပေါင်းရင်းမြစ်များ

मत्ती 21:31

इना दुयोमा गोथू कून बासोन मोर्जी पुरी कोऱ्यु? चे कोया पेहेलू, येसु तीनु काजे कोयू मे तुमु काजे छाचलीन कोय कि फावू लेणे वावा एने वेश्या तुमरे गोथा पेहेले परमेश्वरोन राजमा जातला छे.

मत्ती 24:35

सोरग एने धोरती टोव जासे, बाकीन मारी वाते कोबी नी टोवे.

मत्ती 7:21

“जे मेसेक, हे प्रभू! हे प्रभू! कोयतेला तिंदरे माहीन होर एक जोन सोरगोन राजोमा नी जाय, बाकीन चेत जे मारा सोरगोन बासोन मोर्जी पोर चालतला,

मरकुस 3:35

काहाकि जू कुदू परमेश्वरोन मोर्जीसी चालतलु, चू मारू भाश एने बहोनिश एने आश छे.”

योहान 4:14

बाकीन जू कुदु तिना पाणीमा गोथू पीसे जो मी तीनाक आपीस, ओवतेन चू ओमोरकाई तोक तीसलु नि रोये; बाकीन यो पाणी मे तीनाक आपीस, चू तीनामा एक झोर बोन जासे जो ओमोर जीवनोन कोरता उमळतो रोयसे.”

योहान 6:58

जू रुटू सोरगे गोथू उतरलु छे, तिना रुटा सारखो नि जीनाक बाप दादा खादला एने मोर गोया; जू कुदु यु रुटू खासे, चू कायम जीवतलु रोयसे.

योहान 7:17

कोदि कुदू तेरी मोर्जी पोर चालनेन कोरे, ती चू इना सिकापोनोन बारामा जान लेसे कि यो परमेश्वर जुव गोथो छे कि मे मारे जुव गोथू कोरतेलू छे.

रोमी 12:2

इना संसारोन तोसा मा बोनु, बाकीन तुमरो मोन नोवला होयनेसी तुमरी चाल-चलन बी बोदेलतो जाय, जिनासी तुमु परमेश्वरोन वारली एने गोवणे वावो, एने पाकी मोर्जी अनुभव सी मालूम कोरता रोयू.

1 कुरीन्थियो 7:31

एने इना जोगोन साते व्यहवार कोरणे वावा ओसा जुवे, कि जोगोन नी होय; काहाकि इना जोगोन रिती एने व्यहवार बोदोलतलो जातलो छे.

कुलुस्सि 1:9

इनान कोरता जिने दाहळे गोथू यो सोमवलू छे, आमु बी तुमरेन कोरता जी प्रार्थना एने विनता कोरणे नि छुळ्या ती तुमु आखा आत्मिक ग्यान एने सोमोज साते परमेश्वरोन मोर्जीन उवखानमा पुरो होय जाय.

कुलुस्सि 4:12

इपफ्रास जे तुमरेमा गोथा छे एने मसिह येसुन दास छे, तुमुक नमस्कार कोये एने हमेशा प्रार्थनामा कोशिश कोरतेला छे, काहाकि तुमु पाका होयीन पुरा भुरसा साते परमेश्वरोन मोर्जी पोर पाका रोयू.

1 थिस्सलुनीकियो 4:3

काहाकि परमेश्वरोन मोर्जी जी छे, कि तुमु चुखला बोनु, मतलब व्यभिचारसी वाचीन रोयू.

1 थिस्सलुनीकियो 5:18

आखा वातोमा धन्यवाद कोरु; काहाकि तुमरेन कोरता मसिह येसुमा परमेश्वरोन जीत मोर्जी छे.

इब्रानियो 10:36

काहाकि तुमु काजे धीर धोरणो गोरोजोन छे, कि तुमु परमेश्वरोन मोर्जी पुरो कोरीन इनी वायदान फोव काजे ली लेय.

याकुब 4:14

एने यो नि जानतेला कि वाहने काय होयसे. सोमवी ते लेयु तुमरो जीवन छेत काय? तुमु ते धुवाळा सारखा से, जो थुलिक वार देखायतली ओवतेन गायब होय जातली छे.

1 पतरस 1:5

जिंदरी राखवावी परमेश्वरोन ताकतसी भुरसान लारे तीना छुटकारान कोरता, जू आवनेन टेमोमा प्रकट होयनेवाली छे, कोराय जातली छे.

1 पतरस 4:2

तेरेन कोरता भविष्यमा आपना रोयला डीलोन जीवन माणसोन भुंडली मोर्जीन अनसारे नि बाकीन परमेश्वरोन मोर्जीन अनसारे जीवे.