1 योहान 2:16 - बारेली पावरी

¹⁶ काहाकि जो काय जोगमा छे, यो कि डीलोन भुंडली मोर्जी एने डूवान लालच एने जीवनोन मोटाय होये बासोन भूनी गोथो नि पुन संसार भूनी गोथो छे.

1 योहान 2:16 ပူးပေါင်းရင်းမြစ်များ

मत्ती 4:8

ओवतेन भुतडू तीनाक घोना सोवटा उचला बोयळा पोर लीगोयू एने आखा जोगोन राज एने तेरो कला देखाळीन

मत्ती 5:28

बाकीन मे तुमु काजे यो कोय, कि जू कुदु बायर पोर भुंडली नोजोर नाखे चू आपना मोनोमा तिनी पुठी व्यभिचार कोर लेदू.

लुका 4:5

तेत्यार भुतडू तीनाक लीगोयू एने तीना काजे थुलिक वारमा जोगोन आखा राज देखाळ्यू,

रोमी 13:14

बाकीन प्रभू येसु मसिह काजे पेहेर लेवू, एने डीलोन मोर्जी काजे पुरो कोरनेन इलाज मा कोरु.

1 कुरीन्थियो 10:6

जे वाते आमरेन कोरता दाखलु ठेहेऱ्यु, कि जोसो चे लालच कोऱ्या, तोसा आपु भुंडा चीजोन लालच नी कोरजे.

गलातियों 5:17

काहाकि डील आत्मान खिलापमा एने आत्मा डीलोन खिलापमा मोर्जी कोरतेला जे एक दिसरान खिलाप छे, इनान कोरता कि तुमु जो कोरनेन कोरतेला चो नी कोर सोकतला.

गलातियों 5:24

एने जो मसिह येसुन छे, तिंदरा मोर्जी काजे एने भुंडली मोर्जी पुठी ख्रुस पोर चोळाय गोयला छे.

इफिसीयो 2:3

इनामा आमु बी आखान आखा पेहेले आपना डीलोन मोर्जीमा दाहळा जावाळता होता एने मोनोन मोर्जी पुरी कोरता होता एने दिसरा माणसो सारखो स्वभाव सी रीसोन पुऱ्या होता.

तीतुस 2:12

एने आमुक चेतावनी आपे कि आमुक अभक्ती एने संसारन भुंडली मोर्जीसी मन फिरावनीन इना जोगोमा संयम एने धर्म एने भक्तीसी जीवन जिवू.

तीतुस 3:3

काहाकि आमु बी पेहेले बिन ओकल्या, एने आग्या नि मानने वावा, एने शंकामा पोळला एने भाती-भातीन लालच एने सुखविलासन गुलामीमा होता, एने भेदभाव, एने रीस कोरनेमा जीवन जीवता होता, एने भुंडला होता एने एक दिसरा पुठी सिगी कोरता होता.

याकुब 3:15

यो ग्यान चो नि होय जो उपोर गोथो उतरतेलो छे, एने संसारोन, एने शरीरोन, एने भुतडान छे.

याकुब 4:16

बाकीन हिमी तुमु आपना मोटाय मारणे पोर घोमंड कोरतेला छे.

1 पतरस 1:14

आग्या पावने वावा पुऱ्यान ओगोव आपनी अग्यानता टेमोन जुनली लालचोन तोसा मा बोनु.

1 पतरस 2:11

हे मोंगावा, मी तुमु काजे विनता कोरो कि तुमु खुदो काजे दिसरा देसोन एने पाहांतऱ्या जानीन इना संसारोन लालूच गोथो जू आत्मामा लोळाय कोरतेली छे, वाचीन रोयू.

2 पतरस 2:10

विशेष कोरीन तीनु काजे यो खिलाप लालचोन पोछोव, डीलोन लारे चालतला एने ओसोर काजे विटोव मानतला चे ठीक एने हट्टी छे एने उचला पोदो वावा काजे भुंडला कोयनासी नि बिहीतेला.

2 पतरस 2:18

चे वायबार मोटायन वाते कोरीन लुचळान कामोन लारे, तिना माणसोन डीलोन भुंडली मोर्जी आपतला छे जे भोटकलामा गोथा हिमी निकवनेण बाजरोयला छे.