1 योहान 2:13 - बारेली पावरी

¹³ हे बास मी तुसे काजे इनान कोरीन लिखो कि जू पेहेलेन छे तू हिनाक जाणतो होय, ए जुवान्या मे तुमुक इनान कोरता लिखतोलु तुमु हीना भुतडा पर जीत हासील कोरला, ए पुऱ्या मी तुमु काजे इनान कोरता लिखलू छे कि बासो काजे जान गोयला छे.

1 योहान 2:13 ပူးပေါင်းရင်းမြစ်များ

मत्ती 11:27

“मारू बास मेसेक आखो काहीन सोप देदलु छे; एने कुदू बासो काजे नी उवखतलु, निस्तु; पुऱ्या काजे; एने चू जीना पोर पुऱ्यु तीनाक देखाळने हिंडे.”

मत्ती 13:19

जो कुदू राजोन वचन सोमवीन नी सोमजतेला, तिंदरा मोनोमा जो काय वेराय गोयलो होतो, तीनाक चू भुतडू आवीन हापकी ली जातलु छे यो चोत छे, जो वाटीन धोळे वेराय गोयलो होतो.”

मत्ती 13:38

खेत जोग छे, वारलो बीज राज्योन पुऱ्या, एने जंगली बीज भुतडान छे.

मत्ती 5:37

बाकीन तूमरी वात “होव कि होव, कि नि कि नि होये काहाकि जो काहीन इनासी जादा रोयतलो छे चू बुराईसी रोयतलु छे.”

लुका 10:22

मारू बास मेसेक आखो काहीन आप देदलु छे; एने कुदु नि जानतलो कि पुऱ्यु कुन छे निस्तू बास, एने बास कुन छे ज्योबी कुदू नी जानतला निसतो पुऱ्यान तोरोफसी चू जीना पोर पुऱ्यु तीनाक प्रकट कोरतेलू.

योहान 14:7

ओगर तुमु मेसेक उवखी लेता, ती मारा बासो काजे बी उवखी लेता; एने हिमी तीनाक उवखी रोया, एने तीनाक देखला बी छे.”

योहान 14:9

येसु तिना काजे कोयू, “हे फिलीप, मे ओतरा दाहळासी तुमरे साते छे, एने काय तू मेसेक नि उवेखतू? जू मेसेक देखलू छे चू बासो काजे देखलू छे. तू काहा कोये कि बासो काजे मेसेक देखाळ?

योहान 16:3

ओसो चे इनान कोरता कोरसे कि चे नी बासो काजे जानतला, एने नि मेसेक जानतला छे.

योहान 16:33

मे जे वाते तुमु काजे इनान कोरता कोयलु छे कि तुमुक मारेमा शांती जोळे जोगोमा तुमुक दुख होयतलो छे, बाकीन हिंमत धरु, मे जोगो काजे जीक लेदलु छे.

योहान 17:21

कि चे आखा एक होये; जोसू तू छे बास मारेमा छे, एने मे तारेमा छे, तोसाच चे बी आमरेमा होये, जीनामा जोग भुरसू कोरे कि तूच मेसेक मुकेललु छे.”

योहान 17:3

एने ओमोर जीवन यो छे कि चे तुसेक एक धोळ्या खोरला परमेश्वर काजे येसु मसिह काजे, जीनाक तू मुकेललु छे, जाणे.

योहान 8:19

चे तीना काजे कोया, “तार बास कां छे?” येसु जोवाब आप्यू, “नि तुमु मेसेक उवखतला, नि मारा बासो काजे, ओगर मेसेक उवखता ती मारा बासो काजे बी उवखता.”

2 कुरीन्थियो 4:6

इनान कोरता कि परमेश्वरुत छे, जू कोऱ्यु, “आंदारलामा गोथो विजावो चोमके, एने चू मोनोमा चोमक्यू कि परमेश्वरोन महिमान उवखनोन दिवू येसु मसिहन मुयो पोर विजावो होये.”

1 तीमथी 5:1

काहना डाहला काजे मा लोळे, पुन हिनाक बास जानीन सोमवाळ दे एने जुवान्या काजे भाश जानीन;

तीतुस 2:6

ओसुत जुवान्या माणसो काजे बी सोमजाड्या कर कि हदमा रोयू.

1 योहान 1:1

तिना जीवनोन वचनोन बारामा मे जू पेहेले गोथू होतु, जीनाक आमु सोमव्या, एने जीनाक आपने डूवे सी देख्या, एने आमु ध्यान दिन देख्या एने हाते कोरीन छिम्या.

1 योहान 2:1

हे मारा पुऱ्या मे यी वात तुमुक इनान कोरता लिखलो छे कि तुमु पाप नि कोरु; एने जर कुदु पाप कोरे, ती बासो पुठी आमरू एक मदतगार छे, मतलब धोरमी येसु मसिह;.

1 योहान 2:12

ए पुऱ्या मी तुसेक इनान कोरीन लिखतलु छे कि येसुन नावोसी तूमरा पाप माफ होयला छे.

1 योहान 2:14

हे बास मे तुमुक इनान कोरता लिखलू छे कि जो पेहेलेन छे तू हिनाक जान गोयलु छे, ए जुवान्या मे तुमुक इनान कोरता लिखलू छे कि तुमु बोलवान छे, एने परमेश्वरोन वचन तुमरेमा बोनलू रोयतलु छे, एने तू हीना भुतडा पोर जीत कोरलु छे.

1 योहान 3:12

एने केनोन सारखो मा बोलू जू तिना पापोसी होतु, एने जू आपना भाशो काजे मार देदलु इनान कोरता कि तेरा कामे भुंडला होता, एने तेरा भाशोन काम धोरमीन होता.

1 योहान 4:4

हे पुऱ्या, तुमु परमेश्वरोन छे, एने तुमु तीना पोर जीत गोयला छे; काहाकि जो तुमरेमा छे चू तेरेमा जो जोगोमा छे मोटलु छे.

1 योहान 5:18

आपनु जानजे कि जो काय परमेश्वर सी बोनलो छे, चू पाप नि कोरतेलु; बाकीन जो कुदू परमेश्वर सी बोनलो से तीनाक चू वाचाळीन राकतेलु; एने चू भुतडू तीनाक छिम नि सोके.

1 योहान 5:20

एने यो बी जाणेजे, परमेश्वरोन पुऱ्यु आव रोयू एने चू आमुक सोमज आपलु छे, हिमी तिनी खोराइ काजे जानजे, एने आमु तीना माइली जी खोराइ छे, मतलब परमेश्वरोन पुऱ्यु येसु मसिहमा रोयतला. खोरलू परमेश्वर ओमोरकाईन जीवाय यित छे.

प्रकाशित वाक्य 12:11

चे गाडरान लुयोन वोजेसी एने आपना गोवायीन वचनोन वोजेसी तिना पोर जयवंत होया, एने चे आपना जीवो काजे मोंगावू नी जाण्या, या तोक कि मोरोन बी सोहोनेन कोर लेदा.

प्रकाशित वाक्य 2:7

जेरा कानटा होसे चू सोमवी लेये कि आत्मा मंडव्या काजे काय कोये, जो जय हासील कोरे, मे तीनु काजे तिना जीवनोन झाडोमा गोथू जो परमेश्वरोन सोरगो लोकमा छे, फोव खाणेन कोरीन आपीस.