1 योहान 2:11 - बारेली पावरी

¹¹ पुन जो कुदु आपना भाश पुठी बुराई कोरतेलू छे चू आंदारामा छे एने आंदारलामा चालतलु छे, एने नि जानतलु कि का जाने छे, काहाकि आंदारो हेरा डूवा काजे आंदवो कोर देदलो छे.

1 योहान 2:11 ပူးပေါင်းရင်းမြစ်များ

योहान 12:35

येसु तीनु काजे कोयू, “विजावो हिमी थुलिक वार तोक तुमरेमा छे जेतार तोक विजावो तुमरे पुठी छे तेत्यार तोक चालता रोयू, ओसो नि होये कि आंदारो तुमुक आवीन घेर लेये; यु आंदाराम चालतलु चू नि जानतलु कि कांखुर जाणे बाज रोयू.

योहान 12:40

“चू तिंदरा डूवा आंदवा एने तिंदरा मोने काठला कोर देदलु छे; कोबी ओसो नि होये कि डूवे कोरीन देखसे, एने मोनोसी समजे, एने फिरे एने मे तीनुक वारु कोरिस.”

2 कुरीन्थियो 3:14

बाकीन चू मतीमंद होय गोयू काहाकि आज तोक जुनलु नियम भोननेन टेमे तिंदरा मोनोमा चू पोडदु मेकाय रोयतलु बाकीन चे मसिहमा उठ जातला छे.

2 कुरीन्थियो 4:4

एने तीनु अविस्वासन कोरता जिंदरी बुद्धी इना संसारोन भोगवान आंदवी कोर देदलु छे, काहाकि मसिह जू परमेश्वरोन प्रतिरूप छे, तेरे विजावान वारली खोबरोन विजावो तीनु पोर चोमके.

तीतुस 3:3

काहाकि आमु बी पेहेले बिन ओकल्या, एने आग्या नि मानने वावा, एने शंकामा पोळला एने भाती-भातीन लालच एने सुखविलासन गुलामीमा होता, एने भेदभाव, एने रीस कोरनेमा जीवन जीवता होता, एने भुंडला होता एने एक दिसरा पुठी सिगी कोरता होता.

2 पतरस 1:9

काहाकि जेरेमा ये वाते नि होय, चू आंदवू छे एने धुंदवोस देखतलु, एने आपना पेहेला पापो काजे धुवीन चुखलो होयनेन कोरता विसरी गोयू.

1 योहान 1:6

कोदि आमु कोयजे कि तेरी पुठी आमरी भागीदारी छे एने ओवी आंदारलामा चाले, ती आमु झुटा छे एने खोरला पोर नि चालतला.

1 योहान 2:10

जो कुदू आपना भाश पोर मोंग कोरतेला छे चू विजावामा रोयतलु, एने ठूकर नि खाय सोकतलु.

1 योहान 2:9

जो कुदू यो कोयतलो कि मे विजावामा छे एने आपना भाश पूठी बुराई राखतलु छे, होयू हांजू तोक आंदारामा छे.

1 योहान 3:15

जू कुदू आपना भाशो पुठी दुष्मोनी कोरतेलू, चू हत्यारु छे, एने तुमु जानतेला छे कि काहना हत्यारमा ओमोर जीवन नी रोयतलु.

1 योहान 4:20

कोबी कुदू कोये, “मे परमेश्वर पोर मोंग कोरतेलू छे,” एने आपना भाशो पोर दुष्मोनी राखतला कि चू झुटू छे, काहाकि चू आपना भाश पुठी जिनाक चू देखलू छे मोंग नि कोरतेलू, ती चू परमेश्वर पोर बी जीनाक चू नि देख्यू नि कोर सोकतलु.

प्रकाशित वाक्य 3:17

तू कोये कि मे मालदार छे एने धोनवान होय गोयलु छे, मेसेक कानला चीजोन कोमी नी होय; एने यो नी जानतू कि तू अभागा एने वीटवलु गोरीब एने आंदवू एने उगाळलु छे.