1 योहान 2:10 - बारेली पावरी

¹⁰ जो कुदू आपना भाश पोर मोंग कोरतेला छे चू विजावामा रोयतलु, एने ठूकर नि खाय सोकतलु.

1 योहान 2:10 ပူးပေါင်းရင်းမြစ်များ

मत्ती 13:21

बाकीन आपनेमा मुवा नी राखनेण वोजेसी चो इतराक दाहळान छे, एने जेतार वचनोन वोजेसी दुख एने सोंकोट होयतेलो छे, ती तेत्यारुत ठूकर खातला छे.

मत्ती 18:7

ठूकरोन वोजेसी जोगो पोर हाय ठूकरोन लागनो जोरुरी छे; बाकीन हाय तिना माणसो पोर जिंदरे लारे ठूकर लागतेली छे.

योहान 11:9

येसु जोवाब आप्यू, “काय दाहळान बारा घोंटा नि होयतला? ओगर कुदू दिसू चाले ती झोटवाये नी, काहाकि इना जोगोन विजावो देखलू छे.

योहान 12:35

येसु तीनु काजे कोयू, “विजावो हिमी थुलिक वार तोक तुमरेमा छे जेतार तोक विजावो तुमरे पुठी छे तेत्यार तोक चालता रोयू, ओसो नि होये कि आंदारो तुमुक आवीन घेर लेये; यु आंदाराम चालतलु चू नि जानतलु कि कांखुर जाणे बाज रोयू.

योहान 8:31

तेत्यार येसु तीनु यहुदिनुक जे येसु पोर भुरसू कोरता होता, कोयू, ओगर तुमु मारा वचन पोर टेकिन रोयसे, ती छाचलीन मारा चेला ठेरायसु.

रोमी 14:13

आखरी ओगा आमु एक दिसरा पोर गुणू नि लागाळजे, पुन तुमु जो पाको मानतेला कि आपना भाशोन सामने दुख नीती ठूकर खाणेन वोजा होये.

फिलिप्पि 1:10

न्या तोक कि तुमु वारलासी वारला वातो काजे वारलो सोमजू, एने मसिहन दाहळा तोक खोरला बोनीन रोयू.

2 पतरस 1:10

एरेन कोरता हे भाशो, आपनुक बुलाय जाणे, एने नेवाळाय जानेन सिद्ध करणेन वारला रितीन कोशिश कोरता जावू, काहाकि कोबी ओसो कोरसु ती कोबी बी ठूकर नि खाये.

1 योहान 2:11

पुन जो कुदु आपना भाश पुठी बुराई कोरतेलू छे चू आंदारामा छे एने आंदारलामा चालतलु छे, एने नि जानतलु कि का जाने छे, काहाकि आंदारो हेरा डूवा काजे आंदवो कोर देदलो छे.

1 योहान 3:14

आमु उवेखतला कि आमु मोरनेमा गोथा निकवीन जीवनोमा पुग रोया; काहाकि आमु भाशोसी मोंग कोरतेला छे जू मोंग नी कोरतेलू चू मोरनेन दशामा रोयतलु.