1 कुरीन्थियो 9:5 - बारेली पावरी

⁵ काय आमुक यु होक नी होय, कि काहणी मसिही बहोनिश साते वियाव कोरीन तिनीक लीन फिरे, जोसो दिसरा प्रेषितोन एने प्रभून भाशे एने कैफा कोरतेला छे?

1 कुरीन्थियो 9:5 ပူးပေါင်းရင်းမြစ်များ

मत्ती 13:55

काय यु सुतारोन पुऱ्यु नी होय? एने काय एरी आयान नाव मरीयम एने एरा भाशोन नावे याकुब, युसूफ, शिमोन एने यहुदा नी होय?

मत्ती 8:14

एने येसु जेतार पतरसोन घोर आव्यु, ती येसु पतरसोन सासू काजे सेरी मा पोळ रोयली देख्यू,

मरकुस 1:30

शिमोनोन सासू काजे सेरी चोळ रोयलो होतो, एने चे मामार तेरे बारामा तीना काजे कोया.

मरकुस 6:3

काय जी ची सुतार नी होय, जू मरीयमन पुऱ्यु, एने याकुब, एने योसेस, एने यहुदा, एने शिमोनोन भाश छे? एने काय तेरा बहोनिशानचा आमरे साते नि रोयतेला? “इनान कोरता चे तेरा बारामा ठूकर खादा.”

लुका 6:15

एने मत्ती, एने थोमा, एने हलफईन पुऱ्यु याकुब, एने शिमोन जु जीलोत कोवायतू होतु,

लुका 8:20

तीनाक कोया, “तारी आया एने तारा भाश बारथे उबरोय रोया तुसेक भेटने कोर रोया.”

योहान 1:42

चू तीनुक येसुनचा लाव्यू येसु तेरे भूनी भावीन कोयू, “तू योहानोन पुऱ्यु शिमोन छे तू कैफा मतलब पतरस कोवायीस.”

योहान 2:12

एरेन ओवतेन चू एने तेरी आया एने तेरा भाशे एने तेरा चेला कफर्णहुम काजे गोया एने चा थुलाक दाहळा रोया.

प्रेषित 1:14

ये आखा, घोणा सोवटा बायरा, एने येसुन आया मरीया, एने तेरा भाशो साते एक मोन लागाळीन प्रार्थना कोरता होता.

रोमी 16:1

मे तुमु काजे फीबेन कोरता जी आमरी बहोनिश छे एने किंख्रियान मंडवीन सेविका छे, विनता कोरो.

1 कुरीन्थियो 1:12

मारो कोयनेन मतलब यो छे कि तुमु तुमरेमा गोथो कुदू ते आपना खुदो काजे पौलुसोन, कुदु अपुल्लोस, कुदु, कैफान, ते कुदू, मसिहन कोयतेला छे.

1 कुरीन्थियो 7:15

बाकीन जू ओदमी भुरसू नी राखतलु, कोदि चू ओलोग होये ती ओलोग होयने देवू, ओसली हालोतमा कुदू भाश नीती बहोनिश बंधनमा नी होय. परमेश्वर आमु काजे हिव मेवीन कोरता बुलावलो छे.

1 कुरीन्थियो 7:39

जेतार तोक दिसरी बायरोन घरवावू जीवतलु छे, तेत्यार तोक चू हिंदरु बोंदी होयलु छे; बाकीन कोबी तेरु घरवावू मोर जाय ती जेरेसी जुवे तेरेसी वियाव कोर सोकतली छे, बाकीन निस्तु प्रभूमा.

1 कुरीन्थियो 7:7

मेसेक यो जुवे कि जोसू मे छे, तोसाच आखा माणसे रोये; बाकीन होर एक काजे परमेश्वरोनचा गोथो खास वरदान जोळला छे; काहना काजे कानला रितीन, एने कानला काजे काहना एने रितीन.

1 कुरीन्थियो 7:8

बाकीन मे बिना वियाव वावा एने रोंडायलान बारामा कोयो कि हिंदरेन कोरीन ओसलोत रोयनो वारलो छे, जोसू मे छे.

गलातियों 1:19

बाकीन प्रभू येसुन भाश याकुब काजे छुळीन एने प्रेषितमा गोथा कुदा काजे नी जोळ्यो.

1 तीमथी 3:2

यो महत्वान छे कि पुढारी निरदोष होय, एने एकुत बायरोन आदमी, धीर धोरन्यू, घाटावू, वारलु पाहांतराय कोरने वावू, एने सिकाळनेमा हुशार होसे,

1 तीमथी 4:3

जू वियाव कोरनेसी रुकसे, एने खाणेन दिसरा चीजे अलग रोयनेन आग्या आपसे, जीनुक परमेश्वर इनान कोरता सजाड्यू कि एने खोरला पारखन्या काजे धन्यवादन साते खासे.

1 तीमथी 5:2

डाहली बायर काजे आश जानीन; एने जूवानाय बायर काजे आखी चुखलायसी बहोनिश जानीन सोमवाळ दे.

तीतुस 1:6

जे निरदोष एने ओवी एकुत लाडीन आदमी होय, जिंदरा पुऱ्या विश्वासी होसे तिंदरेमा लुचळाय एने मतलबी गुणू नि रोयनो जुवे.

इब्रानियो 13:4

वियाव आखामा आदरोन वात सोमजनु जुवे, वियाव-आथरून निरदोष रोये, काहाकि परमेश्वर व्यभिचार कोरणे वावान एने दिसरा बायरा साते ओसो कोरणे वावान नियाव कोरसे.