1 कुरीन्थियो 6:1 - बारेली पावरी

¹ काय तुमरेमा गोथो कुदा काजे जी हिंमत छे कि जेतार दिसरा साते झोगळू होये ती नियावोन कोरता अधोरमीनचा जाय एने चुखला माणसोनचा नि जाय?

1 कुरीन्थियो 6:1 ပူးပေါင်းရင်းမြစ်များ

मत्ती 5:45

जीनासी तुमु आपना सोरग मायला बासोन पुऱ्या ठेरायसु काहाकि चू वारलो एने भुंडला दुयू पोर आपनु दाहळू उगाळतलु छे, एने धोरमी एने अधोरमी दुयू पोर पाणी पाळतेलू छे.

प्रेषित 19:38

ओगर दिमेत्रियुस एने हेरा साते कारागीरो साते कुदासी वाद विवाद होय ती कोचरी उगाळली छे एने सुभेदार बी छे; चे एक दिसरा पोर गुणू लागाळे.

1 कुरीन्थियो 1:2

परमेश्वरोन तिना मंडव्यान नावे यो कुरिन्थमा छे, मतलब तिंदरा नावे ये मसिह येसुमा पवित्र कोराय गोया, एने पवित्र होयनेन कोरता बुलवाय गोयलो छे; एने हिंदरा आखान नाव बी जे होर एक जागे आमरा एने प्रभू येसु मसिहन नावोसी प्रार्थना कोरतेला छे.

1 कुरीन्थियो 14:33

काहाकि परमेश्वर गळबळवावू नी होय, बाकीन शांतीन परमेश्वर छे जोसा चुखला माणसोन आखा मंडव्या छे.

1 कुरीन्थियो 16:1

हिमी तिना दानोन बारामा जो चुखला माणसोन कोरता कोरतेला जोसी आग्या मे गलातिन मंडवी काजे आप्यू, तोसात तुमु बी कोरु.

1 कुरीन्थियो 16:15

हे भाशो, तुमु स्तेफनोन घोराना काजे जानतला छे कि अखायान पेहेलो फोव छे, एने चुखला माणसोन सेवान कोरता तीयार रोयतला छे.

1 कुरीन्थियो 5:12

काहाकि मेसेक बारथे वावा मंडवीन नियाव कोरणेसी काय काम? काय तुमु माहिय वावान नियाव नी कोरतेला?

1 कुरीन्थियो 6:5

मे तुमुक लाजवाळनेन कोरता यो कोयो. छाचलीन तुमरेमा एक बी दिमाक वावू नी जोळतू, जू आपना भाशोन फेसलू कोर सोके?