9 मे आपना चिट्ठीमा तुमुक लिखलू छे कि व्यभिचार वावान संगती मा कोरु.
यो नि कि तुमु निस्ता इना जोगोन व्यभिचारोन नीती लोभी नीती जुलूम कोरणे वावा, नीती मूर्तीन पुजा कोरणे वावान संगती मा कोरु; काहाकि इना देसोमा ते तुमुक जोगोमा गोथो निकवी जाणो पोळसे.
एने तुमु शंका ते नी कोरतेला, जीनामा ओसो काम कोरणे वावू तूमरे इचमा गोथू निकवी जातलु, बाकीन मोटाय कोरतेला छे.
जुनलो खोमीर निकावीन आपना खुदो काजे चुखला कोरु कि नोवलु कुसोनलु पिठू बोन जावू; काहाकि तुमु अखमीरी छे काहाकि आमरो बी धान, जू मसिह छे, बलिदान होयलु छे.
अविस्वास्या साते असमान जुवळामा जुपु काहाकि धारमिकता एने पापोन काय मेल-जुल? नीती विजावो एने आंदारलान काय संगती?
इनान कोरता प्रभू कोये, “तिंदरे इचमा मा गोथा निकवू एने ओलोग रोयू; एने भुंडली चीजो काजे मा छिमू, ती मे तुमुक स्वीकार कोरिस;.
आंदारलान बिना फोवोन कामोमा भेसकायू बाकीन तिनान खिलाप जावू.
कोदि कुदू आमरा इना चिट्ठीन वातो काजे नि माने ती तिना पोर नोजोर राखू, काहाकि तिंदरी संगती मा कोरु जीनासी चू लाजवाय जाय.
हे भाशो, आमु तुमुक आपना प्रभू येसु मसिह नावोसी आग्या आपजे कि तुमु हर एक ओसला भाशोसी ओलोग रोयू जू भुंडली चाल चालतलु एने जी शिक्षा चू आमरे जुव गोथो भोन्यु तेरे अनसारे नि कोरतेलू.