1 कुरीन्थियो 5:8 - बारेली पावरी

⁸ इनान कोरता आवू, आपनु तीहीवारमा खुशी कोरु, नीती जूनला खोमीरसी एने नी बुराई एने दुष्टता खमीरसी, बाकीन सुधा एने खोरलायीन बिना खमीरोन रुटासी.

1 कुरीन्थियो 5:8 ပူးပေါင်းရင်းမြစ်များ

मत्ती 16:12

तेत्यार तिंदरी सोमोजमा आव्यो कि चू रुटान खमीरसी नी, बाकीन फरुशी एने सदुकीन शीकवन सी हुशारीमा रोयने कोयलु होतु.

मत्ती 16:6

येसु तीनु काजे कोयू, “देखू, फरुशी एने सदुकीन खोमीरसी हुशारीमा रोयजू.”

मरकुस 8:15

एने चू तीनु काजे जोताळ्यु, “देखू, फरुशीन खमीर एने हेरोदोन खमीरसी हुशारीमा रोवू.”

लुका 12:1

ओतरामा जेतार होजारोन गोरदी होय गोयी, न्या तोक कि चे एक दिसरा पोर हिट पोळता होता, ती येसु आखान पेहेले आपना चेला काजे कोयने बाज गोयू, “फरुशीन दोगावो रूपोन खमीरसी हुशारीन मा रोयजू.

योहान 1:47

येसु नथनेल काजे आपने भूनी आवतेलु देखीन तेरा बारामा कोयू, “देखू, यु छाचलीन इस्राईल छे इनाम मोटाय नि होय.”

1 कुरीन्थियो 3:3

काहाकि हिमी तोक डीलवावा छे इनान कोरता कि जेतार तुमरेमा कुहराय एने झोगळू छे, ती काय तुमु डीलवावा नि होय? एने काय माणसोन रिती पोर नि चालतला?

1 कुरीन्थियो 5:1

न्या तोक सोमवनेमा आवे कि तुमरेमा व्यभिचार होयतला छे, एने ओसू व्यभिचार जू दिसरा जात्यामा भी नी होयतलो कि एक माणूस आपना बासोन लाडी काजे राखतलु.

1 कुरीन्थियो 5:6

तुमरो मोटाय कोरनो वारू नी होय; काय तुमु नी जानतला कि इतरोक खमीर पुरा कुसेनला पीठाक खमीर कोर देतलो छे.

2 कुरीन्थियो 1:12

काहाकि आमु आमरा दिमाकोन इनी गोवायी पोर घोमंड कोरतेला छे, कि जोगोमा एने खास कोरीन तुमरे इचमा आमरो जीवन परमेश्वरोन लायक ओसलो पवित्र एने खोराइ साते होतो, जो डीलोन ग्यानसी नि बाकीन परमेश्वरोन दया साते होतो.

2 कुरीन्थियो 2:17

काहाकि आपनु तीनु घोणा सोवटान सारखा नी जे परमेश्वरोन वचनमा भेसकायने कोरतेला छे; बाकीन मोनोन खोरलासी एने परमेश्वर भूनी गोथो परमेश्वर काजे आपने साते छे जानीन मसिहमा बुलतेला छे.

2 कुरीन्थियो 8:8

मे आग्यान रिती पोर ते नि, बाकीन दिसरा खुशीन वजेसी मे तुमरे मोंगोन खोरलाय काजे पारखनेन कोरीन कोयो कि,

इफिसीयो 6:24

जे आपना प्रभू येसु मसिह पुठी खोरलो मोंग कोरतेला, तिंदरो आखापोर दया होयती रोये.

1 पतरस 4:2

तेरेन कोरता भविष्यमा आपना रोयला डीलोन जीवन माणसोन भुंडली मोर्जीन अनसारे नि बाकीन परमेश्वरोन मोर्जीन अनसारे जीवे.