1 कुरीन्थियो 4:10 - बारेली पावरी

¹⁰ आमु मसिहन कोरता बिना दिमाक वावा छे, बाकीन तुमु मसिहमा दिमाक वावा छे; आमु कोम ताकत वावा छे, बाकीन तुमु ताकत वावा छे, तुमु आदर आपतला छे बाकीन आमु बिना आदर वावा होयतला छे.

1 कुरीन्थियो 4:10 ပူးပေါင်းရင်းမြစ်များ

मत्ती 24:9

तेत्यार तोकलीत देनेन कोरता तुमुक धोरावसे, एने तुमु काजे मार नाखसे, एने मारा नावोन वजेसी आखा जातीन माणसे तुमु पोर दुष्मोनी कोरसे.

मत्ती 5:11

“सोयावा तुमु, जेतार माणसे मारेन कोरता तुमरो छोळ कोरसे, एने तोकलीत देसे, झूट बुल बुलीन तुमरे खिलापमा आखा भातीन भुंडली वाते कोरसे.”

लुका 10:16

“जू तुमरी सोमवतलु, चू मारी सोमवतलु; एने जू तुमु काजे नेचू सोमोजतलु, चू मेसे काजे नेचू सोमोजतलु; एने जू मेसेक नेचू सोमोजतलु, चू मेसेक मुकोलने वावा काजे नेचू सोमोजतलु”.

लुका 18:9

चू तीना काजे भुरसू मेकता होता, कि आमु धोरमी छे, एने दिसरा काजे नेचा सोमजता होता, यु दाखलू कोय.

लुका 6:22

“सोयावा छे तुमु जेतार माणसोन पुऱ्यान कोरता माणसे तुमरे साते दुष्मोनी कोरसे एने तुमु काजे निकाव देसे, एने तुमुक ताकलीत देसे, एने तुमरो नाव बुरो सोमजीन काट देसे”

प्रेषित 17:18

तेत्यार इपीकुरी एने स्तोईकीन माणसो माइन काहना तीना साते झोगळू कोरणे बाज गोया, एने काहनास कोया, “यु बळबळ कोरन्यू काय कोरणे चा रोयू?” बाकीन दिसरा कोया “चू दिसरा परमेश्वरोन प्रचारक मालूम पोळे, काहाकि चू येसु एने पोछोव जीव उठनेन वारली खोबर कोयतू होतु.”

प्रेषित 17:32

मोरलान पोछोव जीव उठनेन वात सोमवीन काहनास ते मोजाक कोरणे बाज गोया एने काहनास कोया कि जी वात आमु तारे जुव गोथा कोत्यार सोमवसु.

प्रेषित 26:24

जेतार पौलुस आपना बचावमा इना रितीसी कोय रोयू होतु ती फेसतूस जुरेत कोयू “पौलुस तू गांडवाय गोयलु छे! तारो जादा भोनने तुसेक गांडवाड देदलो छे,”

प्रेषित 9:16

एने मी तीनाक देखाळीस कि मारा नावोन कोरीन तीनाक कोतरो दुख सहन कोरनो पोळसे.

1 कुरीन्थियो 1:21

काहाकि जेतार परमेश्वरोन ग्यानोन अनसारे जोगोन ग्यानसी परमेश्वर काजे नी जान्यो, ती परमेश्वर काजे यो वारू लाग्यो कि इना प्रचारोन बिना दिमाकोन लारे भुरसू कोरणे वावा काजे छुटकारू आपे.

1 कुरीन्थियो 1:23

बाकीन आमु ते इना ख्रुस पोर चोळावला मसिहन प्रचार कोरतेला छे, जू यहुदियान कोरता ठूकरोन वोजा एने दिसरा जातोन कोरता बिना दिमाक सारखो छे;.

1 कुरीन्थियो 1:25

काहाकि परमेश्वर बिना दिमाकोन माणसोन ग्यानसी ग्यानवान छे, एने परमेश्वरोन कोम ताकत माणसोन ताकतसी जादा ताकत वावा छे.

1 कुरीन्थियो 10:12

इनान कोरता जो सोमजे, मे पाकु छे, “चो हुशारीमा रोये कि कोदि पोळ नी जाय,

1 कुरीन्थियो 2:14

बाकीन डीलोन माणसे परमेश्वरोन आत्मान वाते स्वीकार नी कोरतेला, काहाकि चे हिंदरी नोजोरमा बीना दिमाक वावान वाते छे, एने नी चू हिनुक जान सोकतलु छे काहाकि हिंदरी चौकसी आत्मिक रितीसी होयतेली छे.

1 कुरीन्थियो 2:3

मे बिना ताकतोन एने बिक साते, एने जादा थुर-थुर कापतू जायीन तुमरे साते रोयु.

1 कुरीन्थियो 3:18

कुदू आपना खुदो काजे खुवू मा कोदि तुमरेसी कुदू इना संसारमा आपना खुदो काजे ग्यानी सोमजे, ती कोम दिमाक वावा ग्यानी होय जावू.

1 कुरीन्थियो 3:2

मे तुमुक दुध पिवाळ्यु, खाणो नि खावाळ्यु; काहाकि तुमु हिनाक नि खाय सोकता होता; ओवी हिमी तोक बी नि खाय सोकता,

1 कुरीन्थियो 4:8

तुमु ते आफरी गोया, तुमु धोनवावा होय गोया, तुमु आमरे विगुर राज कोऱ्या; बाकीन भोलो होयतो कि तुमु राज कोरता कि आमु बी तुमरे साते राज कोरता.

2 कुरीन्थियो 10:10

काहाकि चे कोयतेला, “तारी चिट्ठी ते बिहने वावी एने भारलो छे, बाकीन जेतार चू सामने आवतेलु, ती चू डीलोन कोमजुर एने वक्तव्यमा हलकू मालूम पोळतेलु.

2 कुरीन्थियो 11:19

तुमु ते सोमोजदार होयीन खुशीसी बिन ओकोलोन सोह लेतला से,

2 कुरीन्थियो 11:29

जिनान कोमजरीसी मे कोमजुर नी होयतलु? कुदान ठूकर खाणेसी मारो जीव नी दुखतलु?

2 कुरीन्थियो 13:9

जेतार आमु कोम ताकत वावा छे, एने तुमु ताकत वावा छे, ती आमु खुश होयतला छे, एने जी प्रार्थना बी कोरतेला छे कि तुमु पुरा होय जाये.

2 कुरीन्थियो 4:12

इना रितीसी मोरोन ते मोरने वावा डीलोमा बी ओसोर मेकतलो छे एने जीवन तुमरे पोर.

2 कुरीन्थियो 6:8

आदर एने नी आदर सी, भुंडलो नाव एने वारला नावोसी कोदापी भूलवाडने वावा जोसा मालूम होयतला छे ते बी खोरलो छे;

1 थिस्सलुनीकियो 4:8

इनान वोजेहसी जू तिनाक कोम मानतलु छे चू माणसो काजे नि बाकीन परमेश्वर काजे कोम लेखतलु, पवित्र आत्मा तुमुक आपतलु छे.

1 पतरस 4:14

ओगर मसिहन नावोन वोजेसी तुमरी बुराई कोराय जातली छे, ती तुमु सोयावा छे, काहाकि महिमान आत्मा, जू परमेश्वरोन आत्मा छे, तुमरेमा आव्या कोरतेलू छे.