1 कुरीन्थियो 3:3 - बारेली पावरी

³ काहाकि हिमी तोक डीलवावा छे इनान कोरता कि जेतार तुमरेमा कुहराय एने झोगळू छे, ती काय तुमु डीलवावा नि होय? एने काय माणसोन रिती पोर नि चालतला?

1 कुरीन्थियो 3:3 ပူးပေါင်းရင်းမြစ်များ

रोमी 13:13

जोसो दाहळा काजे शोभा आपतलु, तोसोच आपनु बी सुधा चाल चालनो, नी कि खाण्या पिण्या एने मोंदळ्या एने मोटकाईमा नी भुंडला विचारमा एने काम कोरनेन मोर्जीमा, एने नी झोगळामा एने नी रीस धोरणेमा.

1 कुरीन्थियो 1:10

हे भाशो, मे तुमरेसी आमरू प्रभू येसु मसिहन नावसी विनता कोरो कि तुमु आखा एकुत वात कोयू, एने तुमरेमा फुट नि रोये, बाकीन एकुत मोन एने एकुत मोन होयीन मेवायला रोये.

1 कुरीन्थियो 1:11

काहाकि हे मारा भाशो, खोलोयान घोरानान माणसे मेसेक तुमरा बारामा कोयला छे कि तुमु झोगळायला रोयतला छे.

1 कुरीन्थियो 11:18

काहाकि पेहेले टेमे यो सोमोवतलु कि जेतार तुमु मंडवीमा एखठा होयतला ते बी तुमरेमा फुट पोळतेली, एने मे इनापोर थुलो-थुलोक भुरसू कोरतेलू.

1 कुरीन्थियो 3:4

काहाकि जेतार एक कोये, “मे पौलुसोन छे,” एने दिसरू, मे अपुल्लोसन छे, “ती काय तुमु माणसे नी होय?.”

2 कुरीन्थियो 12:20

काहाकि मेसेक बिक छे, कोदि ओसो नी होयनो जुवे कि मे आवीन जोसो जुवे, तोसो तुमुक नी देखो; एने तुमरेमा झोगळू, डाहा, रीस, खिलाप, रीस, चुगली, अभिमान एने झुटा छे.

गलातियों 5:15

पुन ओगर तुमु एक दिसरा काजे दाते कोरीन चावतला एने फाळीन खातला ती हुशारीमा रोयू एक दिसरान भुंडला मा कोरु.

तीतुस 3:3

काहाकि आमु बी पेहेले बिन ओकल्या, एने आग्या नि मानने वावा, एने शंकामा पोळला एने भाती-भातीन लालच एने सुखविलासन गुलामीमा होता, एने भेदभाव, एने रीस कोरनेमा जीवन जीवता होता, एने भुंडला होता एने एक दिसरा पुठी सिगी कोरता होता.

याकुब 3:16

काहाकि जा रीस एने हर भातीन भुंडला कामे रोयतला छे.

1 पतरस 4:2

तेरेन कोरता भविष्यमा आपना रोयला डीलोन जीवन माणसोन भुंडली मोर्जीन अनसारे नि बाकीन परमेश्वरोन मोर्जीन अनसारे जीवे.