1 कुरीन्थियो 3:16 - बारेली पावरी

¹⁶ काय तुमु नी जानता कि तुमु परमेश्वरोन मंदीर छे, एने परमेश्वरोन आत्मा तुमरेमा रोयतलु छे?

1 कुरीन्थियो 3:16 ပူးပေါင်းရင်းမြစ်များ

योहान 14:17

बाकीन खोरलु आत्मा, जिना काजे संसार स्वीकार नि कोर सकतला काहाकि चे तीनाक नि जानतेला; तुमु तीनाक जानतला, काहाकि तुमरे साते रोयलू, एने चू तुमरेमा रोयसे.

रोमी 6:16

काय तुमु नी जानतला कि जेरी आग्या माननेन कोरीन तुमु खूदो काजे नोवकरोन तोसो सोप देजे तेरात गुलाम छे, चाहे पापोन, जेरो ओमोरकाई जीवनोन मोरनो छे, चाहे आग्या माननेसी जेरो धारमिकता छे.

रोमी 6:3

काय तुमु काजे नी मालूम कि आपु आखा येसु मसिहन बाप्तिस्मा लेदा, तेरा मोरनेन बाप्तिस्मा लेदा.

रोमी 8:11

अगर काहनासोन आत्मा जू येसु मसिह काजे मोरलामा गोथू जीवाळ्यु चू तुमरा नाश होयने वावा डीलो काजे बी आपना आत्मान लारे जू तुमरेमा बोस रोयू जीवाळसे.

रोमी 8:9

बाकीन जेतार परमेश्वरोन आत्मा तुमरेमा बोसतलु छे ती तुमु डीलोन रितीन नी बाकीन आत्मिक रितीमा छे अगर काहनामा येसु मसिहन आत्मा नी होय ती चू तेरु नी होय.

1 कुरीन्थियो 3:17

कोदि कुदू परमेश्वरोन मंदीर काजे नाश कोरसे कि परमेश्वर तीनाक नाश कोरसे; काहाकि परमेश्वरोन मंदीर चुखली छे, एने चो तुमु छे.

1 कुरीन्थियो 3:9

काहाकि आमु परमेश्वरोन साथीदार छे; तुमु परमेश्वरोन खेत एने परमेश्वरोन भवन छे.

1 कुरीन्थियो 5:6

तुमरो मोटाय कोरनो वारू नी होय; काय तुमु नी जानतला कि इतरोक खमीर पुरा कुसेनला पीठाक खमीर कोर देतलो छे.

1 कुरीन्थियो 6:16

काय तुमु नी जानता कि जी काहणीस वेश्या सी संगती कोरतेलू छे, चू हेरे साते एक डील होय जातलु छे? काहाकि लिखलो छे “चे दुयू एक डील होयसे.”

1 कुरीन्थियो 6:19

काय तुमु नी जानतला कि तुमरो डील पवित्र आत्मान मंदीर छे, जू तुमरेमा बोसलु छे एने तुमुक परमेश्वरोनचा गोथू जोळलु छे; एने तुमु खुदोन नी होय?

1 कुरीन्थियो 6:9

काय तुमु नी जानता कि अन्याय कोरण्या माणसे परमेश्वरोन राजोन वारीस नी रोये? धोकू मा खावू; नी वेश्या गमन, नी मूर्ती पुजान, नी परस्त्रीगमन, नी लुचळाय, नी पुरूश गामी,

1 कुरीन्थियो 9:13

काय तुमु नी जानतला कि जू मंदीरमा सेवा कोरतेलू चू मंदीरमा गोथू खातलु छे; एने जू वेदीन सेवा कोरतेलू, चू वेदी साते भागीदार होयतलु छे?

1 कुरीन्थियो 9:24

काय तुमु नी जानतला कि दोवोळनेमा ते दोवोळतला आखा छे, बाकीन इनाम एकुत ली जातलु? तुमु ओसलोत दोवेळना काजे जिकू.

2 कुरीन्थियो 6:16

एने मुर्त्यान साते परमेश्वरोन मंदीरोन काय रीसतो? काहाकि आमु ते जीवतला परमेश्वरोन मंदीर छे; जोसू परमेश्वर कोयलु छे, “मे तिंदरेमा बोसीस एने तिंदरेमा चाल्या फिऱ्या कोरिस; एने मे हेरु परमेश्वर होयीस, एने चे मारा माणसे होयसे.”

1 तीमथी 3:15

कि अगर मारो आवनेमा टेम होय जाय ती तू जान ले कि परमेश्वरोन मंदीरमा जू जीवतला परमेश्वरोन मंडवी छे, एने जो खोरलान खांबु एने पाये छे कोसू रोयनो जुवे.

2 तीमथी 1:14

इनी पवित्र आत्मान लारे जो आमरेमा बोसलो छे, इना वारला सेवा राखवावी कोर.

इब्रानियो 3:6

बाकीन मसिह ते पुऱ्यान रुपमा परमेश्वरोन घोरोमा अधिकारी छे, एने तेरो घोर आमु छे ओगर आमु आपना धीरोन एने आसोन मोटाय काजे आखरी तोक पाका रोये.

याकुब 4:4

हे भुंडला विचारोन काय तुमु नी जानतला कि संसारमा दोस्ती कोरणे परमेश्वर सी नांबे कोरनो छे? आखरी जुव कुदू जोगोन दुस्ती होयने जुवे, चू आपने आप काजे परमेश्वरोन वैरी बोनावतलो छे.

1 पतरस 2:5

तुमु बी जीवतलु दोगळान तोसो आत्मिक घोर बानावतला छे, जेरेन कोरता पुजारान चुखला सोमाज बोनीन, ओसो आत्मिक बलिदान चोळावू जू येसु मसिहन परमेश्वर काजे मान्यो छे.

1 योहान 4:12

बाकीन परमेश्वर काजे, कोबी कुदू नि देख्यो अगर आमु आपनेन इचमा मोंग कोरती, ती परमेश्वर आपनेमा रोयतलु एने तेरो मोंग आमरेमा सिद्ध होय गोयलो छे.