1 कुरीन्थियो 3:12 - बारेली पावरी

¹² कोदि कुदू इना निवो पोर सोनो नीती चांदी नीती किमती वावु दोगळू नीती काठ नीती चारू नीती फूस काजे खोळ राखे,

1 कुरीन्थियो 3:12 ပူးပေါင်းရင်းမြစ်များ

प्रेषित 20:30

तुमरेत इचमा मे बी ओसला-ओसला माणसे उठसे, जू चेला काजे आपने पोछोव हापकी लेणेन एने वाकडी-तिकडी वाते कोयसे.

रोमी 16:17

हिमी हे भाशो, मे तुमरेसी विनता कोरो, कि जे माणसे तिना प्रचारोन खिलापमा, जी तुमु ली लेदला छे, फुटी घालने एने ठूकर खावळावने वोजा छे, तीनुक भोनाळ्या कोरु एने तिंदरे गोथा नांबे रोयू.

1 कुरीन्थियो 3:11

काहाकि तिनी निव काजे छुळीन जे पोड रोया, एने चू येसु मसिह छे कुदु दुसरी पायु नी नाख सकतेली.

1 कुरीन्थियो 3:13

ती होर एक काम देखाय जासे; काहाकि चू दाहळू तीनाक देखाळसे, इनान कोरता कि आगठा साते देखायसे एने चो आगठो होर एक काम पारखसे कि कोसो छे.

2 कुरीन्थियो 2:17

काहाकि आपनु तीनु घोणा सोवटान सारखा नी जे परमेश्वरोन वचनमा भेसकायने कोरतेला छे; बाकीन मोनोन खोरलासी एने परमेश्वर भूनी गोथो परमेश्वर काजे आपने साते छे जानीन मसिहमा बुलतेला छे.

2 कुरीन्थियो 4:2

बाकीन आमु लाजोन डूकायला कामो काजे छुळ देदा एने नी हुशारी चालता एने नी परमेश्वरोन वचनमा भेसोक कोरतेला; बाकीन खोरला काजे सामने लावीन परमेश्वरोन सामने होर एक माणसोन सद्वी विवेक बुद्धीमा तिंदरी भोलाई बोसाळतला छे.

कुलुस्सि 2:8

हुशारीमा रोयू कि कुदु तुमु काजे तीना तत्व ग्यान एने वायबार धोकान वजेसी आपनो अपमान नि कोराय लेये, जू माणसोन रिती रीवाज एने जोगोन पेहेली शिक्षान अनसारे ते छे, बाकीन मसिहन अनसारे नि.

1 तीमथी 6:3

जर कुदू दिसरे भातीन प्रचार कोरतू होसे एने वारली वातोन आमरा प्रभू येसु मसिहन वातो काजे नी मानतू होसे, जो भोक्तीन अनसारे छे.

2 तीमथी 2:20

मोटला घोरमा नी निसतो सोनो चांदी पुन लाकळान एने धुवान ठाहरा भी रोयतला, काहना-काहना कामोन, एने काहना-काहना बिना कामोन कोरता.

2 तीमथी 3:13

पुन दुष्ट एने भडकावने वावा धोकू देतला एने धोकू खातला, बिगडी जातला.

2 तीमथी 3:7

एने दाहळीन सिकती ते रोयतली छे पुन खोरला वातोनचा लोगुन कोबी नि पुगतली.

2 तीमथी 4:3

काहाकि ओसो टेम आवसे जेतार माणसे खोरलु प्रचार नि सहन कोर सोके, पुन कानटामा खुजलीन वोजेह आपनी लालचन कोरता आपनेन कोरता लोकेत प्रचारक हेरे लेसे.

इब्रानियो 13:9

भाती भातीन भुंडली शिक्षा सी घाबरायता झुनी काहाकि मोनोन मोंगसी मजबूत रोयनो वारू छे नी कि चोळावलो खाणो चीजोसी जीनु काजे तेरेसी काहीन लाभ नी होयो तीनुसी छेटा रोयु.

1 पतरस 1:7

एने जो एरेन कोरता छे तुमरु पारखायलु भुरसू, जू आगठामा तातलो कोरीन नाशवान सोना गोथो बी जाफा, किमती छे, परमेश्वरोन येसु मसिह प्रकट होयने से बोळाय एने महिमा एने आदर कोरनेन ठेरावसे.

प्रकाशित वाक्य 2:14

बाकीन मेसेक तारा खिलापमा काहीन वाते कोयनो छे, काहाकि तारेनचा काहनास ओसा छे, जे बिलामोन शिक्षा काजे मानतला छे, जू बालाक काजे इस्राईलोन ओगोव ठूकरोन वोजा राखणे सिकाळयु, कि चे मोरला पोर चोळावला चीजे खाय एने व्यभिचार कोरे.

प्रकाशित वाक्य 21:18

हेरी शोरोनफनाह योशोबोन बोनावली होती, एने गाव ओसला चुखला सोनान होतो जो चुखला आरसा सारखो होतो.

प्रकाशित वाक्य 3:18

इनान कोरता मे तुसेक समती आपो कि आगठामा तातो कोरलो सोनो मारे जुव गोथू मुले ली ले कि तू धोनवान होय जाय, एने धोव्वा डोगला लीले कि तुसेक पेहेरीन तुसेक आपना उगाळलान लाज नी आवे, एने तारा डूवामा लागाळनेन कोरता सुरमू लीले कि तू देखणे बाज जाय.