1 कुरीन्थियो 2:9 - बारेली पावरी

⁹ बाकीन ओसो लिखलो छे, “जी वाते डूवा नी देख्या कानटो नी सोमव्यो, एने जे वाते माणसोन मोनमा नी चोळी चेत छे जे परमेश्वरमा आपनो मोंग राखणे वावान कोरता तीयार कोरला छे.”

1 कुरीन्थियो 2:9 ပူးပေါင်းရင်းမြစ်များ

मत्ती 20:23

चू तीनु काजे कोयू, “तुमु मारू प्यालू ते पिसू, बाकीन आपने जेवळे धोळे एने डाखरे धोळे कुणीक बोसाळनो यो मारो काम नी होय बाकीन जिंदरेन कोरता मारू बासो तोरोफसी तीयार कोरलो गोयलो छे, तिंदरेन कोरता छे.”

मत्ती 25:34

तेत्यार राजा तेरे जेवळे धोळे वावा काजे कोयसे, “हे मारा बासोन सोयावा माणसे आवू इना राजोन अधिकारी बोन जावू, जो जोगोन पेहेले गोथो तुमरेन कोरता तियार कोरलु छे.”

योहान 3:16

काहाकि परमेश्वर जोगो पोर ओसू मोंग कोऱ्यु कि तेरु मोंगावू पुऱ्यु आप देदु, काहाकि जू कुदू तीना पोर भुरसू कोरे चू नाश नी होये, बाकीन तीनाक ओमोर जीवन जोळे.

रोमी 8:28

आमु काजे मालूम छे कि माणसे परमेश्वर पोर मोंग कोरतेला छे, तिंदरेन कोरता आखा वातोक भेसकीन वारलो पोयदा कोरतेली छे; मतलब तीनुन कोरता जी तेरी मोर्जीन अनसारे बुलवाय गोयला छे.

इब्रानियो 11:16

बाकीन चे एक वरदान मतलब सोरगोन परमेश्वरोन लालच छे, इनान कोरता परमेश्वर तिंदरू परमेश्वर कोवायनेन नी लाजवायतू काहाकि चू तिंदरेन कोरता एक देस तीयार कोरलु छे.

याकुब 1:12

सोयावू छे जू माणूस जू पारखमा वातळू रोयतलु छे, काहाकि चू छाचलीन निकवीन जीवनोन होयू मुकुट जोळ जासे जेरी वायदू परमेश्वर एने आपना मोंग कोरने वावा साते कोरलु छे.

याकुब 2:5

हे मारा मोंगावा भाशो, सोमवू काय परमेश्वर इना जोगोन भिकारी काजे नि नेवाळ्यू कि भुरसामा मातभोर एने तीना राज्योन अधिकारी होयसू, जेरु वायदु चू तिंदरे साते कोरे जेरेसी मोंग राखतला छे.

1 पतरस 1:12

तीनु पोर जो प्रकट होये कि चू आपनी नि पुन तारी सेवान कोरता जी वात कोया कोरतू होतु, जिनान खोबर हिमी तुमु काजे तिंदरे लारे जोळलो जे पवित्र आत्मान लारे जू सोरगोम गोथू मुकेल्ला छे, तुमुक वारली खोबर कोयलु; एने इनी वातोन काजे सोरग दूत भी मोन लागाळीन देखनेन मोर्जी राखताला छे.

1 योहान 4:19

आमु इनान कोरता मोंग कोरतेला, कि पेहेले चू आमरेपोर मोंग कोऱ्यु.