1 कुरीन्थियो 2:6 - बारेली पावरी

⁶ तीबी तीयार होयला माणसोमा आमु ग्यान सोमवाळतला छे; बाकीन इना जोगोन एने इना संसारोन नाश होयने वावान सुभेदारोन ग्यान नी;

1 कुरीन्थियो 2:6 ပူးပေါင်းရင်းမြစ်များ

मत्ती 13:22

जो झाडक्यामा वेरायलो होतो, यो चो छे, जू वचन काजे सोमोवतलु छे, बाकीन चे इना संसारोन चिंता एने धोनोन धुकू वचन काजे दाब देतला छे, एने चो फोव नी लावतलो,

मत्ती 19:21

येसु तीना काजे कोयू, ओगर तू तीयार होय ती जा आपनु माल वेचीन गोरीबो काजे आप दे, एने तुसेक सोरगोमा धोन जोळसे; एने आवीन मारे पोछोव चाल.

मत्ती 5:48

इनान कोरता जुवे कि तुमु पुरा बोनु, जोसू तुमरू सोरगो मायलु बास पुरु छे”.

लुका 16:8

“मालिक तिना झुटा अधोरमीन वाह-वाह कोऱ्यु, चू हुशारीसी काम कोरतेलू छे काहाकि इनी संसारोन माणसे आपना टेमोन माणसो साते रिती-रीवाजोन विजावान माणसो गोथा बी घोणा हुशार छे.”

1 कुरीन्थियो 1:28

एने परमेश्वर जोगोन नेचला एने वीटवला काजे, चा ओतरा नि बाकीन जो होय बी नि तीनुक बी नेवाळ लेदलु छे कि तीनुक जो छे, बिन कामोन ठेरावे.

1 कुरीन्थियो 12:8

काहाकि आत्मान लारे ओलोग वाते आपायली, एने दिसरा काजे तीना आत्मान अनसारे ग्यानोन वाते.

1 कुरीन्थियो 14:20

हे भाशो, तुमु समजनेमा नानला पुऱ्यामा बोनु बुराईमा ते नानला पुऱ्या रोयू, बाकीन सोमोजनेमा शहाना बोनु.

1 कुरीन्थियो 2:1

हे भाशो, जेतार मे परमेश्वरोन भेद सोमवतू जायीन तुमरेनचा आव्यु, ती बुल या ग्यानोन वारलान कोरता नी आयु.

1 कुरीन्थियो 2:13

जीनुक आमु माणसोन ग्यानोन सिकाळली वातोमा नी, बाकीन आत्मान सिकाळली वातोमा, आत्मिक वातोसी भेसकी भेसकीन सोमवाळतला छे.

1 कुरीन्थियो 2:8

जीनाक इना संसारोन सुभेदारमा गोथू कुदू नी जान्यो, काहाकि कोबी चे जानता ती तेजवावा प्रभू काजे ख्रुस पोर नी चोळावता.

1 कुरीन्थियो 3:1

हे भाशो, मे तुमरे पुठी इना रितीसी वाते नि कोर सोक्यू जोसू आत्मिक माणसो साते, बाकीन जोसू डीलवावा माणसो पुठी, एने हिंदरे साते जे मसिहमा पुऱ्या से.

2 कुरीन्थियो 1:12

काहाकि आमु आमरा दिमाकोन इनी गोवायी पोर घोमंड कोरतेला छे, कि जोगोमा एने खास कोरीन तुमरे इचमा आमरो जीवन परमेश्वरोन लायक ओसलो पवित्र एने खोराइ साते होतो, जो डीलोन ग्यानसी नि बाकीन परमेश्वरोन दया साते होतो.

2 कुरीन्थियो 13:11

आखरी, हे भाशो, खुश रोयू; पुरा बोनता जावू; धीर राखू; एकुत मोन राखू; मेवायीन रोयू एने मोंग एने शांतीन आपनेवावू परमेश्वर तुमरे साते रोयसे.

2 कुरीन्थियो 4:3

बाकीन ओगर आमरा वारली खोबर प्रचार पोर पोरदु मेकायलु छे ती यो नाश होयने वावा पोर पोळलो छे.

2 कुरीन्थियो 4:4

एने तीनु अविस्वासन कोरता जिंदरी बुद्धी इना संसारोन भोगवान आंदवी कोर देदलु छे, काहाकि मसिह जू परमेश्वरोन प्रतिरूप छे, तेरे विजावान वारली खोबरोन विजावो तीनु पोर चोमके.

इफिसीयो 2:2

जीनामा तुमु पेहेले इना संसारन रिती पोर एने वादवा मायला मालकोन राज मतलब तिना आत्मान अनसारे चालता होता, जे हीमी बी आग्या नि मानने वावामा काम कोरतेलू छे.

कुलुस्सि 1:28

जेरी वारली खोबर कोरीन आमु होसात माणसोक जोताळतला कि आमु हर एक माणसो काजे मसिहमा पाको कोरीन उबराखो.

कुलुस्सि 4:12

इपफ्रास जे तुमरेमा गोथा छे एने मसिह येसुन दास छे, तुमुक नमस्कार कोये एने हमेशा प्रार्थनामा कोशिश कोरतेला छे, काहाकि तुमु पाका होयीन पुरा भुरसा साते परमेश्वरोन मोर्जी पोर पाका रोयू.

इब्रानियो 5:14

बाकीन खाणो ते मोटलान कोरता छे, जिंदरी ग्यानइंद्रिय भोनता-भोनता वारला भुंडलो उवोखनेन हुशार होय जाय.

इब्रानियो 6:1

इनान कोरता आवू मसिहन बारामा पेहेला शिक्षा वातो काजे छुळीन सिद्धता भूनी बोढता जावू, एने मोरला कामोन कामोसी मोन फिरावने एने परमेश्वर पोर भुरसू कोरणे,

याकुब 3:15

यो ग्यान चो नि होय जो उपोर गोथो उतरतेलो छे, एने संसारोन, एने शरीरोन, एने भुतडान छे.

याकुब 3:2

कोरीन कि आमु आखा लेके कावा चूक जातला छे; जू कुदू वचनमा नी चुकतलु चू ते तीयार माणूस छे एने आखा डील पोर भी लगाम लागाळ सोकतलु छे.

1 पतरस 5:10

तुमु इतरीक वार तोकलीत झेलीन आखो दयान परमेश्वर छे, जू तुमु काजे येसु मसिहमा तेरी ओमोरकाईन महिमान कोरता बुलावलु, चू खुद तुमु काजे सिद्ध, पाक्का ताकत वावा एने स्थिर कोरसे.