1 कुरीन्थियो 2:4 - बारेली पावरी

⁴ एने मारो वचन, एने मारा प्रचारमा ग्यानोन विसरने वावी वाते नी होय, बाकीन आत्मा एने ताकत सबूत होतो,

1 कुरीन्थियो 2:4 ပူးပေါင်းရင်းမြစ်များ

प्रेषित 20:27

काहाकि मे परमेश्वरोन मोर्जी काजे तुमुक पुरा रितीसी कोयने नी झीजक्यू.

प्रेषित 26:28

ती अग्रिप्पा पौलुस काजे जोवाब आप्यू, तू मेसे काजे थुलिक टेमोमा मसिही बोनावीन छुळीस.

रोमी 15:13

परमेश्वर जू आसोन दाता छे तुमुक भुरसू कोरणेमा आखा रितीन खुशी एने शांतीसी पुरेपूर कोरे, कि पवित्र आत्मान ताकतसी तुमरी आस बोढती जाय.

रोमी 15:19

एने चिन्ह, एने अदभूत कामोन ताकतसी, एने पवित्र आत्मान ताकतसी मारेत लारे कोऱ्यु; न्या तोक कि मे यरुशलेम सी लीन चारू भूनी इस्लुरीकुम तोक मसिहन वारली खोबरोन पुरू-पुरू प्रचार कोऱ्या.

रोमी 16:18

काहाकि ओसला माणसे आमरा प्रभू मसिहन नी, बाकीन आपना पेटोन सेवा कोरतेला छे; एने चिकनी चूपडी वातोसी सुदा-सादा मोनोन माणसो काजे बोहोकाव देतला.

1 कुरीन्थियो 1:17

काहाकि मसिह मेसेक बाप्तिस्मा आपने नी, बाकीन वारली खोबर सोमवाळने कोरीन मुकली रोयू, एने यो बी बुलोन ग्यानोन अनसारे नी, ओसो नी होयनो जुवे कि मसिहन ख्रुस बिना कामोन गीनाये.

1 कुरीन्थियो 2:1

हे भाशो, जेतार मे परमेश्वरोन भेद सोमवतू जायीन तुमरेनचा आव्यु, ती बुल या ग्यानोन वारलान कोरता नी आयु.

1 कुरीन्थियो 2:13

जीनुक आमु माणसोन ग्यानोन सिकाळली वातोमा नी, बाकीन आत्मान सिकाळली वातोमा, आत्मिक वातोसी भेसकी भेसकीन सोमवाळतला छे.

1 कुरीन्थियो 4:20

काहाकि परमेश्वरोन राज वातोमा नी बाकीन ताकत छे.

2 कुरीन्थियो 6:6

चुखलासी, ग्यानसी, धीर धोरीने सी, मोंगसी, पवित्र आत्मासी,

गलातियों 1:10

हिमी मे काय माणसोक मोनावतलु नीती परमेश्वर काजे? काय मे माणसो काजे खुश कोरणेन मारी मोर्जी छे? ओगर मे हिमी तोक माणसो काजे खुश कोरतू रोयतू ती मसिहन दास नी रोयतू.

कुलुस्सि 2:4

यो मे इनान कोरता कोयो कि कहानुस माणूस तुमुक भडकावनेवावी वातोसी धोकू नि आपे.

1 थिस्सलुनीकियो 1:5

काहाकि आमरी वारली खोबर तुमरेनचा निस्तो बुलोमा नि पुन ताकत एने पवित्र आत्मा एने मोटला पाका वातो पुठी पुगलो छे; जोसो तुमुक मालूम होयो कि आमु तुमरा इनाम कोसा बोन गोयला होता.

1 पतरस 1:12

तीनु पोर जो प्रकट होये कि चू आपनी नि पुन तारी सेवान कोरता जी वात कोया कोरतू होतु, जिनान खोबर हिमी तुमु काजे तिंदरे लारे जोळलो जे पवित्र आत्मान लारे जू सोरगोम गोथू मुकेल्ला छे, तुमुक वारली खोबर कोयलु; एने इनी वातोन काजे सोरग दूत भी मोन लागाळीन देखनेन मोर्जी राखताला छे.

2 पतरस 1:16

काहाकि जेतार आमु तुमु काजे आपना प्रभू येसु मसिहन ताकत एने आगमोनोन खोबर आपलु होतु, ती चू हुशारीसी बोनावने गाळायला काहन्यान चाल नी चालनो होतो, नि तेत्यार आमु आपनूत तिनान मोटला कामो काजे देखला होता.

2 पतरस 2:18

चे वायबार मोटायन वाते कोरीन लुचळान कामोन लारे, तिना माणसोन डीलोन भुंडली मोर्जी आपतला छे जे भोटकलामा गोथा हिमी निकवनेण बाजरोयला छे.