1 कुरीन्थियो 2:12 - बारेली पावरी

¹² बाकीन आमु जोगोन आत्मा नी, बाकीन ची आत्मा ली लेदला छे जी परमेश्वर भूनी गोथी छे कि आमु तिनी वातो काजे जानजे, जू परमेश्वर आमुक आपलु छे.

1 कुरीन्थियो 2:12 ပူးပေါင်းရင်းမြစ်များ

रोमी 8:1

आखरीमा हिमी जे येसु मसिहमा छे तीनु पोर दोंडोन आग्या नी होय काहाकि चे डीलोन अनसारे नी बाकीन आत्मान अनसारे चालतला.

रोमी 8:32

जू आपना एखलु पुऱ्या काजे बी नी छुळ्यु बाकीन तिना काजे आपने आखान कोरीन आप देदु चू तेरे साते आमु काजे एने आखा काजे आखो काहीन बी आपे?

1 कुरीन्थियो 1:27

बाकीन परमेश्वर जोगोन बिना दिमाक वावा काजे नेवाळ लेदलु छे कि ग्यानवावा काजे लाजवाड देये, एने परमेश्वर जोगोन कोम ताकत वावा काजे नेवाळ लेदलु छे कि ताकत वावा काजे लाजवाळे.

1 कुरीन्थियो 2:6

तीबी तीयार होयला माणसोमा आमु ग्यान सोमवाळतला छे; बाकीन इना जोगोन एने इना संसारोन नाश होयने वावान सुभेदारोन ग्यान नी;

1 कुरीन्थियो 3:22

काय पौलुस, काय अपुल्लोस, काय कैफा, काय जोग, काय जीवन, काय मोरोन, काय वर्तमान, काय भविष्य आखो कायतुमरो छे,

2 कुरीन्थियो 4:4

एने तीनु अविस्वासन कोरता जिंदरी बुद्धी इना संसारोन भोगवान आंदवी कोर देदलु छे, काहाकि मसिह जू परमेश्वरोन प्रतिरूप छे, तेरे विजावान वारली खोबरोन विजावो तीनु पोर चोमके.

इफिसीयो 2:2

जीनामा तुमु पेहेले इना संसारन रिती पोर एने वादवा मायला मालकोन राज मतलब तिना आत्मान अनसारे चालता होता, जे हीमी बी आग्या नि मानने वावामा काम कोरतेलू छे.

याकुब 4:5

काय तुमु जो सोमजोतलो कि पवित्र शास्त्र वायबार कोयतेलो छे “जिना आत्मा काजे चु आमरे इचमा बोसाळला छे, काय जू ओसी मोर्जी कोरतेला छे जेरो फोव रीस होये?”

1 योहान 2:20

पुन तारो ते हीना चुखलासी अभिषेक होयलू छे, एने तुमु आखो जानतेला.

1 योहान 2:27

पुन तुमरु होयू अभिषेक जू हेरेनचा गोथो कोरलु होतु, तारेमा बोनी रोयतलु छे; एने तुसेक एरू गोरोज नि होय कि कुदू तुमुक सिकाळे नीती जोसो होयो अभिषेक जू हेरेनचा गोथू कोरलु गोयू तुमुक आखी वात सिकाळतला छे एने यो खोरलो छे एने झूट नि होय; एने जोसू होयू तुमुक सिकाळलु छे होसात तुमु हिनामा बोनला रोयतला छे.

प्रकाशित वाक्य 12:9

तेत्यार चा मोटलु अजगर, मतलब, चू जुनलू घोळसु जू इबलीस एने भुतडू कोवायतलु छे एने आखो जोगोन भळकावने वावू छे, धोरती पोर पाळाय गोयू, एने तेरा दूत तेरे पुठी पाळ गोया.

प्रकाशित वाक्य 22:6

पोछु चू मेसे काजे कोयू, “जे वाते भुरसान लायक एने खोरला छे प्रभू, जो भविष्य कोरतान आत्मान परमेश्वर छे, आपना सोरग दूतो काजे इनान कोरता मूकल्या कि आपना दासो काजे चे वाते, जिंदरो तेतारुत होयनो छाचलीन छे, देखाळ.”