1 कुरीन्थियो 15:2 - बारेली पावरी

² हीनान लारे तुमरू छुटकारू बी होयतेलु छे, कोदि तिना वारली खोबर काजे जो मे तुमुक सोमवाळलु होतु फोम कोरता रोयू; नीती तुमरो भुरसू कोरनो वायबार होयो.

1 कुरीन्थियो 15:2 ပူးပေါင်းရင်းမြစ်များ

लुका 8:13

चाफऱ्या पोरला चे छे कि जेतार सोमवतला, ती खुशीमा वचन काजे स्वीकार ते कोरतेला बाकीन मुवे नि धोरणेसी चे थुलिक वार तोक भुरसू कोरतेला एने पारखोन टेमे घाबराय जातला.

प्रेषित 2:47

चे परमेश्वरोन स्तुती कोरता रोयता होता आखा माणसे तिंदरे साते वारला रोयता होता जिंदरा छुटकारू होयतू होतु तीनु काजे प्रभू तीनुमा मेवाळतू होतु.

प्रेषित 8:13

तेत्यार शिमोन खुद भी भुरसू कोऱ्यु एने बाप्तिस्मा लीन फिलीपोन पुठी रोयने बाज गोयू चू चिन्ह एने मोटा-मोटा मोटला काम होयतला देखीन नोवलाय कोरता होता.

रोमी 1:16

काहाकि मे वारली खोबरोन प्रचारोन कोरनेन कोरता नी लाजवायतू, इनान कोरता कि चू होर एक जे भुरसू कोरणे वावान कोरता पेहेले ते यहुदि ओवतेन युनानीन कोरता छुटकारू वोजेसी परमेश्वरोन ताकत छे.

रोमी 11:22

इनान कोरता परमेश्वरोन मोंग एने काठलो पण देख, जे पोड गोया तिंदरे पोर काठलो छे बाकीन तारे पोर मोंग, हिमी तू तिनामा पाकु रोय, नीती तुसेक बी काट नाखसे.

1 कुरीन्थियो 1:18

काहाकि ख्रुसोन काहणी नाश होयने वावान कोरता बिना दिमाकोन छे, बाकीन आपनु छुटकारू आपनेवावान कोरीन परमेश्वरोन ताकत छे.

1 कुरीन्थियो 1:21

काहाकि जेतार परमेश्वरोन ग्यानोन अनसारे जोगोन ग्यानसी परमेश्वर काजे नी जान्यो, ती परमेश्वर काजे यो वारू लाग्यो कि इना प्रचारोन बिना दिमाकोन लारे भुरसू कोरणे वावा काजे छुटकारू आपे.

1 कुरीन्थियो 11:2

हे भाशो मे तुमुक मदत कोरो कि आखा वातोमा तुमु मेसेक फोम कोरतेला छे; एने जी रिती रीवाज मे तुमुक सोपलु छे, तिना काजे पावतला छे.

1 कुरीन्थियो 15:14

एने कोदि मसिह नि जीव उठ्यू, ती आमरो प्रचार कोरनो बी वायबार छे, एने तुमरू भुरसू बी वायबार छे.

2 कुरीन्थियो 2:15

काहाकि आपु परमेश्वर साते छुटकारू कोरणे वावा एने नाश होयने वावा दुयोन कोरता मसिह गोंद छे.

2 कुरीन्थियो 6:1

आमु जे परमेश्वरोन सहकारी छे यो बी सोमजतेला छे कि तेरी दया जी तुमरे पोर होयी, तिनी काजे वायबार मा जाणे देवू.

गलातियों 3:4

काय तुमु ओसा दुख वायबारुत झेल रोया? बाकीन कांखुर माहीन वायबार नी.

इफिसीयो 2:8

काहाकि भुरसान लारे दयासी तुमरो छुटकारू होयलो छे; एने यो तुमरे भूनी गोथा नी बाकीन परमेश्वरोन दान छे.

कुलुस्सि 1:23

अगर तुमु भुरसान पाया पोर पाका उबरोय रोये एने तीना वारली खोबरोन आस काजे जिनाक तुमु सोमवला छे मा छुळू, जिनान वारली खोबर सोरगोन नेळो आखो जोगोमा कोराय गोयो एने जेरू मे पौलुस सेवक बोन्यू.

2 थिस्सलुनीकियो 2:15

इनान कोरता हे भाशो, वातळा रोयू एने; जे-जे वाते तुमुक जुवे वचन नीती चिट्ठीन लारे आमरे जुव भोनला छे, तीनुक धोरला रखु.

2 तीमथी 1:9

जू आमरू छुटकारू कोऱ्यु एने चुखला आत्मान बुलाहट सी बुलाव्यू, एने जो आमरा कामन ओनसारे नी बाकीन तेरो मतलब एने तेरी दया ओनसारे छे चू मसिह येसुमा ओमोरकाईसी आमरेपोर होयली छे.

इब्रानियो 10:23

आवू आपु आपनी आसोन अंगीकार काजे पाका बोनीन हिंमतसी धोर रोयू काहाकि जू वायदू कोऱ्यु कि चू खोरलो छे.

इब्रानियो 2:1

इना वजेसी जुवे कि आमु तीनु वातो पोर जो आमु सोमवला छे, ओवी बी मोन लागाळू, ओसो नी होये कि वोयीन तिनासी नांबे जात रोये.

इब्रानियो 3:14

अगर आमु आपना पेहेला भुरसा पोर आखरी तोक मजबुतीमा पाका रोये ती आमु मसिहन भागीदार बोन गोयला छे.

इब्रानियो 3:6

बाकीन मसिह ते पुऱ्यान रुपमा परमेश्वरोन घोरोमा अधिकारी छे, एने तेरो घोर आमु छे ओगर आमु आपना धीरोन एने आसोन मोटाय काजे आखरी तोक पाका रोये.

इब्रानियो 4:14

जेतार कि आपनु ओसू मोटलु महायाजक छे, जू सोरगोमा गोथू होयीन गोयू, मतलब परमेश्वरोन पुऱ्यु येसु, ती आवू आपनु आपना स्वीकारला काजे मजबूत धोरीन रोयसू.

याकुब 2:14

हे मारा भाशो, ओगर कुदु कोयसे कि मेसेक भुरसू छे पुन चू काम नि कोरतू होसे, ती इनासी काय लाभ? काय ओसो भुरसू कोबी तेरु छुटकारू कोर सोकतलु छे?

याकुब 2:17

तोसोच भुरसू भी, ओगर काम सोहित नि होय ती आपना स्वभावमा मोरलु छे.

याकुब 2:26

आखरी जोसो डील आत्मा बिगर मोरली छे, तोसो भुरसू कामो बिगुर मोरलु छे.