1 कुरीन्थियो 13:7 - बारेली पावरी

⁷ ची आखा वाते सोहोतली, आखा वातोन पारोख कोरतेली, आखा वातोन भुरसू कोरतेली, आखा वातोन धीर धोरतली.

1 कुरीन्थियो 13:7 ပူးပေါင်းရင်းမြစ်များ

मत्ती 10:22

मारा नावोन वोजेसी आखा माणसे तुमरे पुठी दुष्मोनी कोरसे, एने जू आखरी तोक धीर धोरीन रोयसे तेरु छुटकारू होयसे.

मरकुस 9:23

येसु तीना काजे कोयू, “अगर तू कोर सोकतेलु, जी काय वात छे? भुरसू कोरने वावान कोरता सोब काहीन होय सोकतेलो छे.”

रोमी 15:1

आखरी आपु ताकत वावा काजे जुवे कि कोमजुर वावान कोमजुरी सोहोन कोरे, नि कि आपना खुदो काजे खुश कोरे.

रोमी 8:24

आखान लारे आमरो छुटकारू होयलो छे; बाकीन जिना चीजोन आस कोराय जातली छे, जेतार चो देखणेमा आवे ती ओवतेन आस का रोयी? काहाकि जिना चीजो काजे कुदू देख रोयू तेरी आस काय कोरसे?

1 कुरीन्थियो 13:4

मोंग धीर धोरतली छे एने गिनाखी छे; एने मोंग हेवाय नी कोरतेली; मोंग आपनी खुदोन बोढाई नी कोरतेली, एने फुगतली नी, ची गैर शिस्त नी रोयतली,

1 कुरीन्थियो 9:12

जेतार दिसरान तुमरे पोर यो होक छे, ती काय आमरो इना गोथो जादा नी होसे? बाकीन आमु यु होक कामोमा नी लावनो; बाकीन आखो काय सोहोतला छे कि आमरे लारे मसिहन वारली खोबरमा काहीन रुकावट नी रोये.

गलातियों 6:2

तुमु एक दिसरान भार हाकलु एने इना रितीसी मसिहन नियम शास्त्र काजे पुरा कोरु.

2 थिस्सलुनीकियो 1:4

या तोक कि आमु खुद परमेश्वरोन मंडवीमा तुमरा बारामा घोमंड कोरतेला कि जेतार संकट एने तोकलीत तुमु सोहोन कोरतेला इनू आखामा तुमरू धीर एने भुरसू देखायतलु छे.

2 तीमथी 2:24

प्रभून सेवक झगळा कोरने वावू नी होयनो जुवे बाकीन चू आखा साते नम्रता एने शिक्षामा हुशार एने सोहोन कोरणे वावू होयनो जुवे.

2 तीमथी 3:11

एने ओसला दुखोमा बी जू अन्ताकिया एने इकुनियुम एने लुस्त्रा मार पोर पोळला होता, एने जो दिसरा दुख बी झेललु होसे; पुन प्रभू मेसेक इनू आखान चा गोथू वाचाड लेदलु.

2 तीमथी 4:5

पुन तू आखा वातोमा सावधान रोयजी दुख भूगतजी बानमी प्रचारन काम कोरजी एने आपनी सेवा काजे पुरी कोरजी.

इब्रानियो 13:13

इनान कोरता बुराई आपने उपोर लीन साहवान बारथे तीनानचा निकवी गोया.

याकुब 1:12

सोयावू छे जू माणूस जू पारखमा वातळू रोयतलु छे, काहाकि चू छाचलीन निकवीन जीवनोन होयू मुकुट जोळ जासे जेरी वायदू परमेश्वर एने आपना मोंग कोरने वावा साते कोरलु छे.

1 पतरस 2:24

चू खुद आपना पापो काजे, आपनी डील पोर लीन ख्रुस पोर चोळ गोयू, जेरेसी आमु पापोन कोरता मोरीन धारमिकतान कोरता जीवन जीवसु, तेरे मार खाणेसी तुमु वारला होया.

1 पतरस 4:8

आखा गोथो बोढीन, एक दिसरान बारामा मोंगसी वारला कामे राखू, काहाकि मोंग जादा पापो काजे ढाक लेतलो छे.