1 कुरीन्थियो 13:4 - बारेली पावरी

⁴ मोंग धीर धोरतली छे एने गिनाखी छे; एने मोंग हेवाय नी कोरतेली; मोंग आपनी खुदोन बोढाई नी कोरतेली, एने फुगतली नी, ची गैर शिस्त नी रोयतली,

1 कुरीन्थियो 13:4 ပူးပေါင်းရင်းမြစ်များ

मत्ती 27:18

काहाकि चू जानतू होतु कि चे हिनाक दोगासी धोरावला छे.

प्रेषित 7:9

“चे कुळापती युसूफ पोर डाव धोरीन तीना मिसर देसोमा जाणेवावान हाते वेच देदा, बाकीन परमेश्वर तेरु पुठी होतु”

रोमी 1:29

इनान कोरता चे आखा भातीन अधोरमोन एने रीस, खुन कोरनो, एने ओहळायने, एने छोळ एने रीससी घोणा घेरवाय गोया, एने चुगली कोरण्या,

रोमी 13:13

जोसो दाहळा काजे शोभा आपतलु, तोसोच आपनु बी सुधा चाल चालनो, नी कि खाण्या पिण्या एने मोंदळ्या एने मोटकाईमा नी भुंडला विचारमा एने काम कोरनेन मोर्जीमा, एने नी झोगळामा एने नी रीस धोरणेमा.

1 कुरीन्थियो 3:3

काहाकि हिमी तोक डीलवावा छे इनान कोरता कि जेतार तुमरेमा कुहराय एने झोगळू छे, ती काय तुमु डीलवावा नि होय? एने काय माणसोन रिती पोर नि चालतला?

1 कुरीन्थियो 4:18

काहना ते ओसा फुल गोयला छे, मानो मे तुमरेनचा आवने वावू नी होय.

1 कुरीन्थियो 4:6

हे भाशो, मे इना मोटायमा तुमरेन कोरता आपनी एने अपुल्लोसन खोबर दर्शनोन रिती पोर कोरलो छे, इनान कोरता कि तुमु आमरे लारे यो सिकू कि लिखला सी ओगा मा बोढू, एने एकान पक्षमा एने दिसरान खिलापमा मोटाय नि कोरनो.

1 कुरीन्थियो 5:2

एने तुमु शंका ते नी कोरतेला, जीनामा ओसो काम कोरणे वावू तूमरे इचमा गोथू निकवी जातलु, बाकीन मोटाय कोरतेला छे.

1 कुरीन्थियो 8:1

हिमी मूर्ती ओगोव बलिदान कोरला चीजोन बारामा आमुक मालूम छे कि आपु आखा काजे मालूम छे. ग्यान मोटाय पोयदा कोरतेला छे, बाकीन मोंगसी उन्नती होयतेली छे.

2 कुरीन्थियो 12:20

काहाकि मेसेक बिक छे, कोदि ओसो नी होयनो जुवे कि मे आवीन जोसो जुवे, तोसो तुमुक नी देखो; एने तुमरेमा झोगळू, डाहा, रीस, खिलाप, रीस, चुगली, अभिमान एने झुटा छे.

2 कुरीन्थियो 6:6

चुखलासी, ग्यानसी, धीर धोरीने सी, मोंगसी, पवित्र आत्मासी,

गलातियों 5:26

आपनु घोमंडी होयीन एक दिसरा काजे मा छेळू एने एक दिसरा पोर रीस मा कोरु.

इफिसीयो 4:2

मतलब आखरी नम्रतासी एने धीर धोरीन मोंगसी एक दिसरान वेठ लेवू.

इफिसीयो 4:32

एक दुसरा पोर दया एने करुणामय होयू एने जोसा परमेश्वर मसिहमा तुमरा गुणा काजे माफ कोर देदू तोसात तुमु बी दिसरान गुणाक माफ कोरु.

फिलिप्पि 1:15

काहनास ते दोगा एने झोगळान वोजेसी मसिहन प्रचार कोरतेला एने काहनास वारली मोर्जीसी.

कुलुस्सि 1:11

तेरी महिमान अनसारे आखा भातीन ताकतसी ताकतवाला बोनता जावू, न्या तोक कि खुशीमा आखा भातीन धीर एने सहन शीलता देखाळ सोके.

कुलुस्सि 2:18

कुदू माणूस आत्माहीनता एने सोरग दूतोन पूजा कोरावीन तुमु काजे दोवोळनेन फोवोसी छेटा नि कोरे. ओसलु माणूस देखला वातोमा लागला रोयतला छे एने आपनी डीलोन समजपोर बिना वजहसी रीसवायतला.

कुलुस्सि 3:12

इनान कोरता परमेश्वरोन नेवाळलान सारखा जे चुखला एने मोंगावी छे, मोटली दया, एने भोलाई एने दीनता एने नम्रता एने सहन शीलता ली लेवू.

1 थिस्सलुनीकियो 5:14

हे भाशो, आमु तुमु काजे सोमजाडतला छे कि जे वारलो चाल नि चालतला तीनुक सोमजाळू, बिहन्या काजे धीर आपु, बिना ताकत वावा काजे सोमावू, आखांचा सहन शीलता देखाळू,

1 तीमथी 6:4

ती होयू अभिमानी होय गोयू, एने काय नी जानतलु नीती हिनाक झोगळू एने वातो पोर शब्द लोळाय कोरनेन बिमारी छे, जिना पुठी मोटाय एने लोळाय, एने बुरायीन वाते एने भुंडला-भुंडला शंका,

2 तीमथी 2:25

चू खिलाप काजे नम्रतासी सोमजाडने, काय मालूम परमेश्वर तिंदरा मोन फिरावनेन मोन आपे कि चे बी खोरला काजे उवखे.

2 तीमथी 3:10

बाकीन तू प्रचार, चाल चलन, मोर्जी, भुरसू, सहनशक्ती, मोंग, धीर, एने वेला पाळेने, एने दुख उठावनेमा मारू साथ देदलु;.

2 तीमथी 4:2

कि तू वचनोन प्रचार कोर, टेम एने बिना टेम पोर तीयार रोयजी, आखा भातीन सहनसिलता एने शिक्षा पुठी सिकाळ एने लोळ एने सोमजाड.

तीतुस 3:3

काहाकि आमु बी पेहेले बिन ओकल्या, एने आग्या नि मानने वावा, एने शंकामा पोळला एने भाती-भातीन लालच एने सुखविलासन गुलामीमा होता, एने भेदभाव, एने रीस कोरनेमा जीवन जीवता होता, एने भुंडला होता एने एक दिसरा पुठी सिगी कोरता होता.

याकुब 4:5

काय तुमु जो सोमजोतलो कि पवित्र शास्त्र वायबार कोयतेलो छे “जिना आत्मा काजे चु आमरे इचमा बोसाळला छे, काय जू ओसी मोर्जी कोरतेला छे जेरो फोव रीस होये?”

1 पतरस 2:1

एरेन कोरता आखा भातीन भेदभाव एने छोळ एने ढोंग एने खोर एने बुराई काजे नांबे कोरीन,

1 पतरस 3:8

आखरी, आखा एक मोन एने दयामय एने भाशो पोर मोंग कोरणे वावु, एने दयावान एने नम्र बोनु,

1 पतरस 4:8

आखा गोथो बोढीन, एक दिसरान बारामा मोंगसी वारला कामे राखू, काहाकि मोंग जादा पापो काजे ढाक लेतलो छे.

2 पतरस 1:7

भोक्ती पोर भाईचारान मोंग एने भाईचारान मोंग पोर मोंग बढावता जावू.

1 योहान 4:11

हे मोंगावा, जेतार परमेश्वर आमरेपोर मोंग कोऱ्यु ती आमु काजे बी आपना एक दिसरान इचमा मोंग कोरणे जुवे.