1 कुरीन्थियो 13:2 - बारेली पावरी

² एने ओगर मे भविष्यवाणी कोर सोको, एने आखा भेद एने आखा भातीन ग्यान काजे सोमजो एने मेसेक या तोक भुरसू छे कि बोयळा काजे छेटू कोर दिस, बाकीन मोंग नी कोरे, ती मे कायबी नी होय.

1 कुरीन्थियो 13:2 ပူးပေါင်းရင်းမြစ်များ

मत्ती 13:11

येसु जोवाब आप्यू, “तुमु काजे सोरगोन राजोमा भेदोन सोमोज आपाय गोयलो छे, बाकीन तीनु काजे नी.

मत्ती 17:20

चे तीनाक कोया, “आपना भुरसान कोमीन वोजेसी, काहाकि मे तुमु काजे छाचलीन कोयो, मे हिमी तुमरू भुरसू राईन दाना बोराबोर बी होय, ती इना बोयळा काजे कोय सोकसू, या गोथू सोरकिन वा जातरो, ती चू जात रोयसे; एने कानलीत वात तुमरेन कोरता होयो नि ओसी नि होय.

मत्ती 21:19

सोड्कोन धोळे गुलोरोन एक झाड देखीन चू तेरेनचा गोयू, एने पाला विगुर तीनामा ओवी काहीन नी जोळ्यो ती तीना काजे कोयू, “हिमी गोथो तारेमा कोबी फोव नी लागे” एने गुलोरोन झाड तेत्यारुत सुख गोयो.

मत्ती 21:21

येसु तीनु काजे जोवाब आप्यू, “मे तुमु काजे छाचलीन कोयो कि अगर तुमु भुरसू राखे एने शंका नी कोरे, ती नी नीसतो ये कोरसू, जू इना गुलरोन झाड साते होयलो छे, बाकीन ओगर इना बोयळा काजे बी कोयसे, ‘उखवीन जा एने दोरीयामा जायीन पोळ ती यो होय जासे,

प्रेषित 13:1

अन्ताकिया मंडवीमा काहनास भविष्य कोरता एने भोनावने वावा होता जोसा बरनाबास एने शिमोन जीनाक नीगर कोयता होता एने लुकीयुस कुरेनेकर, चौथाईन देसोन राजा हेरोदसोन दुधभाई मनाहेम एने शाउल.

रोमी 11:25

हे भाशो, कांखुर माइन ओसो होये कि तुमु खुद काजे एक ग्यानी सोमजी लेये; इनान कोरता मेसेक नि लागतो कि तुमु इना भेदो सी ओनजानला रोये कि जेतार तोक दिसरा जाती पुरा रितीसी आवे नि तेत्यार तोक इस्राईलोन एक हिस्सू ओसुत काठलु रोयसे.

रोमी 15:14

हे मारा भाशो, मे खुद तारा बारामा जरूर मालूम छे कि तुमु बी खुद भोलाई सी भोरू एने परमेश्वरोन ग्यानसी घोणा सोवटा होये इनीक दिसरा काजे जोताळ सोकतेला.

रोमी 16:25

हिमी जो तुमु काजे मारी वारली खोबर मतलब येसु मसिहन सोंदेसोन प्रचार अनसारे पाको कोरतू रोयतलु छे, तिना भेदोन विजावान अनसारे जो ओमोरकाईसी डूकाय रोयो,

1 कुरीन्थियो 11:4

जू ओदमी मुंडको ढाकिन प्रार्थना नीती भविष्यवाणी कोरतेलू छे, चू आपना मुंडकान अपमान कोरतेलू छे.

1 कुरीन्थियो 12:28

एने परमेश्वरोन मंडवीमा मे ओलोग-ओलोग माणसोक नेमलू छे, पेहेले प्रेषितोन दुसरू भविष्य कोरता, तीसरु मास्तर, ओवते मोटला काम कोरणे वावा, एने आरगाई आपने वावो वरदान, एने एहेसान कोरणे वावा एने शास्त्र पावणे वावा एने होर एक भाती-भातीन भाषा बुलने वावा.

1 कुरीन्थियो 13:1

ओगर मे माणसो पुठी सोरग दूतोन बुली बुलो एने मोंग नी कोरो, ती ठन-ठन वाजणे वावो पीतवो, एने झनझन वाजणे वावी झांज छे.

1 कुरीन्थियो 13:3

ओगर मे मारो आखो धोन गोरीबो काजे खावाळ दिस, नीती मारो डील आगठो धोपाळनेन कोरता आपदिस, एने मोंग नी कोरो, ती मेसेक काहीबी फायदु नी होय.

1 कुरीन्थियो 13:8

मोंग कोबी टोवतली नी; भविष्यवाणी होसे ती सोर जासे; भाषा होसे ती सोर जासे; ग्यान होसे ती खोतम होय जासे;.

1 कुरीन्थियो 14:29

भविष्य कोरता मा गोथा दुय नीती तीन जोना बुलू एने बाकी माणसे तिंदरा वचन काजे उवखे.

1 कुरीन्थियो 14:39

आखरी हे भाशो भविष्यवाणी कोरनेन आसोमा मा रोयू एने दिसरी भाषा बुलनेसी मोना मा कोरु.

1 कुरीन्थियो 14:4

जू दिसरी भाषामा वात कोरतेलू चू आपनीत खुदोन बोढती कोरतेलू; बाकीन जू भविष्यवाणी कोरतेलू चू मंडवीन बोढती कोरतेलू.

1 कुरीन्थियो 15:51

देखू, मे तुमरे पुठी भेदोन वात कोयो आमु आखा सुवसु बाकीन आखा बोदली जासू,

1 कुरीन्थियो 16:22

कोदि कुदु प्रभूसी मोंग नी राखे ती चू शापित होये. हे आमरा प्रभू, आव.

1 कुरीन्थियो 4:1

माणसे आमुक मसिहन चेला एने परमेश्वरोन भेदोन भंडारी सोमज्या.

1 कुरीन्थियो 7:19

नी सुंता काहीन छे एने नी बिना सुंता वावू, बाकीन परमेश्वरोन आग्या माननो आखो काय छे.

1 कुरीन्थियो 8:4

आखरी मूर्ती ओगोव बलिदान कोरनो चीजोन खाणेन बारामा आमु काजे मालूम छे कि मूर्ती जोगोमा काय चीज नी होय एक छुळीन ओवी कुदू परमेश्वर नी होय.

2 कुरीन्थियो 12:11

मे बिन ओकल्यु ते बोन्यू, बाकीन तुमुत मेसेक यो कोयनेन कोरता मोजबुर कोऱ्या. तुमुक ते मारी बोढाई कोरनो जुवतो होतो, काहाकि हिमी मे कायबी नी होय, तीबी तीनुक मोटलासी मोटला प्रेषितोन सी काहना वातोमा कोम नी होय.

गलातियों 5:16

बाकीन मे कोयो, आत्मान अनसारे चालू ती तुमु डीलोन मोर्जी काहना रितीसी पुरा नि कोरे.

गलातियों 5:22

बाकीन आत्मान फोव, मोंग, खुशी, शांती, धीर, दया, भोलाई, भुरसू.

गलातियों 6:3

काहाकि ओगर कुदू काहीन बी नी होयने पोर बी खुदो काजे काहीन सोमजतलु छे, ती खुदो काजे धोकू देतलु छे.

इफिसीयो 3:4

जीना काजे तुमु भोनीन सोमजी सोकतला कि मे मसिहन चू भेद का तोक सोमोजतलो.

इफिसीयो 6:19

एने मारेन कोरता बी मेसेक बुलनेन टेम ओसला प्रबळ वचन आपाय जाय कि साहसोन साथ वारली खोबरोन भेद देखाळ सोकू.

कुलुस्सि 1:26

एने तीना भेद काजे जे टेमोन एने पिढीसी लिखाय रोयो बाकीन हिमी तीनाक तीनु चुखला माणसो पोर होयलो छे.

1 तीमथी 3:16

इनुमा शंका नी होय कि भोक्तीन फरक गंभीर छे, मतलब होयो जे डीलोमा प्रगट होयलो, आत्मामा धोरमी ठेरायू, सोरग दूत काजे देखायतू दिसरा जातीमा हेरा प्रचार होयलू, जोगोमा हेरे पोर भुरसू कोरलु होतु, एने महिमामा उपर चुटायलु होतु.

1 योहान 4:8

जू मोंग नि कोरतेलु, चू परमेश्वर काजे नि उवेखतलु काहाकि परमेश्वर मोंग छे.