1 कुरीन्थियो 10:6 - बारेली पावरी

⁶ जे वाते आमरेन कोरता दाखलु ठेहेऱ्यु, कि जोसो चे लालच कोऱ्या, तोसा आपु भुंडा चीजोन लालच नी कोरजे.

1 कुरीन्थियो 10:6 ပူးပေါင်းရင်းမြစ်များ

रोमी 5:14

ते बी आदोमोन चा गोथो लीन मुसा तोक मोत तीनु माणसो पोर राज कोऱ्यु जो जिना आदोमोन आवने वावू चिन्ह छे गुणेगार सारका पाप नि कोऱ्यु.

1 कुरीन्थियो 10:11

बाकीन जे आखा वाते जी तिंदरे पोर पोळी दाहळान रिती पोर होती; एने ची आपनी चेतावनीन कोरता संसारोन आखरी टेमोमा रोयनेन टेमोमा लिखाय गोयलो छे.

इब्रानियो 4:11

इनान कोरता आपनु तिना आरामोन भोरायने कोरता कोशिश कोरु, कोदि ओसो नी होयो कि तीना रितीसी आग्या नी मानणेन वजेसी काहनास माणसोन नाश होय जाय.

इब्रानियो 9:24

काहाकि मसिहन हातोन बोनावला चुखला जागामा, जे खोरला एने चुखला जागान नमुनु ते छे भोरायू नी बाकीन सोरगोन भोरायू कि हिमी आमरेन कोरता परमेश्वर सामने आवे.

1 पतरस 3:21

तीना पाणीन दाखलू भी, मतलब बाप्तिस्मा, येसु मसिह मोरीन जीव उठनेन लारे, हिमी तुमु काजे वाचाडलु छे; इनासी डीलोन मोयोव काजे धुवने कोरनेन मतलब नि होय, बाकीन वारला मोनोसी परमेश्वरोन ताबामा होई जाणेन मतलब छे.

2 पतरस 2:6

एने सदोम एने गोमोरान नोगोर काजे नाशोन ओसू दोंड आप्या कि तीनुक नाश कोरीन रुखडामा मेवाड देदु काहाकि चे आवने वावान भोक्ती कोरणे वावा माणसोन शिक्षान कोरता एक दाखलू बोनसे.

यहुदा 1:7

जिना रितीसी सदोम एने गोमोरा एने हिंदरा साते वावा गाव, जे हिंदरेन तोसो भुंडला विचार वावा होय गोयलो होतो एने पारका डीलो पोछोव लाग गोयला होता, आगठान ओमोरकाईन दोंडमा पोळीन दाखलु बोन गोयला छे.