1 कुरीन्थियो 1:9 - बारेली पावरी

⁹ परमेश्वर खोरलू छे, जू तुमु काजे आपनु पुऱ्यु आमरा प्रभू येसु मसिहन संगतीमा बुलावलू छे.

1 कुरीन्थियो 1:9 ပူးပေါင်းရင်းမြစ်များ

मत्ती 24:35

सोरग एने धोरती टोव जासे, बाकीन मारी वाते कोबी नी टोवे.

योहान 17:21

कि चे आखा एक होये; जोसू तू छे बास मारेमा छे, एने मे तारेमा छे, तोसाच चे बी आमरेमा होये, जीनामा जोग भुरसू कोरे कि तूच मेसेक मुकेललु छे.”

रोमी 11:17

पुन ओगर काहना डाव्या काटनेमा आव्यो, एने तू जंगली जेतुन बोनीन तिंदरेमा छाटाय गोयो, एने जेतुनोन मुव थुलोक नोरमायीन भागीदार होय गोयलो छे.

रोमी 8:28

आमु काजे मालूम छे कि माणसे परमेश्वर पोर मोंग कोरतेला छे, तिंदरेन कोरता आखा वातोक भेसकीन वारलो पोयदा कोरतेली छे; मतलब तीनुन कोरता जी तेरी मोर्जीन अनसारे बुलवाय गोयला छे.

रोमी 8:30

एने जीनाक चू पेहेलेसी ठेराव्यू तीनुक बुलाव्यू बी, एने जीनुक बुलाव्यू तीनुक धोरमी बी ठेराव्यू एने जीनाक धोरमी ठेराव्यू तीनुक महिमा बी आप्यू.

रोमी 9:24

बाकीन आमरेपोर जीनुक चू नी बाकीन यहुदिमा गोथा एने, दिसरा जातीमा गोथा.

1 कुरीन्थियो 1:30

बाकीन हेरे जुव गोथोत तुमु मसिह येसुमा छे, जो परमेश्वर जुव गोथो आमरेन कोरता ग्यान ठोऱ्यु एने मतलब धारमिकता, एने चुखला, एने छुटकारू.

1 कुरीन्थियो 10:13

तुमु ओसी काहनली परीक्षामा मा पोळू माणसोन सोहोन कोरनेन बारथे छे, परमेश्वर खोरलु छे, एने चू ताकतसी बारथे परीक्षामा नी पोळनो देय, बाकीन परीक्षामा सहन कोरणे बाहर बी आपसे.”

1 कुरीन्थियो 10:16

चे धन्यवादन वाटको जीना पोर आपनु धन्यवाद कोरतेला काय येसुन लुयोन सहभागीता नी होय? चू रुटू जिना काजे आपनु भांगतेला काय चो येसु मसिहन डीलोन सोहोभागीता नी होय?

2 कुरीन्थियो 1:18

परमेश्वर खोरलु गोवा छे कि आमरा तीना वचनमा जो मे तुमु काजे कोयू “हाव एने नी दुयू नी जोळ जातला.”

गलातियों 1:15

बाकीन परमेश्वरोन, जू मारी आयान पेटोमा होतु मेसेक ठेरावलु एने आपनी दयासी बुलाय लेदू.

गलातियों 2:20

मे मसिह पुठी ख्रुस पोर चोळाय गोयू, हिमी मे जीवतलु नी रोयू पुन मसिह मारेमा जीवतला छे; एने मे डीलोम हिमी मे जीवतलु छे, जू परमेश्वर परमेश्वरोन पुऱ्या पोर छे, जू मार पोर मोंग कोऱ्यु एने मारेन कोरीन खुदो काजे आप देदू.

इफिसीयो 3:6

मतलब यो कि मसिह येसुमा वारली खोबरोन लारे दिसरा जातीन माणसे विरासत मा भागी से एने एक डीलन एने वायदान भागी छे.

कुलुस्सि 1:24

हिमी मे तीना दुखोन लारे खुशी कोरो कि जो तुमरेन कोरीन उठाळतेलु एने मसिहन दुखोन कोमी तेरा डीलोन कोरता, मतलब मंडवीन कोरता आपना डीलोमा पुरो कोरतेलु.

1 थिस्सलुनीकियो 2:12

कि तुमरो चाल चलन परमेश्वर काजे बराबोर होय, जो तुमुक तेरा राजमा एने महिमामा बुलावतलु.

2 थिस्सलुनीकियो 2:14

जिनान कोरता चू तुमुक आमरा वारली खोबरोन लारे बुलाव्यू, कि तुमु आमरू प्रभू येसु मसिहन महिमा काजे ली लेये.

2 थिस्सलुनीकियो 3:3

बाकीन प्रभू खोरलू छे; चू तुमु काजे पाका रितीसी वातळू कोरतेलू एने तीना पापोसी वाचाडीन राखतलु.

2 तीमथी 1:9

जू आमरू छुटकारू कोऱ्यु एने चुखला आत्मान बुलाहट सी बुलाव्यू, एने जो आमरा कामन ओनसारे नी बाकीन तेरो मतलब एने तेरी दया ओनसारे छे चू मसिह येसुमा ओमोरकाईसी आमरेपोर होयली छे.

2 तीमथी 2:13

अगर आमु बिन भुरस्या ते बी चू भुरसान लायक बोनलू रोयतलू काहाकि चू खुदोन नकार नी कोर सोकतलु.

तीतुस 1:2

तीना ओमोरकाईन जीवनोन आस पर जेरी वायदू परमेश्वर, जी झूट नि बुल सोकतलु सनातनसी कोरलु छे,

इब्रानियो 10:23

आवू आपु आपनी आसोन अंगीकार काजे पाका बोनीन हिंमतसी धोर रोयू काहाकि जू वायदू कोऱ्यु कि चू खोरलो छे.

इब्रानियो 11:11

भुरसासी सारा डायी होय जाणे पोर भी भारपाये रोयनेन ताकत लेदी काहाकि ची वायदू कोरणे वावा काजे भुरसान लायक सोमजी.

इब्रानियो 2:17

इना वजेसी तीनुन जुवतो होतो, कि आखा वातोमा तुमरा भाशो सारखो बोनु जीनासी चू परमेश्वर सी नात बोनावे, एक दयावू एने भुरसान लायक महायाजक बोने ताकी माणसोन पापोन कोरता पोसतावू कोरे.

इब्रानियो 3:1

इनान कोरता हे चुखला भाशो, तुमु जे सोरगोन बुलावनेन सहभागी छे, तिना प्रेषित एने महायाजक येसु पोर जीनाक आमु मानतला मोन लागाळू.

इब्रानियो 3:14

अगर आमु आपना पेहेला भुरसा पोर आखरी तोक मजबुतीमा पाका रोये ती आमु मसिहन भागीदार बोन गोयला छे.

इब्रानियो 6:18

कि आपनु दुय पाका वातोन लारे जीना बारामा परमेश्वरोन झूट ठरण नि होयने वावो छे, आपनो हिंमतसी वातळो बांदाय जा शरण लेनेन कोरीन एरेन कोरता दोवळे कि तिनी आस काजे ली लेये.

1 पतरस 5:10

तुमु इतरीक वार तोकलीत झेलीन आखो दयान परमेश्वर छे, जू तुमु काजे येसु मसिहमा तेरी ओमोरकाईन महिमान कोरता बुलावलु, चू खुद तुमु काजे सिद्ध, पाक्का ताकत वावा एने स्थिर कोरसे.

1 योहान 1:3

जो काय आमु देख्या एने सोमवतला छे तेरो वारली खोबर तुमु काजे बी आपजे, इनान कोरता कि तुमु बी आमरे पुठी भागीदारी होयू; एने आमरी जी सहभागीता बास पुठी एने तेरु पुऱ्यु येसु मसिह पुठी छे.

1 योहान 1:7

बाकीन कोदि जोसो चू विजावामा छे तोसोत आपनु बी विजावामा चालू, ती एक दिसरा पुठी सहभागीता रोयतला छे एने तेरु पुऱ्यु येसुन लुय आमुक आखा पापोमा गोथू चुखो कोरतेलू छे.

1 योहान 4:13

इनासी आमु उवेखतला कि आमु तेरेमा बोनला रोयतला, एने चू आमरेमा; काहाकि चू आपना आत्मामा गोथो आमुक आपलु छे.

प्रकाशित वाक्य 19:11

पोछु मे सोरगोन राज उगाडलु देख्यू, एने देख्यू कि एक धोव्वु घुल्लु छे; एने तिना पोर एने तेरे पोर बोस रोयलू छे, जू भुरसान लायक एने खोरलू कोवायतलु छे एने चू धोरमोन पुठी नियाव एने लोळायी कोरतेलू छे.