1 कुरीन्थियो 1:7 - बारेली पावरी

⁷ न्या तोक कि काहना वरदान मा तुमुक घोटी नि होये, एने तुमु आमरा प्रभू येसु मसिहन देखायनेन वाट जुवता रोयला छे.

1 कुरीन्थियो 1:7 ပူးပေါင်းရင်းမြစ်များ

मत्ती 25:1

सोरगोन राज “तीनु दोस कुवारीन सारखो होयसे जे तिंदरा दिवा लीन दुल्हा काजे भेटने कोरीन निकव्या.

लुका 12:36

एने तुमु तीनु माणसो सारका बोनू, जू आपना मालकोन वाट देख रोये कि चु वियावमा गोथू केतार आवसे, कि जेतार चू आवीन झोपलु ठूकसे ती तेत्यारुत तिनान कोरता उगाळ देये.”

लुका 17:30

माणसोन पुऱ्यान देखायनेन दाहळे बी ओसोच होयसे.

रोमी 8:19

काहाकि जोग घोनी आसोसी परमेश्वरोन पुऱ्यान प्रगट होयनेन वाट जुव रोयो.

रोमी 8:23

एने निस्तु योत नी बाकीन जिना जुव आत्मान पेहेले फोव छे, तुमु खुद तुमरेमा कुरकुर कोरतला छे; एने पुऱ्या होयनेन मतलब आपना डीलोन छुटकारान वाट जुव रोया.

1 कुरीन्थियो 4:5

इनान कोरता जेतार तोक प्रभू नी आवे, टेमोन पेहेले काहणी वातोन नियाव मा कोरू; चू आंदारलाम डूकायली वाते विजावामा देखाळसे, एने मोनोन अभीप्राय काजे प्रकट कोरसे, तेत्यार परमेश्वरोनचा गोथो होर एकोन बोळाय होयसे.

2 कुरीन्थियो 12:13

तुमु काहणी वातोमा दिसरी मंडवीमा गोथा कोम होता निस्ता इनाम कि मे तुमरे पोर आपनु भार नी नाख्यू मारो यो अन्याय माफ कोरु.

गलातियों 5:5

काहाकि आत्मान लारे आपनु भुरसासी, आस कोरली धारमिकतान वाट जुवतला छे.

फिलिप्पि 3:20

बाकीन आपनो देस सोरगोमा छे; एने आपनु छुटकारू आपन्यु प्रभू येसु मसिहनचा गोथो आवनेन वाट जुवतला छे.

कुलुस्सि 3:4

जेतार मसिह जू आमरो जीवन छे प्रगट होयसे तेतार तुमु बी महिमा साते देखाळाय जासे.

1 थिस्सलुनीकियो 1:10

एने तेरा पुऱ्यान सोरगोपोर गोथू आवनेन वाट जुवता रोयू जीनाक चू मोरलामा गोथू जीवाळ्यु, मतलब येसुन, जो आवने वावा मोटला दोंडोन गोथो वाचाडलो छे.

2 थिस्सलुनीकियो 1:7

एने तुमु जे तोकलीत झेलतला, आमरे पुठी आराम आपे; तिने टेमे जेतार कि प्रभू येसु आपना ताकत वावा दूतो साते हुळू-हुळू धापतला आगठामा सोरगोमा गोथू प्रकट होयसे,

2 तीमथी 4:8

भविष्यमा मारेन कोरता धोरमोन होयो मुकुट मेक मेक्यो छे, जीनाक प्रभू जू धोरमी न्यायी छे मेसेक तीने दाहळे आपसे, एने मेसे ओतरु नि एने हीन आखा काजे बी हिंदरा प्रकट होयनेन काजे मोंगावू मानताला छे.

तीतुस 2:13

एने इनी सोयावा आसोन मतलब आपना मोटला परमेश्वर एने छुटकारू आपने वावु येसु मसिहन महिमा प्रगट होयनेन वाट जुवता रोयू.

इब्रानियो 9:28

तोसुत मसिह बी घोणा सोवटा पापो काजे झेलणेन कोरीन एक कावा बोलीदान होयू, एने जे माणसे तेरी वाट जुवे, तिंदरा छुटकारान कोरता दुसरी कावा बिना पापोन देखाय पोळसे.

1 पतरस 1:13

इना कोरनेसी आपनी-आपनी दिमाकसी कोड्यो बांधीन, एने शुद्धीम रोयीण, तिना दयान आखी आस राखू जी येसु मसिहक प्रकट होयनेन कोरता, टेम तुमु काजे जोळनाय छे.

1 पतरस 4:13

बाकीन जोसो-जोसो तुमु मसिहन दुखोमा सहभागी होयतला छे, खुशीमा रोयू, जीनासी तेरी महिमा प्रकट होयते सोमय भी तुमु खुशीसी भोराय जावू.

1 पतरस 5:4

जेतार प्रोधान राखनेवावू प्रगट होयसे ती तुमु अमोर महिमान मुकुट जोळसे.

2 पतरस 3:12

एने परमेश्वरोन तीना दाहळान ओवतेन तिना दाहळान वाट काहनला रितीसी जुवनो जुवे एने तिनान मामार आवनेन कोरता कोसो कोशिश कोरनो जुवे, जिनान वोजेहसी सोरग आगठासी पिगविन गोव जासे.

1 योहान 3:2

हे मोंगावा, हिमी आपु परमेश्वरोन पुऱ्या छे एने हिमी तोक यो प्रगट नि होयो कि आमु काय-काय होयसु, ओतरो जान लेतला छे कि जेतार चू प्रगट होयसे ती आमु तेरे सामने होयसू, काहाकि तीनाक तोसुच देखसु जोसू चू छे.

यहुदा 1:21

आपना खुदो काजे परमेश्वरोन मोंगसी बोनावीन राखू; एने ओमोर जीवनोन कोरता आमरा प्रभू येसुन मसिह दयान वाट जुवता रोयू.