Yahuuda 1:20 - Bible Fulfulde Bénin New Testament

²⁰ Amma onon yiɗaaɓe, cemmiɗinee ko'e mon dow goonɗinki mon ceniiki sanne, du'ee e baawɗe Ruuhu Ceniiɗo.

Yahuuda 1:20 ပူးပေါင်းရင်းမြစ်များ

Golle Lilaaɓe 15:9

O waɗay cuttontirol gom hakkune meeɗen e maɓɓe, gam o laaɓinii ɓerɗe maɓɓe e goonɗinki.

Golle Lilaaɓe 26:18

gam bumtinaa ɓe, kogitaa ɓe e niwre, ɓe gara der jayŋol, ɓe burtoo e junŋo Ibiliisa, ɓe gara to Alla, ɓe keɓa yaafeego hakkeeji, ɓe keɓa joonne maɓɓe e himɓe Alla gam ɓe goonɗinii am.”»

Golle Lilaaɓe 6:7

Haala Alla e sankitoo yaago yaago, goonɗinɓe e ɓeydoo sanne der *Urusaliima. Kade bo *Limaamiiɓe ɗuuɓɓe laatake goonɗinɓe.

Golle Lilaaɓe 9:31

Den eklesiya heɓi jam der Yahudiya e *Galili e Samariya fu. Ka semmiɗi, kaa yaha der kulol Joomiraawo, kaa ɓeydoo ɗuuɗugo gam ballal *Ruuhu Ceniiɗo.

Roma 15:2

Sey moy meeɗen fu darta ko fottanta banniraawo mum gam nafuwe makko e gam mawningo goonɗinki makko.

Roma 8:15

Ruuhu mo Alla hokki on laatinay on maccuɓe, hakko gonoɗon kade der kulol. Amma o laatinii on ɓiɓɓe Alla. Ruuhu acci een nodda Alla «Abba» waato *Baaba.

Korintu Aranol 1:8

Kanko semmiɗinta on faa heennyitirde, gam laatoɗon ɓe walaa gacce der nyalaane wittoygo makko.

Korintu Aranol 10:23

Gooŋa nun: «Huune fu e dagii». Amma huune fu bane nafata. «Huune fu e dagii,» amma huune fu bane yaarata eklesiya yeeso.

Korintu Aranol 14:15

Den, noy gaɗanmi? Mi du'oto e ruuhu am, mi du'oto bo e hakkillo am. Mi yiman e ruuhu am, mi yiman bo e hakkillo am.

Korintu Aranol 14:26

Banniraaɓe, noy haani gaɗen? To on kawritii, go oo ɗo e woodi jimol, oo to e woodi janŋinol, goɗɗo bo e woodi kollitol gom, goɗɗo bo e bata e ɗelle *Ruuhu, goɗɗo bo e nantina ɗe, sey huune fu waɗee gam goonɗinɓe mawna.

Galaatiya 4:6

Gam een laatii ɓiɓɓe Alla, o lilii *Ruuhu Ɓiyiiko der ɓerɗe meeɗen. Kanjum acci Ruuhu on e wi'a: «Abba», waato *Baaba.

Efesu 4:12

O waɗii ɗum gam o siriyoo himɓe Alla gam golle, ɓe mawninira ɓannu *Almasiihu.

Efesu 4:16

Diga e makko nun jokkule ɓannu fu jogontirii. To jokkulal fu e waɗa golle mum, den ɓannu mawnan, yaha yeeso der yidde.

Efesu 4:29

Haanay haalaaji bonɗi e wurtoo diga e kunnuɗe mooɗon. Ko haani gaɗon woni, baton haalaaji nafooji, cemmiɗinooji goonɗinki woɓɓe, gam kettinaniiɓe on nana ko nafata ɗum.

Efesu 6:18

Wakkati fu gaɗee du'aaje feere feere. Eelee ballal Alla hande no Ruuhu Ceniiɗo hollitirta on. Deenee e tinnaare! To on accee du'anaago himɓe Alla.

Koloosi 2:7

Gaɗee ɗaɗi der makko, mahee goonki mon bo dow makko. Cemmiɗee der goonɗinki hande no janŋiniraɗon, jettee Alla puy.

Tesalonika Aranol 5:11

Gam majjum, kokkontiree semme, ballontiree hakkune mooɗon der goonɗinki, hande no gaɗirton ko.

Timote Aranol 1:4

Batu ɓe ɓe acca hakkilango taalaaji e inɗe kaakiraaɓe ɗe walaa kaddi. Jeddi tan ɗum waddata, ɗum nafataa laawol ŋol Alla hisinirta himɓe e goonɗinki.

Timote Ɗiɗaɓol 1:5

Mii siwtora goonɗinki maa ki walaa munaafitaare. Maama maa Loyis e inna maa Enis e artu maa woodugo ki. Mii hoolii an bo aa woodi ki.

Titus 1:1

Ɗerewol ŋol ɗo ƴiwii e am, min Pol, maccuɗo Alla e lilaaɗo Yeesu *Almasiihu. Alla yowanii am mi waɗa suɓaaɓe makko goonɗina mo. O yowanii am anningo ɓe gooŋa jaadooha e goonɗinki men.

Yaakuuba 2:22

A yi'ii no goonɗinki Iburahiima hawtii e gaɗu na? Go gaɗu makko hebbini goonɗinki makko.

Piyer Ɗiɗaɓol 1:1

Ɗerewol ŋol ƴiwii e am min Simon Piyer. Mii laatii jaggiiɗo e lilaaɗo Yeesu *Almasiihu. Mi sannii on, onon heɓuɓe goonɗinki geeti hande ki amen, gam sabbu foonnitaare Alla men, tawaane der Yeesu Almasiihu, kisinoowo.

Yuhaana Aranol 5:4

gam laatiiɗo mo Alla fu, jaaloto kujje duniyaaru. E goonɗinki meeɗen jaalortoɗen kujje duniyaaru.

Yahuuda 1:3

Banniraaɓe am yiɗaaɓe, mi yiɗiino puy winnango on dow haala kisidam kawtuɗam en en fu. Jooni mi tawii doole nun mi winnana on gam tiiɗingo on dow hawre goonɗinki ki Alla hokki himɓe mum de woore, go ki heƴi faa baadey.

Kollitinki 13:10

Mo ɗum resani nanŋee maccunnaaku, nanŋee. Mo ɗum resani waree e kaafahi, waree e kaafahi. Gam majjum sey himɓe Alla tinno, jogoo goonɗinki.