Yahuuda 1:16 - Bible Fulfulde Bénin New Testament

¹⁶ Himɓe ɓen laati nun dumbitintooɓe, ɓee bullikinoo wakkati fu, suunooji maɓɓe nun ɓe tokki. Ɓee mawnito dow majjum, ɓee mana woɓɓe gam ɓe keɓa ko ɓe jiɗi.

Yahuuda 1:16 ပူးပေါင်းရင်းမြစ်များ

Luka 15:2

go *Farisaaɓe e *moodiɓɓe tawreeta kan e dumbitoo dow Yeesu, e wi'a: «Gorko oo e jaɓɓoo hakkeeɓe, oo nyaamda bo e maɓɓe!»

Luka 19:7

Yi'uɓe ɗum fu e dumbitoo e wi'a: «Neɗɗo on yahii weeroygo wuro hakkeejo!»

Luka 5:30

*Farisaaɓe e *moodiɓɓe tawreeta yanti e dumbitoo, ko ɓe ƴami aahiiɓe Yeesu ɓe bi'i: «Gam ume nun ko oon nyaamda, oon jarida bo e jaɓooɓe ceede faada e hakkeeɓe?»

Yuhaana 6:41

*Yahuduuɓe e dumbitoo hakkune mum dow haala Yeesu, gam o wi'i: «Min woni nyaamdu ƴiwuŋol dow kammu»

Yuhaana 6:61

Yeesu faami der ɓerne mum, aahiiɓe mum e dumbitoo dow majjum, go o wi'i ɓe: «Haala kan jiɓi on nun?

Korintu Aranol 10:10

To on dumbitee hande no woɓɓe maɓɓe waɗi, go malaykaajo maayde halki ɓe.

Galaatiya 5:16

Gam majjum, mii bata on: Accee *Ruuhu Ceniiɗo dura gonki mon, den on tokkataa jiɗaaɗi yonki mooɗon.

Galaatiya 5:24

Laatiiɓe ɓe Yeesu *Almasiihu tiggii ɓalli mum e jiɗaaɗi yonki, e suuno mum fu dow *leggal palaaŋal.

Filippi 2:14

Ko gaɗoton fu, to on dumbitee, to on kaɓee bo,

Tesalonika Aranol 4:5

To on ɗowtanee ko welata ɓalli mooɗon hande no heeferɓe ɓe annaa Alla waɗata.

Timote Aranol 6:5

Eɗum wadda jeddi ɗi walaa kaddi, hakkune himɓe ɓe hakkillo mum wuurii. Ɓe joofii gooŋa, ɓee miili goonɗinki laati nun laawol keɓal.

Timote Ɗiɗaɓol 4:3

Gam wakkati waran de himɓe salotoo nanugo ekkitinol poortiiŋol. Ɓe tokkoto suunooji maɓɓe. Ɓe dartanan ko'e maɓɓe janŋinooɓe ɗuuɓɓe, janŋinanɓe ɓe ko ɓe jiɗi nanugo.

Piyer Aranol 1:14

Laatee hande sukaaɓe ɗowtiiɓe, to on tokkee suunooji mon ɗi gonnoɗon der muuɗum wakkati on annaano Almasiihu.

Piyer Aranol 2:11

Banniraaɓe am yiɗaaɓe, on laati nun hoɓɓe e jananɓe. Gam majjum mii eela on, boɗɗodee jiɗaali ɓannu dartooji halka yonkiiji mooɗon.

Piyer Aranol 4:2

Diga jooni faa balɗe mooɗon koriiɗe der duuniyaaru, sey goniron hande no Alla yiɗiri, ceedon e suunooji ɓannu.

Piyer Ɗiɗaɓol 2:10

accu du tokkuɓe suunooji ɓalli mum, e waɗa jiɗaaɗi yonki mum, ko e yawii baawɗe Joomiraawo. Janŋinooɓe fewrekuuɓe ɓen ɓerɗe mum e yoori, ɓee goodi manŋu hoore, ɓee bata kalluka dow tedduɓe wonɓe dow kammu.

Piyer Ɗiɗaɓol 2:18

Ɓee bata haalaaji mawnitiiɗi, ɗi galaa hoore. Ɓee ƴoyra himɓe e haalaaji suuno ɓannu. Himɓe ɓen wurtikeno ɗum ɓooyay diga majjuɓe.

Piyer Ɗiɗaɓol 3:3

Aran, annitee ɗum ɗo: Der nyalaaɗe cakitiiɗe, himɓe jaancooɓe, tokkuɓe jiɗaaɗi yonki mum waran. Ɓe jaancan on,

Yahuuda 1:15

Oo wara gam o hiito himɓe fu, o halka halluɓe fu, waɗooɓe ko halli. O hiitoto ɓe, gam haalaaji kalluɗi ɗi ɓe bati dow makko fu.»

Yahuuda 1:18

Ɓe batiino on, ɓe bi'i: «Der jaamanuuji cakitiiɗi, himɓe jaancooɓe, tokkuɓe jiɗaaɗi yonki mum kalluɗi waraan.»